De’ QaQ’e’ ghItlhbogh marqoS
capítulo 5
verso 1
ngeng latlh DopDaq, gheraSenoS puHDaq lughoS.
verso 2
Dujvo' mejDI' ghaH, [SIbI'] molmeyvo' ghaH qIH ghot'e' SeHbogh qa' Say'Ha' ghajbogh.
verso 3
molmeyDaq juH ghaj. mIr lo'taHvIS je, ghaH baghlaH pagh.
verso 4
pIj qammIr ghopmIr je lo'lu'taHvIS baghlu'. ghopmIr ghor 'ej qammIr Qaw' ghaH. ghaH SeHmeH HoSlaH pagh.
verso 5
qaStaHvIS Hoch pem ram je, molmeyDaq HuDmeyDaq je ghaH tu'lu', jachtaHvIS 'ej naghmeyDaq pe''eghtaHvIS.
verso 6
Daq Hopvo' yeSuS leghDI', qet 'ej ghaHDaq tor.
verso 7
QIch HoS jachtaHvIS jatlh: jIHvaD SoHvaD je nuq 'oH malja''e', yeSuS, Qun'a' jenqu' puqloD? Qun'a'vaD qa'IpmoH: HIjoy'Qo';
verso 8
ghaHvaD jatlhmo' yeSuS: ghotvo' yIDoH, qa' Say'Ha'!
verso 9
ghaH ghel: SoHvaD pong 'oH nuq'e'? 'ej jatlh: jIHvaD pong 'oH "yo'"'e', malaw'mo'.
verso 10
puH HurDaq chaH ngeHbe'meH ghaH qoy'qu'.
verso 11
pa', HuD retlhDaq, Sopbogh pigmey Ha'DIbaH quvHa' ghom tIn tu'lu'.
verso 12
luqoy'taHvIS jatlh chaH: pigmey DI'elmeH, bIHDaq ghongeH.
verso 13
chaH chaw'. mejDI' qa'pu' Say'Ha', pigmey 'el. qoj ghIrtaHvIS, ngengDaq moD ghom. cha'SaD bIH. ngengDaq bIH luvoQlu'.
verso 14
Haw' bIH Qorghbogh ghotpu''e' 'ej vengDaq vengHommeyDaq je lumaq. qaSbogh ghu' luleghmeH ghoS nganpu'.
verso 15
yeSuS lughoS. ba'taHvIS, maw'Ha' qa' mIgh ghot'e' SeHpu'bogh yo', 'ej tuQ, 'e' lulegh 'ej Haj.
verso 16
chaHvaD qa' mIgh ghot wanI', pig wanI' je luja' leghpu'bogh ghot.
verso 17
veHchajvo' mejmeH yeSuS luqoy'choH.
verso 18
Duj tIjtaHvIS ghaH, ghaH tlhejmeH qoy' qa' mIgh ghajpu'wI'.
verso 19
chawbe' 'ach ghaHvaD jatlh: juHlIjDaq ghotpu'lI'Daq yIjaH. SoHvaD chav'e' vangta'bogh joH'a', 'ej SoHvaD pung'e' 'angbogh, chaHvaD yImaq.
verso 20
mej, 'ej wa'maH veng SepDaq ghaHvaD chav'e' vangbogh yeSuS maqchoH. 'ej yay' Hoch.
verso 21
DujDaq ngeng latlh DopDaq ghoSqa'pu'DI' yeSuS, ghaHDaq ghom ghom'a' tIn. ngeng retlhDaq ghaH tu'lu'.
verso 22
ghoS wa' chIrgh DevwI'. pongDaj 'oH yay'roS'e'. ghaH leghDI', qamDu'DajDaq pum.
verso 23
'ej ghaHvaD qoy'qu'taHvIS jatlh: tugh Heghlaw' puqbe'oywI'. ghaH toDlu'meH 'ej yInmeH, bIghoSDI' ghaHDaq ghopDu'lIj yIlan.
verso 24
ghaH tlhejmeH mej yeSuS. tlha' ghom'a' tIn 'ej ghaH 'uy.
verso 25
qaStaHvIS wa'maHcha' DIS, regh wa' be'.
verso 26
Qel law'mo' bech be'. Hoch Huch ghajbogh lojmoHta' ghaH. 'ej Dubbe' 'ach 'arghbej.
verso 27
yeSuS buSbogh De''e' QoyDI' ghaH, ghom'a' 'emDaq ghoS 'ej mopDaj Hot,
verso 28
jatlhmo': mopDaj vIHotchugh neH, vaj vItoDlu'.
verso 29
SIbI' QaDchoH 'IwDaj Hal. Sengvo' vor, porghDajDaq 'e' tlhoj ghaH.
verso 30
ghaHvo' Haw' HoS, SIbI' 'e' tlhojDI' yeSuS, ghom'a'Daq tlhe''egh 'ej jatlh: mopwIj Hot 'Iv?
verso 31
'ej ghaHvaD jatlh ghojwI'pu'Daj: Du'uybogh ghom'a' Daleghba', 'ej "Hot 'Iv" Dajatlh'a'?
verso 32
wanI'vetlh vangwI' ngu'meH retlh bej ghaH.
verso 33
HajchoHtaHvIS 'ej QomtaHvIS be', ghaHvaD qaSbogh wanI' Sovmo', ghoS 'ej yeSuSDaq pum 'ej ghaHvaD vIt naQ ja'.
verso 34
jatlh yeSuS: puq, DutoDpu' voqtaHghachlIj. yImej 'ej yIchep. SenglIjvo' yIpIv.
verso 35
jatlh 'e' mevpa', chIrgh DevwI' juHvo' chol ghotpu', jatlhtaHvIS: Heghpu' puqbe'lI'. ghojmoHwI'vaD bISeng, qatlh wej 'e' Damev?
verso 36
bong mu' lujatlhbogh QoyDI' yeSuS, chIrgh DevwI'vaD jatlh: yIHajQo' 'ach yIvoqtaH.
verso 37
ghaH tlhejmeH pagh chaw', pe'tlhoS'e' ya'qoboS'e' ghap, yo'a'neS ya'qoboS loDnI' ghap ghaHbe'chugh.
verso 38
chIrgh DevwI' juH lughoS. chuSqu'lu' 'e' legh. SaQlu' je 'ej jachqu'lu'.
verso 39
'elDI' chaHvaD jatlh: qatlh SuchuS 'ej SuSaQ? Heghpu'be' puq 'ach Qong.
verso 40
lunuS. Hoch DoHmoHpu'DI' ghaH, puq vav, SoS je, tlhawI'Daj je tlhejmoH. 'ej puq DaqDaq 'el.
verso 41
puq ghop HotDI', ghaHvaD jatlh: talItlha' qum. 'oH mughlu'DI' mu'tlheghvam 'oH: puqbe'oy, qajatlh, yIHu'!
verso 42
SIbI' Hu' puqbe' 'ej yIt. wa'maHcha' ben bogh ghaH. SIbI' yay'qu' chaH.
verso 43
wanI'vam SovmeH pagh, chaH ra'qu', 'ej jatlh: SopmeH ghaH yInob.
Libros
