De’ QaQ’e’ ghItlhbogh marqoS
capítulo 10
verso 1
pa'vo' Hu'pu'DI', yuDay'a SepDaq, yorDa'neS latlh DopDaq [je] ghoS. ghaH tlha'qa' ghom'a'mey. mIw motlh pabtaHvIS, chaH ghojqa'moH.
verso 2
[cholDI' parISay'oSpu',] lughelmeH jatlh, luDajtaHvIS: be'nal SawHa' loDnal net chaw''a'?
verso 3
jangtaHvIS, chaHvaD jatlh: tlhIHvaD nuq ra'ta' moySeS?
verso 4
jatlh chaH: SawHa'meH nav ghItlhlu' 'ej SawHa'lu' 'e' chaw'ta' moySeS.
verso 5
chaHvaD jatlh yeSuS: tIqDu' let boghajmo', tlhIHvaD chutvam ghItlh.
verso 6
'ach chenDI' 'u', loD be' je chenmoH ghaH.
verso 7
vaj vavDaj SoS je lonnIS loD. ['ej be'nal muvnIS.]
verso 8
'ej wa' Ha'DIbaH lumoj cha'. vaj cha' chaHbe'choH, 'a wa' Ha'DIbaH chaHchoH.
verso 9
vaj Dol'e' muvmoHta'bogh Qun'a' wavbe'jaj yoq.
verso 10
juHDaq ghu'vam luqeltaHvIS, lughelqa' ghojwI'.
verso 11
chaHvaD jatlh: be'nalDaj SawHa'chugh vay', 'ej latlh Sawchugh, vaj be'vaD tlhogh quvHa'moH.
verso 12
'ej loDnal nayHa'pu'DI', latlh naychugh ghaH, vaj tlhogh quvHa'moH.
verso 13
HotmeH ghaH, ghaHvaD puqpu' much chaH. 'ach chaH qun ghojwI'pu'.
verso 14
leghDI' yeSuS, puQ. chaHvaD jatlh: muchol puqpu' 'e' yIchaw'. tIbotQo'; Qun'a' wo' Dabmo' mutchaj.
verso 15
teH; Sajatlh: Qun'a' wo' lajchugh vay', puq DataHQo'vIS, vaj 'oH 'elbe'bej.
verso 16
chaH DechtaHvIS DeSDu'Daj, chaH naDchu'taH ghaH, chaHDaq ghopDu'Daj lantaHvIS.
verso 17
HeDaq ghoSchoHtaHvIS ghaH, cholmeH qetpu'DI' wa', 'ej ghaHDaq torpu'DI', ghaH ghelmeH jatlh: ghojmoHwI' QaQ, yIn jub vIcho'meH, nuq vIta'nIS?
verso 18
ghaHvaD jatlh yeSuS: qatlh jIHvaD "QaQ" Dapong? QaQ wa' Qun'a', pagh latlh je.
verso 19
chutmey DaSov: yIchotQo'. tlhogh yIquvHa'moHQo'. yInIHQo'. bo'DIjDaq bI'IptaHvIS, yInepQo'. bInge'meH yItojQo'. vavlI' SoSlI' je yIquvmoH.
verso 20
yeSuSvaD jatlh ghaH: ghojmoHwI', Hochvam vIpabchoH, puq jIHtaHvIS, 'ej reH vIpab.
verso 21
ghaH bejtaHvIS yeSuS, ghaH parHa' 'ej ghaHvaD jatlh: SoHvaD 'ut wa'. yIghoS; Hoch Daghajbogh yIngev 'ej mIpbe'wI'pu'vaD yInob; vaj chalDaq mIp DaSuq. ghIq Ha', HItlha'.
verso 22
mu'mo' 'IQmo' ghaH, mej 'IttaHvIS; jo law' ghajmo'.
verso 23
retlh bejDI', ghojwI'pu'DajvaD jatlh yeSuS: Qatlhqu', Qun'a' wo' 'el 'e' lunIDchugh Huch ghajwI'pu'.
verso 24
mu'Dajmo' yay' ghojwI'pu'. jangtaHvIS chaHvaD jatlhqa' yeSuS: puqpu', Qatlh, Qun'a' wo' 'el 'e' nIDchugh vay'.
verso 25
chaq Qun'a' wo' 'el mIpwI'; chaq tlhegh tajHom lojmItHom vegh camel; ta'vam ngeD law' ta'vetlh ngeD puS.
verso 26
chaH merqu'taHvIS, ja''egh chaH: vaj toDlu' 'e' chav 'Iv?
verso 27
chaH bejchu'taHvIS yeSuS, jatlh: yoqpu'vaD qItbe'. 'ach Qun'a'vaD qIt; Qun'a'vaD qItmo' Hoch.
verso 28
ghaHvaD jatlhchoH pe'tlhoS: Su', Hoch wIlonta' 'ej pItlha'.
verso 29
jatlh yeSuS: teH; Sajatlh: jIHmo' De' QaQmo' je, juH loDnI'pu' je, be'nI'pu' je, SoS je, vav je, puqpu' je, Du'mey je lonchugh vay',
verso 30
vaj DaH, qaStaHvIS bovvam, wa'maHlogh juHmey loDnI'pu' je, be'nI'pu' je, SoSpu' je, puqpu' je, Du'mey je Suq; naDHa'ghachmey Suq je, 'ej qaSDI' bov veb, yIn juq Suq.
verso 31
leS Qav potlhwI' law', 'ej potlh QavwI'.
verso 32
HeDaq lutu'lu', yeruSalemDaq SaltaHvIS. chaH DevtaH yeSuS. yay' chaH, 'ej Haj tlha'wI'pu'. lucholmeH wa'maHcha' ra'DI' ghaH, leS ghaHvaD qaSbogh ghu' ja'choH ghaH:
verso 33
SuH yeruSalemDaq maSal. lalDanla'pu'vaD HaDwI'pu'vaD je nuv'a' jeghlu'. HeghmeH luqIch. novpu'vaD lujegh.
verso 34
luvaq. ghaHDaq tlhIS. luqIp. luHoH. wejleS yInqa' ghaH.
verso 35
lucholDI' ya'qoboS'e' yo'a'neS'e' je tlhebeDay'oS puqloDpu', ghaHvaD jatlh: ghojmoHwI', maHvaD Hoch Qu' pItlhobbogh Data' wIneH.
verso 36
chaHvaD jatlh: tlhIHvaD nuq vIta' boneH?
verso 37
ghaHvaD jatlh chaH: bIquvDI', nIHlIjDaq ba' maH wa' 'ej poSlIjDaq ba' latlh, maHvaD 'e' yIchaw'.
verso 38
chaHvaD jatlh yeSuS: Qu' botlhobbogh boSovbe'. HIvje' vItlhutlhbogh botlhutlhrup'a'? SoD vISIQbogh boSIQrup'a'?
verso 39
ghaHvaD jatlh: maSIQrup. chaHvaD jatlh yeSuS: tugh HIvje' vItlhutlhbogh botlhutlh. tugh SoD vISIQbogh boSIQ.
verso 40
nIHwIjDaq poSwIjDaq joq ba'lu', 'e' vIchaw'meH DIb vIHutlh jIH. 'ach vay'pu'vaD 'oH qeqlu'. ghotpu'vamvaD 'oH qaSmoHlu'.
verso 41
QoyDI' wa'maH, ya'qoboSmo' yo'a'neSmo' je puQchoH.
verso 42
cholmeH chaH ra'pu'DI' yeSuS, chaHvaD jatlh: novpu' che'chu'taH DevwI'qoqchaj. chaHvaD ghatlhchu'taH potlhchaj.
verso 43
tlhIHvaD ghu'vam rurbe' ghu'raj. tlhIHvaD potlh moj neHchugh vay', vaj tlhIHvaD toy'wI' moj.
verso 44
tlhIHvaD wa'DIch moj neHchugh vay', vaj HochvaD toy'wI''a' moj;
verso 45
ghaH toy'lu'meH cholta'be'bejmo' nuv'a'. 'a toy'meH ghaH cholta'. 'ej ghot law' voHDajbo'vaD qa'Daj nobmeH cholta'.
verso 46
yerIHo'Daq lughoS. yerIHo'vo' mejtaHvIS ghaH ghojwI'pu'Daj je ghom'a' tIn je, He retlhDaq ba' leghlaHbe'bogh bartImay'oS tImay'oS puqloD, Huch qoy'taHvIS.
verso 47
yeSuS natlharenoS ghaH 'e' QoyDI', jachchoH 'ej jatlhchoH: DavID puqloD, yeSuS, HIvup.
verso 48
tammeH luqun ghot law'. 'ach ghoghDaj HoSqu'moHtaHvIS, jachtaHvIS jatlh: DavID puqloD, HIvup.
verso 49
yevDI' yeSuS, jatlh: cholmeH ghaH pejach. cholmeH leghlaHbe'wI' jachtaHvIS chaH, jatlh chaH: yIyoH. yIHu'. DacholmeH jach ghaH.
verso 50
wepDaj woDDI', 'ej QammeH SupDI', yeSuSDaq ghoS.
verso 51
ghaHvaD jangtaHvIS yeSuS, jatlh: SoHvaD nuq vIta' DaneH? yeSuSvaD jatlh leghlaHbe'wI': ghojmoHwI' quv, jIleghqa'laHjaj.
verso 52
ghaHvaD jatlh yeSuS: yIghoS. DutoD voqtaHghachlIj. SIbI' leghqa', 'ej HeDaq ghaH tlha'.
Libros
