De’ QaQ’e’ ghItlhbogh marqoS
capítulo 6
verso 1
pa'vo' mej 'ej juHpuHDaj ghoS. ghaH lutlha' ghojwI'pu'Daj.
verso 2
qaSDI' Sabatlh chIrghDaq ghojchoHmoH, 'ej 'Ijbogh ghot law' mer. jatlh chaH: nuqvo' ghotvamvaD laHvam noblu'? 'ej nuq 'oH ghotvamvaD valtaHghach'e' noblu'bogh? nuq 'oH je ghopDu'Dajvo' qaSbogh HoSmeyvam'e'?
verso 3
'aH chenmoHwI'vetlh ghaH, qar'a', ghotvam'e'. marI'ya puqloD, ya'qoboS yoSeS je yu'DaS je SI'mon je loDnI' ghaH, qar'a'? naDev retlhmajDaq yIn be'nI'pu'Daj, qar'a'? 'ej chaH maw ghaH.
verso 4
chaHvaD jatlh yeSuS: pagh nemSovwI' quvHa'moHlu', juHpuHDajDaq, qorDu'Daj jojDaq je, juHDajDaq je ghaH tu'lu'be'chugh.
verso 5
pa' pagh HoS vanglaH. ropwI' puS vor neH, chaH HotDI' ghopDu'Daj.
verso 6
ghaH mer voqQo'ghachchaj. vengHommey Sum ghoDaq leng ghojmoHtaHvIS.
verso 7
lucholmeH wa'maHcha' ra'. cha' cha' je ngeHchoH ghaH. chaHvaD qa' Say'Ha' SeHmeH woQ nob.
verso 8
HevaD pagh lutlhapmeH ra', wa' naQ 'oHbe'chugh. Soj, ngaSwI', DeQ'e' ngaSbogh qogh je tlhap chaH 'e' tuch.
verso 9
'ach sandal tlhegh waq tuQnIS 'ej cha' yIvbeH tuQnISQo' chaH.
verso 10
chaHvaD jatlh: voghDaq juH bo'elchugh, vaj pa' peratlh, Sepvetlhvo' Sumejpa'.
verso 11
DIlajQo'chugh mIch 'ej DI'IjQo'chugh, vaj pa'vo' SumejtaHvIS, bopummeH qamDu'raj bIngvo' lam yIteq.
verso 12
mejDI' chaH, yem net paymeH SoQ lumaq.
verso 13
qa' mIgh law' ghImtaH 'ej Oil bIQ lulo'taHvIS ropwI' law' ngoHtaH, 'ej vortaH.
verso 14
Qoy Heroy'DeS ta', noychoHmo' pongDaj. jatlhlu': lommeyvo' Hu'law'pu' taymo' Say'moHbogh yo'a'neS. wanI'vammo' ghaHDaq HoSmey luchu'lu'.
verso 15
jatlh latlh: 'elI'ya ghaH. jatlh latlh: ben nemSovwI'pu'vetlh quv rurbogh nemSovwI''e' ghaH.
verso 16
QoyDI' jatlh Heroy'DeS: Hu'law' yo'a'neS vImuHta'bogh.
verso 17
ngeHDI' Heroy'DeSvam, yo'a'neS qoppu'lu'. 'ej HeroyDIyaSmo', pI'lIpoS loDnI'Daj be'nalmo', bIghHa'Daq ghaH jonpu'lu', HeroyDIyaS Sawpu'mo' Heroy'DeS.
verso 18
Heroy'DeSvaD jatlhpu' yo'a'neS: loDnI'lI' be'nal DaSaw net tuch.
verso 19
yo'a'neSvaD noDqang HeroyDIyaS. HoHqang 'ej HoHlaHbe',
verso 20
yo'a'neS Hajmo' Heroy'DeS. ruv quv je loD ghaH yo'a'neS'e' 'e' Sov. ghaH QantaH 'ej 'IjDI' mISqu' 'ej 'IjtaHvIS tIvtaH.
verso 21
qaSDI' 'eb poH, qoSDajmo' chuQunDajvaD la'pu'DajvaD je, ghalIlay'a potlhpu'vaD je 'uQ loptaHvIS Heroy'DeS,
verso 22
'elpu'DI' HeroyDIyaSvam puqbe' 'ej mI'DI', Heroy'DeS ghomwI'pu' je belmoH. be'HomvaD jatlh Heroy'DeS: vay''e' DaneHbogh HItlhob, vaj qanob.
verso 23
'ej be'HomvaD [Doch law'] 'Ip: vay''e' DaneHbogh qanobrup. wo'wIj bIDDaq 'e' vIvuS.
verso 24
mejDI', SoSDajvaD jatlh: nuq vItlhob? 'ej jatlh SoS: taymo' Say'moHbogh yo'a'neS nach.
verso 25
SIbI' ta'Daq 'elmeH moDDI', tlhobtaHvIS jatlh be'Hom: SIbI' 'elpI'Daq Say'moHwI' yo'a'neS nach chonob vIneH.
verso 26
'IQqu'choH ta', 'ach 'Ipmeymo' SaHwI'pu'mo' je be'HomvaD nobQo' neHbe' ghaH.
verso 27
SIbI' muHwI' ngeHDI' ta', nachDaj qemmeH ra'.
verso 28
mejpu'DI', bIghHa'Daq nachDaj teq. 'ej 'elpI'Daq nachDaj qem 'ej be'HomvaD nob. SoSDajvaD nob be'Hom.
verso 29
luQoyDI' ghojwI'pu'Daj, ghoS 'ej lomDaj luwoH 'ej molDaq lulan.
verso 30
yeSuSDaq ghom Duy'pu'. Hoch luvangpu'bogh 'ej ghojmoHpu'bogh luja'.
verso 31
chaHvaD jatlh: Ha', nIteb loQ Daq chImDaq peleS, law'mo' ghoSwI'pu' cholwI'pu' je. 'ej SopmeH je 'eb lutu'be'.
verso 32
'ej nIteb Daq chImDaq DujDaq mej chaH.
verso 33
jaH chaH 'e' lulegh 'ej lutlhoj ghot law'. yavDaq ghoStaHvIS, Hoch vengvo' pa' ghommeH qet, 'ej chaH nung ghotpu'vam.
verso 34
tIjHa'DI' yeSuS, ghom'a' tIn legh, 'ej chaH vup, 'avwI' luHutlhbogh Sheep Ha'DIbaHmey'e' rurmo'. chaHvaD ghojchoHmoHtaH.
verso 35
paSchoHDI' rep, [ghaHDaq] chol 'ej jatlh ghojwI'pu'Daj: chIm Daqvam 'ej paSchoH.
verso 36
Dechbogh Du'meyDaq vengHommeyDaq je SopmeH vay' luje'meH chaH, mejmeH tIra'.
verso 37
jangtaHvIS jatlh: SopmeH chaH bonob tlhIH. 'ej ghaHvaD jatlh: mamejDI', cha'vatlh DeQ chab wIDIl'a' 'ej luSopmeH DInob'a'?
verso 38
chaHvaD jatlh: chab mI' boghajbogh botu'meH pejaH. luSovDI' jatlh chaH: vagh, cha' bIQHa'DIbaH je.
verso 39
tI SuDDaq QotmeH ghomHom ghomHom je, HochvaD ra'.
verso 40
Qot vaghmaH ghot nawloghmey, wa'vatlh ghot nawloghmey je.
verso 41
vagh chab cha' bIQHa'DIbaH je tlhappu'DI', chal bejDI', chabmey naDchu' 'ej ghor. ghotghomDaq lanmeH ghojwI'pu'DajvaD chab nobtaH. 'ej HochvaD cha' bIQHa'DIbaH wav.
verso 43
chuvmey wa'maHcha' tI Hap bal naQ woH chaH. bIQHa'DIbaH chuvmey bIH je.
verso 44
vaghSaD chaH [chab] Sopbogh ghotpu''e'.
verso 45
SIbI' Duj lutIjmeH, 'ej betlhSayDa retlhDaq lunungmeH ghojwI'pu'Daj raD, ghom'a' mejmoHtaHvIS.
verso 46
chaHvo' mejDI', HuDDaq Qun'a'vaD tlhobmeH DoH ghaH.
verso 47
qaSDI' choS, ngeng botlhDaq Duj tu'lu' 'ej yavDaq mob ghaH.
verso 48
Duj luvo'taHvIS luqay'lu' 'e' leghDI', chaH boQHa'mo' SuS, qaStaHvIS ramrep loSDIch, chaH chol, ngengDaq yIttaHvIS. 'ej chaH juS neHlaw' ghaH.
verso 49
ngengDaq yIt ghaH 'e' luleghDI', lom qa' ghaH 'e' luHar 'ej jach,
verso 50
luleghmo' Hoch 'ej Sot. SIbI' HochvaD ja' 'ej jatlh: peyoH! jIHbej; peHajQo'!
verso 51
chaHDaq Duj yong ghaH, 'ej pujchoH SuS. [tlhoy'] yay'qu'bej chaH,
verso 52
chab wanI' luyajbe'mo'. let tIqchaj.
verso 53
puHDaq lupawDI', gheneSaretDaq lughoS 'ej vergh.
verso 54
Dujvo' mejDI', SIbI' lughov ghot,
verso 55
'ej mIch naQDaq leng qettaHvIS chaH. QongDaqchajDaq ropwI'pu' qemchoH, voghDaq ghaH tu'lu' 'e' luQoyDI'.
verso 56
vengHom veng ghap Du' ghap 'elchugh ghaH, ngevwI' yotlhDaq pIvHa'wI'pu' lan chaH, 'ej mopDaj lalDan HeH neH luHotmeH lutlhob. ghaH luHotbogh Hoch'e' lutoDlu'.
Libros
