De’ QaQ’e’ ghItlhbogh marqoS

Fejezetek:

1 2 3 4 5 6 …   ⇤ ← 2 → ⇥

1. vers

qaparna'um 'elqa'pu'DI', qaSpu'DI' leSmey, juHDaq ghaH tu'lu' net Qoy.

2. vers

ghommo' ghot law', chaHvaD lojmIt retlhDaq yapbe' je Daq. chaHvaD SoQ maq.

3. vers

ghaH lughoS vay', ghaHvaD roSHa'wI''e' luqengbogh loS luqemtaHvIS.

4. vers

ghom'a'mo' ghaH luchollaHbe'mo', DaqDaj beb luteq. 'ej lulelpu'DI', roSHa'wI' QongDaq lupepHa'.

5. vers

voqqu' 'e' leghDI' yeSuS, roSHa'wI'vaD jatlh: puq, bIyem net noDHa'.

6. vers

pa' ba'bogh 'op HaDwI'pu' tu'lu'. tIqchajDaq QubtaHvIS ja''egh:

7. vers

qatlh mu'vam jatlh ghotvam? lalDanvaD tlhIv. yemlu' 'e' noDHa'laH 'Iv, wa' Qun'a' ghaHbe'chugh?

8. vers

qechvam QubtaHvIS ja''egh, qa'DajDaq SIbI' 'e' tlhojDI' yeSuS, chaHvaD jatlh: qatlh tIqrajDaq qechvam boQub?

9. vers

nuq ngeD law' nuq ngeD puS? chaq roSHa'wI'vaD jIjatlh: bIyem net noDHa'; chaq jIjatlh: yIHu' 'ej QongDaqlIj yIqem 'ej yIyIt.

10. vers

yemlu', qo'Daq 'e' noDHa'meH woQ ghaj nuv'a', 'e' boleghmeH jIvang. vaj roSHa'wI'vaD jatlh:

11. vers

qajatlh. yIHu' 'ej QongDaqlIj yIqem 'ej juHlIjDaq yIjaH.

12. vers

'ej Hu' 'ej SIbI' QongDaq qemtaHvIS mej, lubejtaHvIS Hoch. vaj, yay' Hoch 'ej Qun'a' lunaDtaHvIS jatlh: ghu'vam rurbogh ghu'e' not wIlegh.

13. vers

ngeng retlhDaq mejqa' yeSuS. ghaHDaq ghoS ghom'a' naQ. chaH ghojmoHtaH.

14. vers

juStaHvIS ghaH, rupwI' yaHDaq ba' lewI alpay'oS puqloD 'e' legh. ghaHvaD jatlh: HItlha'. Hu'DI' tlha'.

15. vers

qaS: juHDajDaq, SopmeH Qot. SopmeH QotmeH, yemwI', rupwI' law' je tlhej yeSuS ghojwI'pu'Daj je; law'mo' chaH, 'ej lutlha'taH.

16. vers

SopmeH ghaH, rupwI' yemwI' je tlhej, 'e' luleghDI' parISay'oS HaDwI'pu', ghojwI'pu'DajvaD jatlh chaH: qatlh, SopmeH, rupwI' yemwI' je tlhej?

17. vers

QoyDI' yeSuS, chaHvaD jatlh: pIvwI'vaD 'utbe' Qel. 'ach ropwI'vaD 'ut. mutlha'meH quvwI'pu' vIra'meH jIghoSta'be'. 'ach yemwI'pu' vIra'meH jIghoSta'.

18. vers

taymo' SopQo' yo'a'neS ghojwI'pu', parISay'oSpu' ghojwI'pu' je. lughoS 'ej ghaHvaD jatlh chaH: qatlh SopQo' yo'a'neS ghojwI'pu', parISay'oSpu' je, 'ach SopQo'be' ghojwI'pu'lI'?

19. vers

chaHvaD jatlh yeSuS: SoplaHQo''a' tlhogh tay mebpu', chaHvaD tay'taHvIS SawwI'? tay'taHvIS SawwI', not SoplaHQo' chaH.

20. vers

'ach leS chaHvo' SawwI' nge'lu'. qaSDI' jajvetlh, ngugh SopchoHQo'.

21. vers

wep ngo'Daq, SachHa'bogh SutHap 'ay' lan pagh. lanchugh, vaj tugh ngo'wI'vo' chev'egh tI'bogh 'ay' chu', 'ej 'arghbogh Qargh moj.

22. vers

ngaSbogh DIr ngo'Daq HIq chu' lan pagh. lanchugh, vaj tugh ngaSbogh DIr ghormoH HIq, 'ej loj HIq, DIr je. 'ach ngaSbogh DIr chu'Daq HIq chu' lannISlu'.

23. vers

qaS: qaStaHvIS Sabatlh, yotlh pochlu'bogh juS. He lughoSchoH ghojwI'pu'Daj, tIr woHtaHvIS.

24. vers

ghaHvaD jatlh parISay'oSpu': SuH, qaStaHvIS Sabatlh, qatlh ta' tuchlu'bogh luvang?

25. vers

chaHvaD jatlh: ta''e' vangbogh DavID, ghaHvaD 'utDI' ghu', 'ej ghungDI' ghaH tlhejwI'pu'Daj je, not bolaD'a'?

26. vers

Qun'a' juH 'el, lalDanla'quv ghaHtaHvIS 'abI'a'tlhar'e', 'ej much chab Sop. chabvam Sop vay' net tuch, lalDan yaS ghaHbe'chugh. tlhejwI'pu'DajvaD nob je, not 'e' bolaD'a'?

27. vers

chaHvaD jatlh je: ghotvaD chen Sabatlh. 'ej SabatlhvaD chenbe' ghot.

28. vers

vaj Sabatlh che' je nuv'a'.

Fejezetek:

1 2 3 4 5 6 7 8 9 10 11 12 13 14 15 16