De’ QaQ’e’ ghItlhbogh marqoS
capítulo 8
verso 1
qaStaHvIS jajmeyvetlh, ghom'a' tIn tu'qa'lu'mo', 'ej luSopmeH pagh lughajmo', lucholmeH ghojwI' ra', 'ej chaHvaD jatlh:
verso 2
ghom'a' vIvup, DaH jIHDaq ratlhmo' chaH, qaStaHvIS wej jaj, 'ej SopmeH pagh lughajmo'.
verso 3
juHchajDaq lughoS 'e' vIchaw'chugh, ghungtaHvIS chaH, vaj HeDaq vulchoH chaH. naDev Sep Hopvo' ghoSta' 'op.
verso 4
ghaHvaD jangmeH ghojwI'pu'Daj jatlh: naDev DebvamDaq ghotpu'vam yonmoHlaH vay', nuqvo' chab Suqmo'?
verso 5
'ej chaH ghelmeH jatlh: chab 'ar boghaj? jatlh chaH: Soch.
verso 6
yavDaq QotmeH ghom'a' ra'. Soch chab tlhappu'DI', tlho'DI', bIH ghor. bIH HIjmeH ghojwI'pu'DajvaD nob. ghom'a'vaD HIj chaH.
verso 7
'op bIQHa'DIbaHHom ghajlu'. bIH naDpu'DI', bIH HIjmeH je ra'.
verso 8
Sop 'ej yon chaH, Soch bal'a' DI chuvmey luwoHlu'.
verso 9
loS SanID ghot tu'lu'. mej chaH 'e' chaw'.
verso 10
SIbI' Duj tIjDI', ghojwI'pu' tlhejtaHvIS, Dalmanutlha Sep ghoS.
verso 11
chol parISay'oSpu'. ghaHvaD ngachchoH chaH. ghaHvaD chalvo' tobbogh ta' lutlhob, luDajtaHvIS.
verso 12
bepmeH tlhu'DI', jatlh: qatlh tobbogh ta' lutlhob bovvam ngan? teH; Sajatlh: bovvam nganvaD pagh ta' 'anglu'bej.
verso 13
chaHvo' mejtaHvIS, tIjqa'DI', latlh DopDaq ghoS.
verso 14
chab lutlhap 'e' lulIj. DujDaq chaHDaq wa' chab neH lughaj.
verso 15
chaH ghuHmoHtaHvIS, jatlh: peqIm. parISay'oS chab pepwI'mo', Heroy'DeS chab pepwI'mo' je peyep. 16 ja'chuq, chab lughajbe'mo'.
verso 17
tlhojDI', chaHvaD jatlh: "chab DIghajbe'", qatlh Suja'chuq? wej Sutu' 'ej wej Suyaj? tIq let boghaj'a'?
verso 18
mInDu' boghajtaHvIS, Suleghbe''a'? teSDu' boghajtaHvIS, SuQoybe''a'?
verso 19
vagh SanIDvaD vagh chab vIghorpu'DI', Soj DI tI Hap bal naQ mI' bowoHpu'bogh boqawbe''a'? ghaHvaD jatlh chaH: wa'maHcha'.
verso 20
loS SanIDvaD Soch vIghorpu'DI', Soj DI bal'a' 'ar bowoHpu'? [ghaHvaD] jatlh chaH: Soch.
verso 21
'ej chaHvaD jatlh: wej Suyaj'a'?
verso 22
betlhSayDaDaq lughoS. ghaHvaD leghlaHbe'wI' luqem. HotmeH ghaH lutlhob.
verso 23
leghlaHbe'wI' ghop tlhaptaHvIS, vengHom HurDaq ghaH Dev. mInDu'DajDaq tlhISDI', ghaHDaq ghopDu'Daj lanDI', ghaHvaD ghelmeH jatlh: vay' Dalegh'a'?
verso 24
bejqa'laHDI', jatlh: Sormey rur ghotpu', yIttaHvIS, 'e' vIlegh.
verso 25
ghIq mInDu'DajDaq ghopDu' lanqa'. leghchu' 'ej SabHa'. chuq HopDaq Hoch bejchu'taH.
verso 26
juHDajDaq ghaH ngeH 'ej jatlh: vengHom yI'elQo' je.
verso 27
pI'lIpoS qaySarI'ya vengHommeyDaq mej yeSuS ghojwI'pu'Daj je. HeDaq ghojwI'pu'Daj ghelmeH jatlh:
verso 28
'Iv jIH, 'e' lumaq? ghaHvaD jatlh: taymo' Say'moHbogh yo'a'neS SoH. "'elI'ya ghaH" jatlh latlh. "wa' nemSovwI'" jatlh latlh.
verso 29
chaHvaD ghelmeH jatlh: 'Iv jIH, 'e' bomaq? jangtaHvIS pe'tlhoS, ghaHvaD jatlh: 'IHrIStoS SoH. 30 paghvaD vuDvam luja'meH, chaHvaD ra'qu'.
verso 31
bechqu'nIS nuv'a', 'ej lunaDHa'nIS quppu' lalDanla'pu' je HaDwI'pu' je, 'ej muHlu'nIS, 'ej wejleS yInqa'nIS --- chaHvaD 'e' ghojchoHmoH.
verso 32
peghHa' ghaH, SoQvam maqtaHvIS. ghaH nge'pu'DI' pe'tlhoS, ghaH qunchoH.
verso 33
tlhe''eghDI' yeSuS, 'ej ghojwI'pu'Daj leghtaHvIS, pe'tlhoS qun 'ej jatlh: jIH 'emDaq yIjaH, veqlargh! Qun'a' qech DaQorghbe', 'ach ghot qech DaQorgh neH.
verso 34
cholmeH ghom'a' ghojwI'pu'Daj je ra'pu'DI', chaHvaD jatlh: mutlha' neHchugh vay', vaj SaH'eghQo'nIS, 'ej muHwI' naQDaj woHnIS, 'ej mutlha'nIS.
verso 35
qa'Daj toD neHchugh vay', vaj 'oH woD. 'ach [jIHvaD] De' QaQvaD [je] qa'Daj woDchugh vay', vaj 'oH toD.
verso 36
chay' ghotvaD lI' ghu', qo' naQ Suqchugh, 'ach qa'Daj QIHlu'chugh?
verso 37
qa'Daj tammeH, nuq noblaH ghot?
verso 38
vay' wItuHmoHchugh jIH SoQwIj je, qaStaHvIS quvHa'bogh 'ej yembogh bovvam, vaj nuv'a' tuHmoH je ghotvam, leS pawDI' nuv'a', vavDaj batlh ghajtaHvIS, lutlhejtaHvIS QumwI' quv.
Libros
