De’ QaQ’e’ ghItlhbogh marqoS
10. fejezet
1. vers
pa'vo' Hu'pu'DI', yuDay'a SepDaq, yorDa'neS latlh DopDaq [je] ghoS. ghaH tlha'qa' ghom'a'mey. mIw motlh pabtaHvIS, chaH ghojqa'moH.
2. vers
[cholDI' parISay'oSpu',] lughelmeH jatlh, luDajtaHvIS: be'nal SawHa' loDnal net chaw''a'?
3. vers
jangtaHvIS, chaHvaD jatlh: tlhIHvaD nuq ra'ta' moySeS?
4. vers
jatlh chaH: SawHa'meH nav ghItlhlu' 'ej SawHa'lu' 'e' chaw'ta' moySeS.
5. vers
chaHvaD jatlh yeSuS: tIqDu' let boghajmo', tlhIHvaD chutvam ghItlh.
6. vers
'ach chenDI' 'u', loD be' je chenmoH ghaH.
7. vers
vaj vavDaj SoS je lonnIS loD. ['ej be'nal muvnIS.]
8. vers
'ej wa' Ha'DIbaH lumoj cha'. vaj cha' chaHbe'choH, 'a wa' Ha'DIbaH chaHchoH.
9. vers
vaj Dol'e' muvmoHta'bogh Qun'a' wavbe'jaj yoq.
10. vers
juHDaq ghu'vam luqeltaHvIS, lughelqa' ghojwI'.
11. vers
chaHvaD jatlh: be'nalDaj SawHa'chugh vay', 'ej latlh Sawchugh, vaj be'vaD tlhogh quvHa'moH.
12. vers
'ej loDnal nayHa'pu'DI', latlh naychugh ghaH, vaj tlhogh quvHa'moH.
13. vers
HotmeH ghaH, ghaHvaD puqpu' much chaH. 'ach chaH qun ghojwI'pu'.
14. vers
leghDI' yeSuS, puQ. chaHvaD jatlh: muchol puqpu' 'e' yIchaw'. tIbotQo'; Qun'a' wo' Dabmo' mutchaj.
15. vers
teH; Sajatlh: Qun'a' wo' lajchugh vay', puq DataHQo'vIS, vaj 'oH 'elbe'bej.
16. vers
chaH DechtaHvIS DeSDu'Daj, chaH naDchu'taH ghaH, chaHDaq ghopDu'Daj lantaHvIS.
17. vers
HeDaq ghoSchoHtaHvIS ghaH, cholmeH qetpu'DI' wa', 'ej ghaHDaq torpu'DI', ghaH ghelmeH jatlh: ghojmoHwI' QaQ, yIn jub vIcho'meH, nuq vIta'nIS?
18. vers
ghaHvaD jatlh yeSuS: qatlh jIHvaD "QaQ" Dapong? QaQ wa' Qun'a', pagh latlh je.
19. vers
chutmey DaSov: yIchotQo'. tlhogh yIquvHa'moHQo'. yInIHQo'. bo'DIjDaq bI'IptaHvIS, yInepQo'. bInge'meH yItojQo'. vavlI' SoSlI' je yIquvmoH.
20. vers
yeSuSvaD jatlh ghaH: ghojmoHwI', Hochvam vIpabchoH, puq jIHtaHvIS, 'ej reH vIpab.
21. vers
ghaH bejtaHvIS yeSuS, ghaH parHa' 'ej ghaHvaD jatlh: SoHvaD 'ut wa'. yIghoS; Hoch Daghajbogh yIngev 'ej mIpbe'wI'pu'vaD yInob; vaj chalDaq mIp DaSuq. ghIq Ha', HItlha'.
22. vers
mu'mo' 'IQmo' ghaH, mej 'IttaHvIS; jo law' ghajmo'.
23. vers
retlh bejDI', ghojwI'pu'DajvaD jatlh yeSuS: Qatlhqu', Qun'a' wo' 'el 'e' lunIDchugh Huch ghajwI'pu'.
24. vers
mu'Dajmo' yay' ghojwI'pu'. jangtaHvIS chaHvaD jatlhqa' yeSuS: puqpu', Qatlh, Qun'a' wo' 'el 'e' nIDchugh vay'.
25. vers
chaq Qun'a' wo' 'el mIpwI'; chaq tlhegh tajHom lojmItHom vegh camel; ta'vam ngeD law' ta'vetlh ngeD puS.
26. vers
chaH merqu'taHvIS, ja''egh chaH: vaj toDlu' 'e' chav 'Iv?
27. vers
chaH bejchu'taHvIS yeSuS, jatlh: yoqpu'vaD qItbe'. 'ach Qun'a'vaD qIt; Qun'a'vaD qItmo' Hoch.
28. vers
ghaHvaD jatlhchoH pe'tlhoS: Su', Hoch wIlonta' 'ej pItlha'.
29. vers
jatlh yeSuS: teH; Sajatlh: jIHmo' De' QaQmo' je, juH loDnI'pu' je, be'nI'pu' je, SoS je, vav je, puqpu' je, Du'mey je lonchugh vay',
30. vers
vaj DaH, qaStaHvIS bovvam, wa'maHlogh juHmey loDnI'pu' je, be'nI'pu' je, SoSpu' je, puqpu' je, Du'mey je Suq; naDHa'ghachmey Suq je, 'ej qaSDI' bov veb, yIn juq Suq.
31. vers
leS Qav potlhwI' law', 'ej potlh QavwI'.
32. vers
HeDaq lutu'lu', yeruSalemDaq SaltaHvIS. chaH DevtaH yeSuS. yay' chaH, 'ej Haj tlha'wI'pu'. lucholmeH wa'maHcha' ra'DI' ghaH, leS ghaHvaD qaSbogh ghu' ja'choH ghaH:
33. vers
SuH yeruSalemDaq maSal. lalDanla'pu'vaD HaDwI'pu'vaD je nuv'a' jeghlu'. HeghmeH luqIch. novpu'vaD lujegh.
34. vers
luvaq. ghaHDaq tlhIS. luqIp. luHoH. wejleS yInqa' ghaH.
35. vers
lucholDI' ya'qoboS'e' yo'a'neS'e' je tlhebeDay'oS puqloDpu', ghaHvaD jatlh: ghojmoHwI', maHvaD Hoch Qu' pItlhobbogh Data' wIneH.
36. vers
chaHvaD jatlh: tlhIHvaD nuq vIta' boneH?
37. vers
ghaHvaD jatlh chaH: bIquvDI', nIHlIjDaq ba' maH wa' 'ej poSlIjDaq ba' latlh, maHvaD 'e' yIchaw'.
38. vers
chaHvaD jatlh yeSuS: Qu' botlhobbogh boSovbe'. HIvje' vItlhutlhbogh botlhutlhrup'a'? SoD vISIQbogh boSIQrup'a'?
39. vers
ghaHvaD jatlh: maSIQrup. chaHvaD jatlh yeSuS: tugh HIvje' vItlhutlhbogh botlhutlh. tugh SoD vISIQbogh boSIQ.
40. vers
nIHwIjDaq poSwIjDaq joq ba'lu', 'e' vIchaw'meH DIb vIHutlh jIH. 'ach vay'pu'vaD 'oH qeqlu'. ghotpu'vamvaD 'oH qaSmoHlu'.
41. vers
QoyDI' wa'maH, ya'qoboSmo' yo'a'neSmo' je puQchoH.
42. vers
cholmeH chaH ra'pu'DI' yeSuS, chaHvaD jatlh: novpu' che'chu'taH DevwI'qoqchaj. chaHvaD ghatlhchu'taH potlhchaj.
43. vers
tlhIHvaD ghu'vam rurbe' ghu'raj. tlhIHvaD potlh moj neHchugh vay', vaj tlhIHvaD toy'wI' moj.
44. vers
tlhIHvaD wa'DIch moj neHchugh vay', vaj HochvaD toy'wI''a' moj;
45. vers
ghaH toy'lu'meH cholta'be'bejmo' nuv'a'. 'a toy'meH ghaH cholta'. 'ej ghot law' voHDajbo'vaD qa'Daj nobmeH cholta'.
46. vers
yerIHo'Daq lughoS. yerIHo'vo' mejtaHvIS ghaH ghojwI'pu'Daj je ghom'a' tIn je, He retlhDaq ba' leghlaHbe'bogh bartImay'oS tImay'oS puqloD, Huch qoy'taHvIS.
47. vers
yeSuS natlharenoS ghaH 'e' QoyDI', jachchoH 'ej jatlhchoH: DavID puqloD, yeSuS, HIvup.
48. vers
tammeH luqun ghot law'. 'ach ghoghDaj HoSqu'moHtaHvIS, jachtaHvIS jatlh: DavID puqloD, HIvup.
49. vers
yevDI' yeSuS, jatlh: cholmeH ghaH pejach. cholmeH leghlaHbe'wI' jachtaHvIS chaH, jatlh chaH: yIyoH. yIHu'. DacholmeH jach ghaH.
50. vers
wepDaj woDDI', 'ej QammeH SupDI', yeSuSDaq ghoS.
51. vers
ghaHvaD jangtaHvIS yeSuS, jatlh: SoHvaD nuq vIta' DaneH? yeSuSvaD jatlh leghlaHbe'wI': ghojmoHwI' quv, jIleghqa'laHjaj.
52. vers
ghaHvaD jatlh yeSuS: yIghoS. DutoD voqtaHghachlIj. SIbI' leghqa', 'ej HeDaq ghaH tlha'.
Könyvek
