De’ QaQ’e’ ghItlhbogh marqoS

Chapters:

1 2 3 4 5 6 …   ⇤ ← 2 → ⇥

verse #1

qaparna'um 'elqa'pu'DI', qaSpu'DI' leSmey, juHDaq ghaH tu'lu' net Qoy.

verse #2

ghommo' ghot law', chaHvaD lojmIt retlhDaq yapbe' je Daq. chaHvaD SoQ maq.

verse #3

ghaH lughoS vay', ghaHvaD roSHa'wI''e' luqengbogh loS luqemtaHvIS.

verse #4

ghom'a'mo' ghaH luchollaHbe'mo', DaqDaj beb luteq. 'ej lulelpu'DI', roSHa'wI' QongDaq lupepHa'.

verse #5

voqqu' 'e' leghDI' yeSuS, roSHa'wI'vaD jatlh: puq, bIyem net noDHa'.

verse #6

pa' ba'bogh 'op HaDwI'pu' tu'lu'. tIqchajDaq QubtaHvIS ja''egh:

verse #7

qatlh mu'vam jatlh ghotvam? lalDanvaD tlhIv. yemlu' 'e' noDHa'laH 'Iv, wa' Qun'a' ghaHbe'chugh?

verse #8

qechvam QubtaHvIS ja''egh, qa'DajDaq SIbI' 'e' tlhojDI' yeSuS, chaHvaD jatlh: qatlh tIqrajDaq qechvam boQub?

verse #9

nuq ngeD law' nuq ngeD puS? chaq roSHa'wI'vaD jIjatlh: bIyem net noDHa'; chaq jIjatlh: yIHu' 'ej QongDaqlIj yIqem 'ej yIyIt.

verse #10

yemlu', qo'Daq 'e' noDHa'meH woQ ghaj nuv'a', 'e' boleghmeH jIvang. vaj roSHa'wI'vaD jatlh:

verse #11

qajatlh. yIHu' 'ej QongDaqlIj yIqem 'ej juHlIjDaq yIjaH.

verse #12

'ej Hu' 'ej SIbI' QongDaq qemtaHvIS mej, lubejtaHvIS Hoch. vaj, yay' Hoch 'ej Qun'a' lunaDtaHvIS jatlh: ghu'vam rurbogh ghu'e' not wIlegh.

verse #13

ngeng retlhDaq mejqa' yeSuS. ghaHDaq ghoS ghom'a' naQ. chaH ghojmoHtaH.

verse #14

juStaHvIS ghaH, rupwI' yaHDaq ba' lewI alpay'oS puqloD 'e' legh. ghaHvaD jatlh: HItlha'. Hu'DI' tlha'.

verse #15

qaS: juHDajDaq, SopmeH Qot. SopmeH QotmeH, yemwI', rupwI' law' je tlhej yeSuS ghojwI'pu'Daj je; law'mo' chaH, 'ej lutlha'taH.

verse #16

SopmeH ghaH, rupwI' yemwI' je tlhej, 'e' luleghDI' parISay'oS HaDwI'pu', ghojwI'pu'DajvaD jatlh chaH: qatlh, SopmeH, rupwI' yemwI' je tlhej?

verse #17

QoyDI' yeSuS, chaHvaD jatlh: pIvwI'vaD 'utbe' Qel. 'ach ropwI'vaD 'ut. mutlha'meH quvwI'pu' vIra'meH jIghoSta'be'. 'ach yemwI'pu' vIra'meH jIghoSta'.

verse #18

taymo' SopQo' yo'a'neS ghojwI'pu', parISay'oSpu' ghojwI'pu' je. lughoS 'ej ghaHvaD jatlh chaH: qatlh SopQo' yo'a'neS ghojwI'pu', parISay'oSpu' je, 'ach SopQo'be' ghojwI'pu'lI'?

verse #19

chaHvaD jatlh yeSuS: SoplaHQo''a' tlhogh tay mebpu', chaHvaD tay'taHvIS SawwI'? tay'taHvIS SawwI', not SoplaHQo' chaH.

verse #20

'ach leS chaHvo' SawwI' nge'lu'. qaSDI' jajvetlh, ngugh SopchoHQo'.

verse #21

wep ngo'Daq, SachHa'bogh SutHap 'ay' lan pagh. lanchugh, vaj tugh ngo'wI'vo' chev'egh tI'bogh 'ay' chu', 'ej 'arghbogh Qargh moj.

verse #22

ngaSbogh DIr ngo'Daq HIq chu' lan pagh. lanchugh, vaj tugh ngaSbogh DIr ghormoH HIq, 'ej loj HIq, DIr je. 'ach ngaSbogh DIr chu'Daq HIq chu' lannISlu'.

verse #23

qaS: qaStaHvIS Sabatlh, yotlh pochlu'bogh juS. He lughoSchoH ghojwI'pu'Daj, tIr woHtaHvIS.

verse #24

ghaHvaD jatlh parISay'oSpu': SuH, qaStaHvIS Sabatlh, qatlh ta' tuchlu'bogh luvang?

verse #25

chaHvaD jatlh: ta''e' vangbogh DavID, ghaHvaD 'utDI' ghu', 'ej ghungDI' ghaH tlhejwI'pu'Daj je, not bolaD'a'?

verse #26

Qun'a' juH 'el, lalDanla'quv ghaHtaHvIS 'abI'a'tlhar'e', 'ej much chab Sop. chabvam Sop vay' net tuch, lalDan yaS ghaHbe'chugh. tlhejwI'pu'DajvaD nob je, not 'e' bolaD'a'?

verse #27

chaHvaD jatlh je: ghotvaD chen Sabatlh. 'ej SabatlhvaD chenbe' ghot.

verse #28

vaj Sabatlh che' je nuv'a'.

Chapters:

1 2 3 4 5 6 7 8 9 10 11 12 13 14 15 16