De’ QaQ’e’ ghItlhbogh marqoS
capítulo 15
verso 1
qaStaHvIS po, SIbI' qep lujeSpu'DI' lalDanla'pu' quppu' je HaDwI'pu' je yejquv naQ je, yeSuS lubaghDI', luteq 'ej pIla'tuSvaD lujegh.
verso 2
ghaH yu' pIla'tuS: yuDay'angan voDleH SoH'a'? jangtaHvIS ghaHvaD jatlh: Daja' SoH.
verso 3
HeS law'mo' ghaH lupum lalDanla'pu'.
verso 4
ghaH yu'qa'taHvIS pIla'tuS, jatlh: pagh Dajang'a'? SuH, HeS law'mo' nIpum.
verso 5
not vay' jang yeSuS. vaj yay' pIla'tuS.
verso 6
qaStaHvIS yupma', chaHvaD wa' qama' lutlhobbogh qopHa'taH ghaH.
verso 7
Daw'wI'pu' tlhejmeH barabbaS pong ghot weghlu'. qaStaHvIS Daw', HoH luta'pu' chaH.
verso 8
SalDI' ghom'a', chaHvaD Qu' ta'taHbogh ghaH lutlhobchoH.
verso 9
chaHvaD jangtaHvIS pIla'tuS, jatlh: tlhIHvaD yuDay'angan voDleH vIqopHa' boneH'a'?
verso 10
ghalmo' chaH, ghaH lujeghpu' lalDanla' 'e' Sovmo'.
verso 11
chaHvaD barabbaS qopHa' ghaH, 'e' maSmeH ghom'a' luSeymoH lalDanla'.
verso 12
jangqa'taHvIS pIla'tuS, chaHvaD jatlh: vaj "yuDay'angan voDleH" [pongraj ghotvam]vaD nuq vIta' [boneH]?
verso 13
ghIq jachtaHvIS chaH, jatlh: naQDaq yImuH.
verso 14
chaHvaD jatlh pIla'tuS: nuq mIgh chavpu'mo' ghaH? 'ach jachqu' chaH: naQDaq yImuH.
verso 15
ghom'a'vaD yonmoHbogh ta' vang neHmo' pIla'tuS, chaHvaD barabbaS qopHa'. 'ej yeSuSvaD qIpmoHDI', naQDaq lumuHmeH ghaH jegh.
verso 16
vaSDaq, qumwI' juHDaq luDev mangpu'. ghommeH nawlogh naQ lura'.
verso 17
ghaHvaD wep Doq lutuQmoH. luchenmoHDI', ghaHDaq naHjej mIvgho lulan.
verso 18
luvanchoH: Qapla', yuDay'angan voDleH!
verso 19
nachDaq luqIpmeH, naQ lo'. ghaHDaq tlhIS. tortaHvIS, lunaDtaH.
verso 20
luvaqpu'DI', wep Doq tuQHa'moH. ghaHvaD SutDaj lutuQmoH. naQDaq lumuHmeH luDev.
verso 21
naQDaj qengmeH Hatlhvo' ghoSbogh juSwI' luraD. SI'mon qure'nengan ghaH. 'ale'QantlhoS ru'vuS je vav ghaH.
verso 22
gholghotlha DaqDaq luqem. 'oH mughluchugh, nIb 'oH, "nach Hom Daq" je.
verso 23
ghaHvaD noSvagh ngaSbogh HIq'e' lunob. 'ach tlhutlhQo' ghaH.
verso 24
naQDaq lulan. SutmeyDaj luwav. 'ay' luSuqbogh luwuqmeH, bIHmo' SuD ghaH.
verso 26
pumDaj DeghDaq "yuDay'angan voDleH" ghItlhlu'.
verso 27
naQDaq lutlhejmeH cha' nIHwI' lumuH. nIHDajDaq wa' lulan. poSDajDaq wa' lulan.
verso 28
[['ej teHchoH ghItlhvam: chut pabHa'wI'pu'Daq ghaH toghlu'.]]
verso 29
lunaDHa' juSwI', nachchaj vIHmoHtaHvIS. jatlh chaH: toH, chIrgh'a' Qaw'bogh 'ej wejleS chenmoHbogh ghot'e'!
verso 31
mIw rap lupabtaHvIS, ja'chuq lalDanla'pu' HaDwI'pu' je, luvaqmeH jatlhtaHvIS: latlhpu' toDta'. toD'eghlaHbe' ghaH.
verso 32
maleghmeH 'ej maHarmeH, DaH naQvo' ghIrjaj 'IHrIStoS, yuDay'angan voDleH. 'ej luvaqtaH naQDaq lutlhejbogh ghotpu'.
verso 33
rep jav, puH naQDaq Hurgh chal. rep Hut, Hurgh 'e' mev.
verso 34
rep Hut, jach yeSuS, ghogh HoS lo'taHvIS: 'eloy 'eloy lema SabaHtlhanI. 'oH mughlu'DI', nIb 'oH, "Qun'a'wI', Qun'a'wI', qatlh cholonta'?" je.
verso 35
QoyDI' pa' Qambogh vay', jatlh chaH: SuH, 'elI'ya pong.
verso 36
qetDI' vay', HIq wIbDaq ngoHwI' tebpu'DI', naQDaq 'oH lanDI', ghaH tlhutlhmoHtaHvIS, jatlh: Ha', chaq ghaH jotlhmeH ghoS 'elI'ya, 'e' wItu'.
verso 38
cha' 'ay' mojmeH, chIrgh'a' lojmIt Sut pe'lu'. Dungvo' bIngDaq pe'lu'.
verso 39
HeghmeH mIw leghDI' ghaH tlhopDaq Qambogh nawloghla''e', jatlh: teH. Qun'a' puqloD ghaHpu' ghotvam'e'.
verso 40
Daq Hopvo' bejtaHbogh be'pu' lutu'lu' je. chaHDaq marI'ya maghDalangan, marI'ya ya'qoboS Qup, yoSeS je SoS je, Salo'me je lutu'lu'.
verso 41
ghalIlay'aDaq ghaH tu'lu'taHvIS, lutlha'taH 'ej lutoy'taH. yeruSalemDaq SalDI' ghaH, lutlhej chaH, be' law' je.
verso 42
qaSDI' choS, qaSmo' qeqwI' jaj --- vaj qaS Sabatlh nungbogh jaj'e' ---
verso 43
chol yoSep 'arImatlhay'angan. yejquv jeSwI' quv ghaH. Qun'a' wo' lajpu' je ghaH. ngIltaHvIS pIla'tuSDaq 'el. 'ej yeSuS lom tlhob.
verso 44
DaH Heghpu'mo', pIla'tuS mer. cholmeH nawloghla' ra'DI', ghaH ghelmeH jatlh: qenHa' Hegh'a' ghaH?
verso 45
nawloghla'vo' SovDI', yoSepvaD lom nob.
verso 46
qatwI' je'DI', ghaH jotlhDI', qatwI'Daq ghaH qat. molDaq ghaH lan. naghDaq mol nanlu'ta'. mol lojmItDaq nagh'a' lanmeH jIrmoH.
verso 47
ghaH lanlu'meH Daq lubej marI'ya maghDalangan, yoSeS marI'ya je.
Libros
