De’ QaQ’e’ ghItlhbogh marqoS
capítulo 14
verso 1
qaSpa' juSwI' yupma', chab beQ yupma' je, ratlh cha' jaj. luqoppu'DI' lumuHmeH, tojtaHvIS mIw luQul lalDanla'pu' HaDwI'pu' je;
verso 2
jatlhmo' chaH: qaStaHvIS yupma', Daw'be'meH ghotghom, Qo'.
verso 3
betlhanI'yaDaq, SI'mon, Surghbogh rop SIQwI', juHDaq ghaHtaHvIS, 'uQDaq QottaHvIS, chol Nard Pistike noSvagh wagh wa' Alabaster bal qengbogh be''e'. Alabaster ghorDI', yeSuS nachDaq noSvagh lIchtaH.
verso 4
'a belHa' vay'. ja''egh: nuq chavlu'meH noSvaghvam lo'Ha'lu'?
verso 5
noSvaghvam ngevlaHmo' vay'. Huch Suqlu'bogh wagh law', wejvatlh DeQ wagh puS. mIpbe'wI'pu'vaD Huchvam noblaH vay'. be' luqun.
verso 6
jatlh yeSuS: ghaH yInuQQo'. qatlh botuHmoH? jIHvaD Qu' QaQ ta'pu';
verso 7
reH tlhIHDaq mIpbe'wI'pu' tu'lu'mo'. boneHDI', chaHvaD Qu' QaQ bota'laH. 'a reH tlhIHDaq jIH vItu'lu'be'.
verso 8
Qu' ta'laHbogh ta'pu'. nol qeqmeH porghwIjDaq noSvagh lanmeH 'eq ghaH.
verso 9
teH; Sajatlh. qo' naQDaq voghDaq De' QaQ maqlu'chugh, vaj ghaH qawlu'meH, pa' Qu''e' ta'bogh be'vam ja'lu'.
verso 10
[chaHvaD] yeSuS maghmeH, lalDanla'pu'vaD mej yu'DaS qerIyotlhngan. wa'maHcha'Daq wa' ghaH.
verso 11
luQoyDI', Quch chaH, 'ej ghaHvaD Huch lunob 'e' lulay'. 'eb QaQ tu'DI', yeSuS maghmeH mIw QultaH.
verso 12
qaStaHvIS chab beQ yupma' jaj wa', Qun'a'vaD juSwI' Sheep Ha'DIbaHHom HoHlu'taHvIS, ghaHvaD jatlh ghojwI'pu'Daj: juSwI' 'uQ DaSopmeH, nuqDaq mamejDI' wIqeq DaneH?
verso 13
cha' ghojwI'Daj ngeH. chaHvaD jatlh: vengDaq yIghoS. lIqIH lam bIQbal qengbogh ghot'e'. yItlha'.
verso 14
voghDaq 'elDI' ghaH, vaj juH joHvaD yIjatlh: jatlh ghojmoHwI': nuqDaq 'oH pa' juSwI' 'uQ vISopmeH mebpa'wIj'e', mutlhejtaHvIS ghojwI'pu'wI'?
verso 15
tlhIHvaD tInbogh pa' jen 'ang. pa'Daq 'aH lanlu'ta' 'ej pa' qeqlu'ta'. pa', maHvaD yIqeq.
verso 16
mej ghojwI'pu'. vengDaq lughoS. pa' Delbogh lutu'. juSwI' 'uQ luqeq.
verso 17
qaSDI' choS, chol, lutlhejtaHvIS wa'maHcha'.
verso 18
QottaHvIS 'ej SoptaHvIS chaH, jatlh yeSuS: teH; Sajatlh: tugh mumagh tlhIHDaq wa' tu'lu'bogh. mumagh maSoptaHvIS mutlhejbogh ghot.
verso 19
'IQchoH chaH. ghaHvaD jatlh Hoch vebchuqtaHvIS: qamaghbe', qar'a', jIH.
verso 20
chaHvaD jatlh: wa'maHcha'Daq wa' tu'lu'bogh. 'elpI'Daq chab wIchaghtaHvIS mutlhejbogh ghot.
verso 21
ghoS nuv'a', ghaH Delbogh ghItlhmey'e' pabtaHvIS. 'ach wa' ghotmo', nuv'a' jeghlu'; Do'Ha' ghotvam. ghotvamvaD qaq, not boghchugh.
verso 22
SoptaHvIS chaH, chab tlhappu'DI' ghaH, 'oH naDDI', ghor 'ej chaHvaD nob. jatlh: yItlhap. porghwIj 'oH Dochvam'e'.
verso 23
HIvje' tlhappu'DI', Qun'a'vaD tlhobDI', chaHvaD nob. 'oHvo' tlhutlh Hoch.
verso 24
chaHvaD jatlh: mab'a' 'IwwIj 'oH Dochvam'e'. ghot law'vaD qanglu'.
verso 25
teH; Sajatlh: not HIqSor naHvo' jItlhutlh, qaSpa' Qun'a' wo'Daq chu'bogh HIq vItlhutlhmeH jaj.
verso 26
bomDI' chaH, Olive naH HuDDaq tlheD chaH.
verso 27
chaHvaD jatlh yeSuS: tugh jIHvo' Hoch tlhIH botlhu'moHlu'; ghItlhlu'mo': leS Ha'DIbaH QorghwI' vIqIp. vaj ghomHa' Sheep Ha'DIbaHmey.
verso 28
'ach jIHu'pu'DI', ghalIlay'aDaq SaDev.
verso 29
ghaHvaD jatlh pe'tlhoS: chaq latlh Hoch lutlhu'moHlu'. 'ach jIH vItlhu'moHlu'be'.
verso 30
ghaHvaD jatlh yeSuS: teH; qajatlh: DaHjaj, qaStaHvIS ramvam, cha'logh jachpa' Chicken chalHa'DIbaHloD, wejlogh chotem SoH.
verso 31
qaptaHvIS jatlh: jIHeghmeH qatlhejnISchugh je, vaj not qatem. mu' rap jatlh je Hoch.
verso 32
yotlh lu'el. yotlh pong 'oH ghetlhSemani''e'. ghojwI'pu'DajvaD jatlh: naDev peba', Qun'a'vaD jItlhobtaHvIS.
verso 33
pe'tlhoS ya'qoboS je yo'a'neS je tlha'moH. yay'choH 'ej 'ItchoH ghaH.
verso 34
chaHvaD jatlh: 'IQmo' qa'wIj, jIHeghrup. naDev peratlh 'ej peghuH.
verso 35
loQ ghoSDI', yavDaq pum. juSlaHchugh, vaj ghaHvo' juSmeH poH, tlhob.
verso 36
jatlh: 'abba', vav, SoHvaD qaSlaH Hoch. jIHvo' HIvje'vam yIteq. 'ach qaSbe'jaj ghu' vIneHbogh. qaSjaj ghu' DaneHbogh.
verso 37
ghoS. Qong chaH 'e' tu'. pe'tlhoSvaD jatlh: SI'mon, bIQong'a'? qaStaHvIS wa' rep bIghuHlaHbe''a'?
verso 38
peghuH 'ej Sutlhu'be'meH petlhob. neHtaH qa', 'ach puj Ha'DIbaH.
verso 39
tlheDqa'DI', tlhob, mu' rap jatlhtaHvIS.
verso 40
ghoSqa'DI', Qong chaH 'e' tu'; 'ughmo' mInDu'chaj. ghaHvaD jangmeH chaH mu' luSovbe'.
verso 41
wejlogh ghoS. chaHvaD jatlh: toH, SuQong 'ej SuleS. yap. cholpu' poH. SuH, yemwI'pu' ghopDu'vaD nuv'a' jeghlu'lI'.
verso 42
Ha' peHu'. SuH, Sum mumaghbogh ghot.
verso 43
SIbI', jatlh 'e' mevpa', chol wa'maHcha' jeSbogh yu'DaS'e'. lalDanla'pu'vo' HaDwI'pu'vo' je quppu'vo' je, ghaH tlhej taj naQ je qengbogh ghom'a''e'.
verso 44
chaHvaD ghuH nobta' maghwI'. jatlh: vay' vanchugh wuSDu'wIj, vaj potlh ghaH'e'. yIqop 'ej yIteq, Qob boSIQbe'taHvIS.
verso 45
ghoSDI', SIbI' ghaH cholDI', jatlh: ghojmoHwI' ghaH luvan wuSDu'Daj.
verso 46
ghaHDaq ghopDu'chaj lan chaH 'ej luqop.
verso 47
taj lelDI' pa' Qambogh wa', lalDanla' toy'wI''a' qIp. qoghDaj nge'.
verso 48
jangtaHvIS yeSuS, chaHvaD jatlh: nIHwI' boqopmeH mIw bopab'a', tuqopmeH Sumejmo', taj naQ je bo'uchtaHvIS?
verso 49
Hoch jaj, chIrgh'a'Daq tlhIH retlhDaq jIHtaH, jIghojmoHtaHvIS. 'ej tuqopta'be'. 'ach ghItlhmey toblu'meH qaS.
verso 51
ghaH tlha'taH wa' QupwI'. Sut Hutlhbogh porghDajDaq lInen qatwI' tuQ. luqop.
verso 52
'ach Linen qatwI' lonDI', Haw', Sut HutlhtaHvIS.
verso 53
lalDanla'Daq yeSuS luDev. ghom Hoch lalDanla' qup je HaDwI' je.
verso 54
chuq'a'Daq ghaH tlha' pe'tlhoS. tlha' 'e' mev, lalDanla' juHyotlh SIchDI'. toy'wI'pu' tlhejtaHvIS ba'taH. qul retlhDaq tuj'eghmoH.
verso 55
lumuHmeH, yeSuS pumbogh De''e' nej lalDanla'pu', yejquv naQ je. 'ach lutu'be'.
verso 56
lupummeH nepmo' ghot law'. 'ej Qoch pumchaj.
verso 57
Hu'DI' vay', lupummeH neptaHvIS, jatlh:
verso 58
jatlh ghaH 'e' wIQoy: tugh chIrgh'a'vam'e' chenmoHbogh ghopDu' vIQaw'. wejleS latlh'e' chenmoHbe'bogh ghopDu' vIchenmoH.
verso 59
'ach ghu'vam luqeltaHvIS je, Qoch pumchaj.
verso 60
botlhDaq Hu'DI' lalDanla', yeSuS yu'taHvIS jatlh: pagh Dajang'a'? qatlh nIpum ghotpu'vam?
verso 61
tam ghaH. pagh jang. ghaH yu'qa' lalDanla'. ghaHvaD jatlh: 'IHrIStoS, Dol'a', naDlu'bogh, puqloD SoH'a'?
verso 62
jatlh yeSuS: ghaH jIH. tugh nuv'a' bolegh, HoS nIHDaq ba'taHvIS 'ej chal 'engmey retlhDaq choltaHvIS.
verso 63
SutDaj ghortaHvIS lalDanla', jatlh: qatlh DaH maHvaD 'ut pumwI'pu'?
verso 64
lalDanvaD tlhIv 'e' boQoy. chay' ghu' boyaj? HeghnISmeH DIvmo' luqIch Hoch.
verso 65
ghaHDaq tlhISchoH vay'. qabDaj lu'So'choH. luqIp 'ej ghaHvaD jatlh chaH: nemSovwI' yIDa. lutlhap toy'wI'pu' 'ej luqIp.
verso 66
bIngDaq, juHyotlhDaq ghaHtaHvIS pe'tlhoS'e', chol lalDanla' wa' toy'wI'be'.
verso 67
tuj'eghmoH pe'tlhoS 'e' leghDI', ghaH bejtaHvIS jatlh: yeSuS natlharenoSvetlh Datlhejpu' je SoH.
verso 68
temtaHvIS ghaH, jatlh: ghu' Daja'bogh vISovbe' 'ej vIyajbe'. He yotlhDaq ghoS. ['ej jach Chicken chalHa'DIbaHloD.]
verso 69
ghaH leghDI' toy'wI'be', retlh QamwI'pu'vaD jatlhqa': Sarvetlh ghot ghaH.
verso 70
tamqa'taH. qaSpu'DI' poH ngaj, pe'tlhoSvaD jatlh retlh QamwI'pu': teH. Sarvetlh ghot SoH; ghalIlay'a ngan SoHmo' je.
verso 71
mu'qaD jatlhchoH 'ej 'IpchoH: ghotvam bobuSbogh vISovbe'.
verso 72
SIbI' qaS, jachmeH Chicken chalHa'DIbaHloD, poH cha'DIch. ghaHvaD mu''e' ja'bogh yeSuS qaw pe'tlhoS: cha'logh jachpa' Chicken chalHa'DIbaHloD, wejlogh chotem. qeltaHvIS SaQ.
Libros
