De’ QaQ’e’ ghItlhbogh marqoS

Chapters:

1 2 3 4 5 6 …   ⇤ ← 3 → ⇥

verse #1

chIrgh 'elqa'. pa' ghop QaD ghajbogh ghot'e' tu'lu'.

verse #2

qaStaHvIS Sabatlh chaq vor yeSuS; lupummeH 'e' lutu'.

verse #3

ghop QaD ghajbogh ghotvaD jatlh: botlhDaq yIQam.

verse #4

chaHvaD jatlh: ta' QaQ ta'lu', qaStaHvIS Sabatlh net chaw''a'? pagh, ta' qab ta'lu'? qa' toDlu' net chaw''a'? pagh, HoHlu'? tam chaH.

verse #5

chaH bejtaHvIS 'ej QeHtaHvIS, qej tIqchaj 'e' vupmo', ghotvaD jatlh: ghoplIj yISIchmoH. SIchmoH ghaH 'ej SabHa' ghopDaj.

verse #6

SIbI' mejpu'DI' parISay'oSpu', HeroyDeS juppu' je, luQaw'meH qep lutagh.

verse #7

ngengDaq tlhej yeSuS ghojwI'Daj je. ghalIlay'avo' tlha' ghom'a' tIn. yuDay'avo' tlha' je.

verse #8

yeruSalemvo', 'IDumay'avo' je, yorDa'neS retlhvo' je, tu'roS SIDon je retlhvo' je, ghaH chol ghom'a' tIn, ta'mey'e' vangbogh ghaH luQoymo'.

verse #9

ghaH yuvbe'meH ghom'a', ghaH loS DujHom, ghojwI'pu'DajvaD 'e' ra'.

verse #10

ghot law' vormo', vaj, luHotmeH luHIv rop Hoch SIQwI'.

verse #11

luleghDI' qa'pu' Say'Ha', ghaH tlhop Daq pum chaH, 'ej jachtaHvIS jatlh: Qun'a' puq SoH.

verse #12

lumaghbe'meH pe'vIl lura'.

verse #13

HuD Sal ghaH. cholmeH ghotpu''e' neHbogh ghaH ra'. luchol.

verse #14

lutlhejmeH wa'maHcha' Sugh. [chaHvaD Duy' pong.] SoQ luja'meH chaH ngeHmeH je ghaH,

verse #15

'ej qa'pu' mIgh ghImmeH woQ lughajmeH je, chaH Sugh.

verse #16

[wa'maHcha' Sugh.] SI'monvaD pe'tlhoS pong nob. pe'tlhoS je.>

verse #17

ya'qoboS tlhebeDay'oS puqloD, yo'a'neS ya'qoboS loDnI' je Sugh. chaHvaD bowanergheS pong nob. mughlu'DI', nIb "'eng wab ghot", bowanergheS je.

verse #18

'antlhe'aS pI'lIpoS je bartlholomay'oS je mattlhay'oS je tlhomaS je, ya'qoboS 'alpay'oS puqloD je tlhaDDay'oS je SI'mon qanangan je,

verse #19

leS ghaH maghbogh yu'DaS qerIyotlhngan'e' je Sugh.

verse #20

juH ghoS. ghomqa' ghom'a'. vaj, chab luSoplaHbe' je.

verse #21

'e' lughojDI' qorDu'ghotDaj, lujonmeH ghoS chaH; jatlhmo' chaH: maw'law'.

verse #22

jatlh yeruSalemvo' ghoSbogh HaDwI'pu': ghaH SeH be'eltlhebul. 'ej qa' mIgh DevwI' lo'mo', qa'pu' mIgh ghIm.

verse #23

lucholmeH ra'pu'DI', lutmey lo'taHvIS, chaHvaD jatlh: chay' veqlargh ghImlaH veqlargh?

verse #24

Suv'eghmeH wav'eghchugh wo', vaj taHlaHbe' wo'vetlh.

verse #25

Suv'eghmeH wav'eghchugh tuq, vaj taHlaHbe' tuqvetlh.

verse #26

Suv'eghmeH lotlhchugh veqlargh 'ej wav'eghchugh, vaj taHlaHbe', 'ej tugh HoS net mev.

verse #27

'ach chaq HoSwI' juH 'elpu'DI', 'aHmeyDaj HejlaH pagh, HoSwI' baghbe'chugh, juHDaj Hejpa'.

verse #28

teH; Sajatlh: yem 'ej tlhIv ghotpu', nem Hoch net noDHa'. ram tlhIvbogh mu' mI'.

verse #29

'ach qa' quvvaD tlhIvbogh mu''e' jatlhchugh vay'. reH noDHa'lu'be'. jubbogh HeSmo' DIv ghaH.

verse #30

"SeH qa' Say'Ha'" jatlhmo' chaH, SoQvam jatlh ghaH.

verse #31

chol SoSDaj loDnI'pu'Daj je. HurDaq QamtaHvIS chaH, cholmeH ghaH lura'meH ghotpu' ngeH chaH.

verse #32

ba' ghaH Dechbogh ghom'a''e'. jatlh chaH: Su', HurDaq nInej SoSlI' loDnI'pu'lI' je [be'nI'pu'lI' je].

verse #33

jangtaHvIS, chaHvaD jatlh: SoSwI' loDnI'pu'wI' je 'Iv?

verse #34

ghoDaq luDeghbogh ba'wI' bejtaHvIS, jatlh: yIlegh. naDev SoSwI' loDnI'pu'wI' je tu'lu'.

verse #35

Qu''e' neHbogh Qun'a' ta'chugh vay', vaj loDnI'wI' be'nI'wI' je SoSwI' je ghaH.

Chapters:

1 2 3 4 5 6 7 8 9 10 11 12 13 14 15 16