De’ QaQ’e’ ghItlhbogh marqoS
5. fejezet
1. vers
ngeng latlh DopDaq, gheraSenoS puHDaq lughoS.
2. vers
Dujvo' mejDI' ghaH, [SIbI'] molmeyvo' ghaH qIH ghot'e' SeHbogh qa' Say'Ha' ghajbogh.
3. vers
molmeyDaq juH ghaj. mIr lo'taHvIS je, ghaH baghlaH pagh.
4. vers
pIj qammIr ghopmIr je lo'lu'taHvIS baghlu'. ghopmIr ghor 'ej qammIr Qaw' ghaH. ghaH SeHmeH HoSlaH pagh.
5. vers
qaStaHvIS Hoch pem ram je, molmeyDaq HuDmeyDaq je ghaH tu'lu', jachtaHvIS 'ej naghmeyDaq pe''eghtaHvIS.
6. vers
Daq Hopvo' yeSuS leghDI', qet 'ej ghaHDaq tor.
7. vers
QIch HoS jachtaHvIS jatlh: jIHvaD SoHvaD je nuq 'oH malja''e', yeSuS, Qun'a' jenqu' puqloD? Qun'a'vaD qa'IpmoH: HIjoy'Qo';
8. vers
ghaHvaD jatlhmo' yeSuS: ghotvo' yIDoH, qa' Say'Ha'!
9. vers
ghaH ghel: SoHvaD pong 'oH nuq'e'? 'ej jatlh: jIHvaD pong 'oH "yo'"'e', malaw'mo'.
10. vers
puH HurDaq chaH ngeHbe'meH ghaH qoy'qu'.
11. vers
pa', HuD retlhDaq, Sopbogh pigmey Ha'DIbaH quvHa' ghom tIn tu'lu'.
12. vers
luqoy'taHvIS jatlh chaH: pigmey DI'elmeH, bIHDaq ghongeH.
13. vers
chaH chaw'. mejDI' qa'pu' Say'Ha', pigmey 'el. qoj ghIrtaHvIS, ngengDaq moD ghom. cha'SaD bIH. ngengDaq bIH luvoQlu'.
14. vers
Haw' bIH Qorghbogh ghotpu''e' 'ej vengDaq vengHommeyDaq je lumaq. qaSbogh ghu' luleghmeH ghoS nganpu'.
15. vers
yeSuS lughoS. ba'taHvIS, maw'Ha' qa' mIgh ghot'e' SeHpu'bogh yo', 'ej tuQ, 'e' lulegh 'ej Haj.
16. vers
chaHvaD qa' mIgh ghot wanI', pig wanI' je luja' leghpu'bogh ghot.
17. vers
veHchajvo' mejmeH yeSuS luqoy'choH.
18. vers
Duj tIjtaHvIS ghaH, ghaH tlhejmeH qoy' qa' mIgh ghajpu'wI'.
19. vers
chawbe' 'ach ghaHvaD jatlh: juHlIjDaq ghotpu'lI'Daq yIjaH. SoHvaD chav'e' vangta'bogh joH'a', 'ej SoHvaD pung'e' 'angbogh, chaHvaD yImaq.
20. vers
mej, 'ej wa'maH veng SepDaq ghaHvaD chav'e' vangbogh yeSuS maqchoH. 'ej yay' Hoch.
21. vers
DujDaq ngeng latlh DopDaq ghoSqa'pu'DI' yeSuS, ghaHDaq ghom ghom'a' tIn. ngeng retlhDaq ghaH tu'lu'.
22. vers
ghoS wa' chIrgh DevwI'. pongDaj 'oH yay'roS'e'. ghaH leghDI', qamDu'DajDaq pum.
23. vers
'ej ghaHvaD qoy'qu'taHvIS jatlh: tugh Heghlaw' puqbe'oywI'. ghaH toDlu'meH 'ej yInmeH, bIghoSDI' ghaHDaq ghopDu'lIj yIlan.
24. vers
ghaH tlhejmeH mej yeSuS. tlha' ghom'a' tIn 'ej ghaH 'uy.
25. vers
qaStaHvIS wa'maHcha' DIS, regh wa' be'.
26. vers
Qel law'mo' bech be'. Hoch Huch ghajbogh lojmoHta' ghaH. 'ej Dubbe' 'ach 'arghbej.
27. vers
yeSuS buSbogh De''e' QoyDI' ghaH, ghom'a' 'emDaq ghoS 'ej mopDaj Hot,
28. vers
jatlhmo': mopDaj vIHotchugh neH, vaj vItoDlu'.
29. vers
SIbI' QaDchoH 'IwDaj Hal. Sengvo' vor, porghDajDaq 'e' tlhoj ghaH.
30. vers
ghaHvo' Haw' HoS, SIbI' 'e' tlhojDI' yeSuS, ghom'a'Daq tlhe''egh 'ej jatlh: mopwIj Hot 'Iv?
31. vers
'ej ghaHvaD jatlh ghojwI'pu'Daj: Du'uybogh ghom'a' Daleghba', 'ej "Hot 'Iv" Dajatlh'a'?
32. vers
wanI'vetlh vangwI' ngu'meH retlh bej ghaH.
33. vers
HajchoHtaHvIS 'ej QomtaHvIS be', ghaHvaD qaSbogh wanI' Sovmo', ghoS 'ej yeSuSDaq pum 'ej ghaHvaD vIt naQ ja'.
34. vers
jatlh yeSuS: puq, DutoDpu' voqtaHghachlIj. yImej 'ej yIchep. SenglIjvo' yIpIv.
35. vers
jatlh 'e' mevpa', chIrgh DevwI' juHvo' chol ghotpu', jatlhtaHvIS: Heghpu' puqbe'lI'. ghojmoHwI'vaD bISeng, qatlh wej 'e' Damev?
36. vers
bong mu' lujatlhbogh QoyDI' yeSuS, chIrgh DevwI'vaD jatlh: yIHajQo' 'ach yIvoqtaH.
37. vers
ghaH tlhejmeH pagh chaw', pe'tlhoS'e' ya'qoboS'e' ghap, yo'a'neS ya'qoboS loDnI' ghap ghaHbe'chugh.
38. vers
chIrgh DevwI' juH lughoS. chuSqu'lu' 'e' legh. SaQlu' je 'ej jachqu'lu'.
39. vers
'elDI' chaHvaD jatlh: qatlh SuchuS 'ej SuSaQ? Heghpu'be' puq 'ach Qong.
40. vers
lunuS. Hoch DoHmoHpu'DI' ghaH, puq vav, SoS je, tlhawI'Daj je tlhejmoH. 'ej puq DaqDaq 'el.
41. vers
puq ghop HotDI', ghaHvaD jatlh: talItlha' qum. 'oH mughlu'DI' mu'tlheghvam 'oH: puqbe'oy, qajatlh, yIHu'!
42. vers
SIbI' Hu' puqbe' 'ej yIt. wa'maHcha' ben bogh ghaH. SIbI' yay'qu' chaH.
43. vers
wanI'vam SovmeH pagh, chaH ra'qu', 'ej jatlh: SopmeH ghaH yInob.
Könyvek
