De’ QaQ’e’ ghItlhbogh marqoS
4. fejezet
1. vers
ngeng retlhDaq ghojmoH 'e' ruchqa'. ghaHDaq ghomchoH ghom'a' tInqu'. vaj, Duj 'elDI', ngengDaq ba'choH. 'ej ngeng retlhDaq yavDaq ghom'a' naQ tu'lu'.
2. vers
lutmey lo'taHvIS, chaHvaD Doch law' ghojmoH. 'ej ghojmoHtaHvIS jatlh:
3. vers
pe'IjtaH. SuH, pochmeH ghoS pochwI'.
4. vers
qaS pochtaHvIS: He retlhDaq pum tI QIm puS. ghoS chalHa'DIbaHmey 'ej luSopchu'.
5. vers
nagh yotlhDaq pum latlh. pa' lam law' tu'lu'be'. SIbI' Sal tI, lam tIq ghajbe'mo'.
6. vers
narghDI' pemHov, meQ tI. 'ej waw' ghajbe'mo', QaDchoH.
7. vers
tImey jejDaq pum latlh. Sal tImey jej 'ej 'oH voQmoH, 'ej naH lIngbe'.
8. vers
lam QaQDaq pum latlh. Salpu'DI' 'ej tInchoHpu'DI', naH lIngpu'. wejmaHlogh lIng wa' 'ej javmaHlogh lIng latlh 'ej wa'vatlhlogh lIng latlh.
9. vers
'ej jatlhtaH: 'Ijjaj 'IjmeH teSDu' ghajbogh ghot'e'.
10. vers
mobchoHDI' chaH, lutmey qeltaHvIS, ghaH lughel ghaHDaq Sumbogh ghot, wa'maHcha' je.
11. vers
chaHvaD jatlhtaH: Qun'a' che'taHghach pegh bonoblu'. lutmey rurtaHvIS, Hur ghotpu'vaD Hoch 'anglu'.
12. vers
bejtaHvIS bejmeH 'ej leghbe'meH, 'ej QoytaHvIS QoymeH 'ej tlhojbe'meH, 'ej not tlhe''eghmeH 'ej noDHa'lu'meH, 'anglu'.
13. vers
chaHvaD jatlh: lutvam boyajbe'. vaj chay' Hoch lut boyaj?
15. vers
He retlhDaq QIn pochlu'. pa' vay' lutu'lu'. luQoyDI', SIbI' ghoS veqlargh. 'ej chaHvo' QIn pochpu'bogh nge'.
16. vers
nagh yotlhDaq tI pochlu'. pa' vay' lutu'lu'. QIn luQoyDI', SIbI' luHev QuchtaHvIS.
17. vers
chaHDaq waw' ghajbe' chaH, 'ach ru'. vaj, QInmo' lu'IQmoHlu'DI', qoj, lutungHa'lu'DI', SIbI' 'oHvo' tlhu' chaH.
18. vers
tI jejDaq tI pochlu'. pa' latlh lutu'lu'. QIn luQoy.
19. vers
chaH 'elDI' bov luSaHmeH qech, jomo' lungorlu'meH qech je, latlh qelbogh neHtaHghach'e' je, QIn luvoQmoH 'ej naH HutlhwI' moj.
20. vers
'ej lam QaQDaq tI pochlu'. pa' vay' lutu'lu'. QIn luQoy 'ej lulaj. wejmaHlogh lIng wa' 'ej javmaHlogh lIng latlh 'ej wa'vatlhlogh lIng latlh.
21. vers
'ej chaHvaD jatlhtaH: bal bIngDaq, QongDaq bIngDaq joq lanlu'meH, weQ qemlu''a'? weQDaqDaq lanlu'meH weQ qemlu'be''a'?
22. vers
pagh So'lu', narghmeH 'oH So'lu'be'chugh. 'ej pagh peghlu', leghchoHlu'meH 'oH peghlu'be'chugh.
23. vers
'IjmeH teSDu' ghajchugh vay', vaj 'Ijjaj.
24. vers
'ej chaHvaD jatlhtaH: QIch boQoybogh yIqIm. SujuvmeH juvwI' bolo'chugh, vaj bojuvlu'meH juvwI'vam lo'lu', 'ej tlhIHvaD chellu'.
25. vers
ghajchugh vay', vaj ghaHvaD noblu'. 'ej ghajbe'chugh vay', vaj ghaHvo' Hoch ghajbogh nge'lu' je.
26. vers
'ej jatlhtaH: ghu'vam rur Qun'a' wo': lamDaq tI poch ghot.
27. vers
qaSDI' ram, Qong 'ej qaSDI' pem, vem ghaH. tInchoH 'ej Sal tI. qaS 'e' tlhojbe' ghaH.
28. vers
nIteb naH lIng lam. wa'DIch 'oH tIr'etlh'e'. tlha' tIrnach. tIrnachDaq tlha' tIr naQ.
29. vers
lIngbeHDI' naH, SIbI' yobwI' taj ngeH, pawmo' yobmeH poH.
30. vers
'ej jatlhtaH: chay' Qun'a' wo' wIDel? qoj, wIqatmeH nuq 'oH lut'e' wIlo'bogh?
31. vers
Sesame tI QIm rur. lamDaq pochlu'DI', 'oH mach law' qo'Daq Hoch tI ghu tu'lu'bogh mach puS.
32. vers
pochlu'DI', Sal. 'ej 'oH tIn law'choH naH Hoch tIn puS. DeSmey tIn lIng. vaj, QIbDaj bIngDaq ratlhlaH puvbogh chalHa'DIbaH.
33. vers
lutvam law' lo'taHvIS, chaHvaD SoQ ja'taH, luyajlaHchugh.
34. vers
lut lo'be'taHvIS, chaHvaD ja'be'. 'a mobDI', ghojwI'pu'DajvaD Hoch QIjtaH.
35. vers
chaHvaD jatlh qaStaHvIS jajvetlh choS: latlh Dop wIjaH.
36. vers
ghom'a' mejpu'DI', DujDaq ghaH lutlhejmoH, DujDaq ghaHtaHmo'. 'ej lutlhej latlh Duj.
37. vers
qaS SuS jevtaHghach Doj. Duj HIv joqbogh bIQ. vaj, pay' Duj SoDtaH.
38. vers
'o'Daq nach QongDaqDaq ghaHtaH, QongtaHvIS. luvemmoH 'ej ghaHvaD jatlh: ghojmoHwI', wIQaw'lu'taH 'e' DaSaHbe''a'?
39. vers
Hu'DI', SuS qun 'ej ngengvaD jatlh: wab mev! vIHQo'! HoSbe'choH SuS. qaSchoH jottaHghach Dun.
40. vers
chaHvaD jatlh: qatlh HajwI' boDa? chay' wej Suvoq?
41. vers
HajchoHqu' chaH. 'ej ja'chuqtaHvIS jatlhchoH: 'Iv ghaH ghotvam'e' lobbogh je SuS ngeng je jay'?
Könyvek
