De’ QaQ’e’ ghItlhbogh marqoS
7. fejezet
1. vers
ghaHDaq ghom yeruSalemvo' cholbogh parISay'oSpu', 'op HaDwI' je.
2. vers
ghopDu' quvHa' (vaj Say'moHbe'bogh) lo'taHvIS, chabmey Sop 'op ghojwI'pu'Daj 'e' lulegh HaDwI'.
3. vers
SopQo' parISay'oSpu' Hoch yuDay'angan je, ghopDu'chaj Say'moHpa'. DeSqIv bIng naQ Say'moHnIS. vaj qup tIghmey leH.
4. vers
'ej ngevwI' yotlhvo' SopQo', chaHDaq bIQ ghomHa'pa' chaH. leHmeH latlh law''e' Hevbogh chaH, tu'lu'. HIvje', bal je, 'un je, [QongDaq je] Say'moH chaH.
5. vers
ghaH lughel parISay'oSpu' HaDwI'pu' je: qatlh vang ghojwI'pu'lI', qup tIghmey lobHa'taHvIS, 'ach ghopDu' quvHa' lo'taHvIS chab luSop?
6. vers
chaHvaD jatlh: vIttaHvIS nemSov SoQ maq yeSay'a. tojwI'pu' tlhIHbogh qeltaHvIS, ghItlh: wuSchaj lo'taHvIS muquvmoH ghotghomvam. 'ach jIHvo' Hopqu'bej tIqchaj.
7. vers
muvuvtaHvIS, chavHa', paQDI'norgh ghojmoHbogh bIH SoQ'e' ra'pu'bog neH yoq.
8. vers
chut'e' ra'pu'bogh Qun'a' bolonDI', yoq tIgh boleH.
9. vers
'ej chaHvaD jatlh: wejpuH, tIghraj bochoqmeH, chut'e' ra'pu'bogh Qun'a' boqIl.
10. vers
jatlh moySeS: vavlI' SoSlI' je tIquvmoH. jatlh je: SIbI' HeghDaq mevjaj vav SoS joq naDHa'bogh ghot'e'.
11. vers
'a Sujatlh tlhIH: vavvaD SoSvaD joq jatlhchugh ghot: "qorban", vaj, "Qun'a'vaD nob" neH 'oH SoHvaD boQ'e' vIta'pu'bogh ---
12. vers
vaj vavvaD SoSvaD je chav QaQ ta'lu' not 'e' bochaw'.
13. vers
tIghrajmo' boleHbogh, Qun'a' QIn boqIl, 'ej rurbogh ta' law' bovang.
14. vers
cholmeH ghom'a' ra'qa'pu'DI', chaHvaD jatlh: jIHvaD pe'Ij Hoch 'ej peyaj.
15. vers
ghot Hurvo' ghot'e' 'elDI', ghaH quvHa'moHlaH pagh tu'lu'bogh. 'ach ghot quvHa'moH ghotvo' tlheDbogh Dochmey'e'.
16. vers
[['IjmeH teSDu' ghajchugh vay', 'Ijjaj. ]]
17. vers
ghom'a'vo' juH 'elDI', lut luqelmo', ghaH lughel ghojwI'Daj.
18. vers
chaHvaD jatlh: vaj SuyajlaHbe'qu''a' je tlhIH? Hurvo' ghot quvHa'moHlaHbe' ghaH 'elbogh Hoch'e',
19. vers
tIqDaq ghaH 'elbe'mo' 'oH, 'ach chorDaq 'el neH 'ej puchDaq 'oH teqlu' (Hoch Soj Say'moHlu'taHvIS) 'e' boyajbe''a'?
20. vers
'ej jatlh: ghot quvHa'moH ghotvo' tlheDbogh Doch'e',
21. vers
porgh qoDvo', ghot tIqvo', tlheDmo' qech mIgh: ngaghHa'meH, nIHmeH, chotmeH,
22. vers
tlhogh webmeH, qurmeH, mIghmeH, tojmeH, nga'chuqmo' tlhIvmeH, mIn mIgh lo'meH, lalDan tIchmeH, Hemqu'meH, ghobvaD DoghmeH je qech.
23. vers
porgh qoDvo' tlheD Hochvam mIgh, 'ej ghot luquvHa'moH.
24. vers
pa'vo' Hu'DI', tu'roS SepDaq tlheD. juH 'elpu'DI', 'el 'e' Sov pagh neHtaH, 'ach So''eghlaHbe'taH.
25. vers
ghaH buSbogh De''e' Qoy be'. puqbe''e' SeHbogh qa' Say'Ha' ghaj. SIbI' cholDI', qamDu'DajDaq pum.
26. vers
yuDa'ya lalDan pabbe' be'. boghmo' SurI'ya poynI'qIyangan ghaH. puqbe'Dajvo' qa' mIgh ghImmeH yeSuS tlhob.
27. vers
ghaHvaD jatlh: yon lalDan puqpu' net chaw'nIS. wa'DIch 'oHnIS wanI'vam'e', QaQbe'mo', puqpu' chab nge'lu'chugh 'ej SajmeyvaD woDlu'chugh.
28. vers
jang 'ej jatlh: lu', joH. puqpu' chab DI Sop raS bIng Sajmey.
29. vers
'ej ghaHvaD jatlh: mu'lIjmo' yIjaH. puqbe'lI'vo' DoHpu' qa' mIgh.
30. vers
juHDajDaq mejpu'DI', QongDaqDaq Qot puq 'ej DoH qa' mIgh 'e' tu'.
31. vers
tu'roS Sepvo' mejqa'pu'DI', SIDon juS 'ej ghalIlay'a ngeng, wa'maH veng Sep botlh je ghoS.
32. vers
ghaHvaD jatlhbe'taHbogh QoylaHbe'wI' luqem. ghaHDaq ghopDaj lanmeH, lutlhob.
33. vers
ghom'a'vo' nIteb nge'pu'DI', ghot qoghDu'Daq nItlhDu'Daj lan yeSuS. 'ej tlhISDI', jatDaj Hot.
34. vers
chal bejtaHvIS, tlhuHqu' 'ej ghaHvaD jatlh:
35. vers
'eppatlha vaj "yIpoSchu'". [SIbI'] poSchoH qoghDu'Daj. 'ej jatDaj baghlu'pu'bogh baghHa'choHlu' 'ej jatlhchoHchu'.
36. vers
paghvaD luja'meH ra'. chaHvaD ra'taHvIS, ghur lumaqmeH QIchchaj.
37. vers
yay'qu'chu' chaH. 'ej jatlh chaH: QaQ Hoch ta'Daj. QoylaHbe'wI' QoymoH je 'ej jatlhlaHbe'wI' jatlhmoH je.
Könyvek
