De’ QaQ’e’ ghItlhbogh marqoS
capítulo 3
verso 1
chIrgh 'elqa'. pa' ghop QaD ghajbogh ghot'e' tu'lu'.
verso 2
qaStaHvIS Sabatlh chaq vor yeSuS; lupummeH 'e' lutu'.
verso 3
ghop QaD ghajbogh ghotvaD jatlh: botlhDaq yIQam.
verso 4
chaHvaD jatlh: ta' QaQ ta'lu', qaStaHvIS Sabatlh net chaw''a'? pagh, ta' qab ta'lu'? qa' toDlu' net chaw''a'? pagh, HoHlu'? tam chaH.
verso 5
chaH bejtaHvIS 'ej QeHtaHvIS, qej tIqchaj 'e' vupmo', ghotvaD jatlh: ghoplIj yISIchmoH. SIchmoH ghaH 'ej SabHa' ghopDaj.
verso 6
SIbI' mejpu'DI' parISay'oSpu', HeroyDeS juppu' je, luQaw'meH qep lutagh.
verso 7
ngengDaq tlhej yeSuS ghojwI'Daj je. ghalIlay'avo' tlha' ghom'a' tIn. yuDay'avo' tlha' je.
verso 8
yeruSalemvo', 'IDumay'avo' je, yorDa'neS retlhvo' je, tu'roS SIDon je retlhvo' je, ghaH chol ghom'a' tIn, ta'mey'e' vangbogh ghaH luQoymo'.
verso 9
ghaH yuvbe'meH ghom'a', ghaH loS DujHom, ghojwI'pu'DajvaD 'e' ra'.
verso 10
ghot law' vormo', vaj, luHotmeH luHIv rop Hoch SIQwI'.
verso 11
luleghDI' qa'pu' Say'Ha', ghaH tlhop Daq pum chaH, 'ej jachtaHvIS jatlh: Qun'a' puq SoH.
verso 13
HuD Sal ghaH. cholmeH ghotpu''e' neHbogh ghaH ra'. luchol.
verso 14
lutlhejmeH wa'maHcha' Sugh. [chaHvaD Duy' pong.] SoQ luja'meH chaH ngeHmeH je ghaH,
verso 15
'ej qa'pu' mIgh ghImmeH woQ lughajmeH je, chaH Sugh.
verso 16
[wa'maHcha' Sugh.] SI'monvaD pe'tlhoS pong nob. pe'tlhoS je.>
verso 17
ya'qoboS tlhebeDay'oS puqloD, yo'a'neS ya'qoboS loDnI' je Sugh. chaHvaD bowanergheS pong nob. mughlu'DI', nIb "'eng wab ghot", bowanergheS je.
verso 18
'antlhe'aS pI'lIpoS je bartlholomay'oS je mattlhay'oS je tlhomaS je, ya'qoboS 'alpay'oS puqloD je tlhaDDay'oS je SI'mon qanangan je,
verso 19
leS ghaH maghbogh yu'DaS qerIyotlhngan'e' je Sugh.
verso 20
juH ghoS. ghomqa' ghom'a'. vaj, chab luSoplaHbe' je.
verso 21
'e' lughojDI' qorDu'ghotDaj, lujonmeH ghoS chaH; jatlhmo' chaH: maw'law'.
verso 22
jatlh yeruSalemvo' ghoSbogh HaDwI'pu': ghaH SeH be'eltlhebul. 'ej qa' mIgh DevwI' lo'mo', qa'pu' mIgh ghIm.
verso 23
lucholmeH ra'pu'DI', lutmey lo'taHvIS, chaHvaD jatlh: chay' veqlargh ghImlaH veqlargh?
verso 24
Suv'eghmeH wav'eghchugh wo', vaj taHlaHbe' wo'vetlh.
verso 25
Suv'eghmeH wav'eghchugh tuq, vaj taHlaHbe' tuqvetlh.
verso 26
Suv'eghmeH lotlhchugh veqlargh 'ej wav'eghchugh, vaj taHlaHbe', 'ej tugh HoS net mev.
verso 27
'ach chaq HoSwI' juH 'elpu'DI', 'aHmeyDaj HejlaH pagh, HoSwI' baghbe'chugh, juHDaj Hejpa'.
verso 28
teH; Sajatlh: yem 'ej tlhIv ghotpu', nem Hoch net noDHa'. ram tlhIvbogh mu' mI'.
verso 29
'ach qa' quvvaD tlhIvbogh mu''e' jatlhchugh vay'. reH noDHa'lu'be'. jubbogh HeSmo' DIv ghaH.
verso 30
"SeH qa' Say'Ha'" jatlhmo' chaH, SoQvam jatlh ghaH.
verso 31
chol SoSDaj loDnI'pu'Daj je. HurDaq QamtaHvIS chaH, cholmeH ghaH lura'meH ghotpu' ngeH chaH.
verso 32
ba' ghaH Dechbogh ghom'a''e'. jatlh chaH: Su', HurDaq nInej SoSlI' loDnI'pu'lI' je [be'nI'pu'lI' je].
verso 33
jangtaHvIS, chaHvaD jatlh: SoSwI' loDnI'pu'wI' je 'Iv?
verso 34
ghoDaq luDeghbogh ba'wI' bejtaHvIS, jatlh: yIlegh. naDev SoSwI' loDnI'pu'wI' je tu'lu'.
verso 35
Qu''e' neHbogh Qun'a' ta'chugh vay', vaj loDnI'wI' be'nI'wI' je SoSwI' je ghaH.
Libros
