De’ QaQ’e’ ghItlhbogh marqoS
capítulo 2
verso 1
qaparna'um 'elqa'pu'DI', qaSpu'DI' leSmey, juHDaq ghaH tu'lu' net Qoy.
verso 2
ghommo' ghot law', chaHvaD lojmIt retlhDaq yapbe' je Daq. chaHvaD SoQ maq.
verso 3
ghaH lughoS vay', ghaHvaD roSHa'wI''e' luqengbogh loS luqemtaHvIS.
verso 4
ghom'a'mo' ghaH luchollaHbe'mo', DaqDaj beb luteq. 'ej lulelpu'DI', roSHa'wI' QongDaq lupepHa'.
verso 5
voqqu' 'e' leghDI' yeSuS, roSHa'wI'vaD jatlh: puq, bIyem net noDHa'.
verso 6
pa' ba'bogh 'op HaDwI'pu' tu'lu'. tIqchajDaq QubtaHvIS ja''egh:
verso 7
qatlh mu'vam jatlh ghotvam? lalDanvaD tlhIv. yemlu' 'e' noDHa'laH 'Iv, wa' Qun'a' ghaHbe'chugh?
verso 8
qechvam QubtaHvIS ja''egh, qa'DajDaq SIbI' 'e' tlhojDI' yeSuS, chaHvaD jatlh: qatlh tIqrajDaq qechvam boQub?
verso 9
nuq ngeD law' nuq ngeD puS? chaq roSHa'wI'vaD jIjatlh: bIyem net noDHa'; chaq jIjatlh: yIHu' 'ej QongDaqlIj yIqem 'ej yIyIt.
verso 10
yemlu', qo'Daq 'e' noDHa'meH woQ ghaj nuv'a', 'e' boleghmeH jIvang. vaj roSHa'wI'vaD jatlh:
verso 11
qajatlh. yIHu' 'ej QongDaqlIj yIqem 'ej juHlIjDaq yIjaH.
verso 12
'ej Hu' 'ej SIbI' QongDaq qemtaHvIS mej, lubejtaHvIS Hoch. vaj, yay' Hoch 'ej Qun'a' lunaDtaHvIS jatlh: ghu'vam rurbogh ghu'e' not wIlegh.
verso 13
ngeng retlhDaq mejqa' yeSuS. ghaHDaq ghoS ghom'a' naQ. chaH ghojmoHtaH.
verso 14
juStaHvIS ghaH, rupwI' yaHDaq ba' lewI alpay'oS puqloD 'e' legh. ghaHvaD jatlh: HItlha'. Hu'DI' tlha'.
verso 15
qaS: juHDajDaq, SopmeH Qot. SopmeH QotmeH, yemwI', rupwI' law' je tlhej yeSuS ghojwI'pu'Daj je; law'mo' chaH, 'ej lutlha'taH.
verso 16
SopmeH ghaH, rupwI' yemwI' je tlhej, 'e' luleghDI' parISay'oS HaDwI'pu', ghojwI'pu'DajvaD jatlh chaH: qatlh, SopmeH, rupwI' yemwI' je tlhej?
verso 17
QoyDI' yeSuS, chaHvaD jatlh: pIvwI'vaD 'utbe' Qel. 'ach ropwI'vaD 'ut. mutlha'meH quvwI'pu' vIra'meH jIghoSta'be'. 'ach yemwI'pu' vIra'meH jIghoSta'.
verso 18
taymo' SopQo' yo'a'neS ghojwI'pu', parISay'oSpu' ghojwI'pu' je. lughoS 'ej ghaHvaD jatlh chaH: qatlh SopQo' yo'a'neS ghojwI'pu', parISay'oSpu' je, 'ach SopQo'be' ghojwI'pu'lI'?
verso 19
chaHvaD jatlh yeSuS: SoplaHQo''a' tlhogh tay mebpu', chaHvaD tay'taHvIS SawwI'? tay'taHvIS SawwI', not SoplaHQo' chaH.
verso 20
'ach leS chaHvo' SawwI' nge'lu'. qaSDI' jajvetlh, ngugh SopchoHQo'.
verso 21
wep ngo'Daq, SachHa'bogh SutHap 'ay' lan pagh. lanchugh, vaj tugh ngo'wI'vo' chev'egh tI'bogh 'ay' chu', 'ej 'arghbogh Qargh moj.
verso 22
ngaSbogh DIr ngo'Daq HIq chu' lan pagh. lanchugh, vaj tugh ngaSbogh DIr ghormoH HIq, 'ej loj HIq, DIr je. 'ach ngaSbogh DIr chu'Daq HIq chu' lannISlu'.
verso 23
qaS: qaStaHvIS Sabatlh, yotlh pochlu'bogh juS. He lughoSchoH ghojwI'pu'Daj, tIr woHtaHvIS.
verso 24
ghaHvaD jatlh parISay'oSpu': SuH, qaStaHvIS Sabatlh, qatlh ta' tuchlu'bogh luvang?
verso 25
chaHvaD jatlh: ta''e' vangbogh DavID, ghaHvaD 'utDI' ghu', 'ej ghungDI' ghaH tlhejwI'pu'Daj je, not bolaD'a'?
verso 26
Qun'a' juH 'el, lalDanla'quv ghaHtaHvIS 'abI'a'tlhar'e', 'ej much chab Sop. chabvam Sop vay' net tuch, lalDan yaS ghaHbe'chugh. tlhejwI'pu'DajvaD nob je, not 'e' bolaD'a'?
verso 27
chaHvaD jatlh je: ghotvaD chen Sabatlh. 'ej SabatlhvaD chenbe' ghot.
Libros
