De’ QaQ’e’ ghItlhbogh marqoS
15. fejezet
1. vers
qaStaHvIS po, SIbI' qep lujeSpu'DI' lalDanla'pu' quppu' je HaDwI'pu' je yejquv naQ je, yeSuS lubaghDI', luteq 'ej pIla'tuSvaD lujegh.
2. vers
ghaH yu' pIla'tuS: yuDay'angan voDleH SoH'a'? jangtaHvIS ghaHvaD jatlh: Daja' SoH.
3. vers
HeS law'mo' ghaH lupum lalDanla'pu'.
4. vers
ghaH yu'qa'taHvIS pIla'tuS, jatlh: pagh Dajang'a'? SuH, HeS law'mo' nIpum.
5. vers
not vay' jang yeSuS. vaj yay' pIla'tuS.
6. vers
qaStaHvIS yupma', chaHvaD wa' qama' lutlhobbogh qopHa'taH ghaH.
7. vers
Daw'wI'pu' tlhejmeH barabbaS pong ghot weghlu'. qaStaHvIS Daw', HoH luta'pu' chaH.
8. vers
SalDI' ghom'a', chaHvaD Qu' ta'taHbogh ghaH lutlhobchoH.
9. vers
chaHvaD jangtaHvIS pIla'tuS, jatlh: tlhIHvaD yuDay'angan voDleH vIqopHa' boneH'a'?
10. vers
ghalmo' chaH, ghaH lujeghpu' lalDanla' 'e' Sovmo'.
11. vers
chaHvaD barabbaS qopHa' ghaH, 'e' maSmeH ghom'a' luSeymoH lalDanla'.
12. vers
jangqa'taHvIS pIla'tuS, chaHvaD jatlh: vaj "yuDay'angan voDleH" [pongraj ghotvam]vaD nuq vIta' [boneH]?
13. vers
ghIq jachtaHvIS chaH, jatlh: naQDaq yImuH.
14. vers
chaHvaD jatlh pIla'tuS: nuq mIgh chavpu'mo' ghaH? 'ach jachqu' chaH: naQDaq yImuH.
15. vers
ghom'a'vaD yonmoHbogh ta' vang neHmo' pIla'tuS, chaHvaD barabbaS qopHa'. 'ej yeSuSvaD qIpmoHDI', naQDaq lumuHmeH ghaH jegh.
16. vers
vaSDaq, qumwI' juHDaq luDev mangpu'. ghommeH nawlogh naQ lura'.
17. vers
ghaHvaD wep Doq lutuQmoH. luchenmoHDI', ghaHDaq naHjej mIvgho lulan.
18. vers
luvanchoH: Qapla', yuDay'angan voDleH!
19. vers
nachDaq luqIpmeH, naQ lo'. ghaHDaq tlhIS. tortaHvIS, lunaDtaH.
20. vers
luvaqpu'DI', wep Doq tuQHa'moH. ghaHvaD SutDaj lutuQmoH. naQDaq lumuHmeH luDev.
21. vers
naQDaj qengmeH Hatlhvo' ghoSbogh juSwI' luraD. SI'mon qure'nengan ghaH. 'ale'QantlhoS ru'vuS je vav ghaH.
22. vers
gholghotlha DaqDaq luqem. 'oH mughluchugh, nIb 'oH, "nach Hom Daq" je.
23. vers
ghaHvaD noSvagh ngaSbogh HIq'e' lunob. 'ach tlhutlhQo' ghaH.
24. vers
naQDaq lulan. SutmeyDaj luwav. 'ay' luSuqbogh luwuqmeH, bIHmo' SuD ghaH.
26. vers
pumDaj DeghDaq "yuDay'angan voDleH" ghItlhlu'.
27. vers
naQDaq lutlhejmeH cha' nIHwI' lumuH. nIHDajDaq wa' lulan. poSDajDaq wa' lulan.
28. vers
[['ej teHchoH ghItlhvam: chut pabHa'wI'pu'Daq ghaH toghlu'.]]
29. vers
lunaDHa' juSwI', nachchaj vIHmoHtaHvIS. jatlh chaH: toH, chIrgh'a' Qaw'bogh 'ej wejleS chenmoHbogh ghot'e'!
31. vers
mIw rap lupabtaHvIS, ja'chuq lalDanla'pu' HaDwI'pu' je, luvaqmeH jatlhtaHvIS: latlhpu' toDta'. toD'eghlaHbe' ghaH.
32. vers
maleghmeH 'ej maHarmeH, DaH naQvo' ghIrjaj 'IHrIStoS, yuDay'angan voDleH. 'ej luvaqtaH naQDaq lutlhejbogh ghotpu'.
33. vers
rep jav, puH naQDaq Hurgh chal. rep Hut, Hurgh 'e' mev.
34. vers
rep Hut, jach yeSuS, ghogh HoS lo'taHvIS: 'eloy 'eloy lema SabaHtlhanI. 'oH mughlu'DI', nIb 'oH, "Qun'a'wI', Qun'a'wI', qatlh cholonta'?" je.
35. vers
QoyDI' pa' Qambogh vay', jatlh chaH: SuH, 'elI'ya pong.
36. vers
qetDI' vay', HIq wIbDaq ngoHwI' tebpu'DI', naQDaq 'oH lanDI', ghaH tlhutlhmoHtaHvIS, jatlh: Ha', chaq ghaH jotlhmeH ghoS 'elI'ya, 'e' wItu'.
38. vers
cha' 'ay' mojmeH, chIrgh'a' lojmIt Sut pe'lu'. Dungvo' bIngDaq pe'lu'.
39. vers
HeghmeH mIw leghDI' ghaH tlhopDaq Qambogh nawloghla''e', jatlh: teH. Qun'a' puqloD ghaHpu' ghotvam'e'.
40. vers
Daq Hopvo' bejtaHbogh be'pu' lutu'lu' je. chaHDaq marI'ya maghDalangan, marI'ya ya'qoboS Qup, yoSeS je SoS je, Salo'me je lutu'lu'.
41. vers
ghalIlay'aDaq ghaH tu'lu'taHvIS, lutlha'taH 'ej lutoy'taH. yeruSalemDaq SalDI' ghaH, lutlhej chaH, be' law' je.
42. vers
qaSDI' choS, qaSmo' qeqwI' jaj --- vaj qaS Sabatlh nungbogh jaj'e' ---
43. vers
chol yoSep 'arImatlhay'angan. yejquv jeSwI' quv ghaH. Qun'a' wo' lajpu' je ghaH. ngIltaHvIS pIla'tuSDaq 'el. 'ej yeSuS lom tlhob.
44. vers
DaH Heghpu'mo', pIla'tuS mer. cholmeH nawloghla' ra'DI', ghaH ghelmeH jatlh: qenHa' Hegh'a' ghaH?
45. vers
nawloghla'vo' SovDI', yoSepvaD lom nob.
46. vers
qatwI' je'DI', ghaH jotlhDI', qatwI'Daq ghaH qat. molDaq ghaH lan. naghDaq mol nanlu'ta'. mol lojmItDaq nagh'a' lanmeH jIrmoH.
47. vers
ghaH lanlu'meH Daq lubej marI'ya maghDalangan, yoSeS marI'ya je.
Könyvek
