De’ QaQ’e’ ghItlhbogh marqoS

Capitole:

… 11 12 13 14 15 16   ⇤ ← 14 → ⇥

versetul 1

qaSpa' juSwI' yupma', chab beQ yupma' je, ratlh cha' jaj. luqoppu'DI' lumuHmeH, tojtaHvIS mIw luQul lalDanla'pu' HaDwI'pu' je;

versetul 2

jatlhmo' chaH: qaStaHvIS yupma', Daw'be'meH ghotghom, Qo'.

versetul 3

betlhanI'yaDaq, SI'mon, Surghbogh rop SIQwI', juHDaq ghaHtaHvIS, 'uQDaq QottaHvIS, chol Nard Pistike noSvagh wagh wa' Alabaster bal qengbogh be''e'. Alabaster ghorDI', yeSuS nachDaq noSvagh lIchtaH.

versetul 4

'a belHa' vay'. ja''egh: nuq chavlu'meH noSvaghvam lo'Ha'lu'?

versetul 5

noSvaghvam ngevlaHmo' vay'. Huch Suqlu'bogh wagh law', wejvatlh DeQ wagh puS. mIpbe'wI'pu'vaD Huchvam noblaH vay'. be' luqun.

versetul 6

jatlh yeSuS: ghaH yInuQQo'. qatlh botuHmoH? jIHvaD Qu' QaQ ta'pu';

versetul 7

reH tlhIHDaq mIpbe'wI'pu' tu'lu'mo'. boneHDI', chaHvaD Qu' QaQ bota'laH. 'a reH tlhIHDaq jIH vItu'lu'be'.

versetul 8

Qu' ta'laHbogh ta'pu'. nol qeqmeH porghwIjDaq noSvagh lanmeH 'eq ghaH.

versetul 9

teH; Sajatlh. qo' naQDaq voghDaq De' QaQ maqlu'chugh, vaj ghaH qawlu'meH, pa' Qu''e' ta'bogh be'vam ja'lu'.

versetul 10

[chaHvaD] yeSuS maghmeH, lalDanla'pu'vaD mej yu'DaS qerIyotlhngan. wa'maHcha'Daq wa' ghaH.

versetul 11

luQoyDI', Quch chaH, 'ej ghaHvaD Huch lunob 'e' lulay'. 'eb QaQ tu'DI', yeSuS maghmeH mIw QultaH.

versetul 12

qaStaHvIS chab beQ yupma' jaj wa', Qun'a'vaD juSwI' Sheep Ha'DIbaHHom HoHlu'taHvIS, ghaHvaD jatlh ghojwI'pu'Daj: juSwI' 'uQ DaSopmeH, nuqDaq mamejDI' wIqeq DaneH?

versetul 13

cha' ghojwI'Daj ngeH. chaHvaD jatlh: vengDaq yIghoS. lIqIH lam bIQbal qengbogh ghot'e'. yItlha'.

versetul 14

voghDaq 'elDI' ghaH, vaj juH joHvaD yIjatlh: jatlh ghojmoHwI': nuqDaq 'oH pa' juSwI' 'uQ vISopmeH mebpa'wIj'e', mutlhejtaHvIS ghojwI'pu'wI'?

versetul 15

tlhIHvaD tInbogh pa' jen 'ang. pa'Daq 'aH lanlu'ta' 'ej pa' qeqlu'ta'. pa', maHvaD yIqeq.

versetul 16

mej ghojwI'pu'. vengDaq lughoS. pa' Delbogh lutu'. juSwI' 'uQ luqeq.

versetul 17

qaSDI' choS, chol, lutlhejtaHvIS wa'maHcha'.

versetul 18

QottaHvIS 'ej SoptaHvIS chaH, jatlh yeSuS: teH; Sajatlh: tugh mumagh tlhIHDaq wa' tu'lu'bogh. mumagh maSoptaHvIS mutlhejbogh ghot.

versetul 19

'IQchoH chaH. ghaHvaD jatlh Hoch vebchuqtaHvIS: qamaghbe', qar'a', jIH.

versetul 20

chaHvaD jatlh: wa'maHcha'Daq wa' tu'lu'bogh. 'elpI'Daq chab wIchaghtaHvIS mutlhejbogh ghot.

versetul 21

ghoS nuv'a', ghaH Delbogh ghItlhmey'e' pabtaHvIS. 'ach wa' ghotmo', nuv'a' jeghlu'; Do'Ha' ghotvam. ghotvamvaD qaq, not boghchugh.

versetul 22

SoptaHvIS chaH, chab tlhappu'DI' ghaH, 'oH naDDI', ghor 'ej chaHvaD nob. jatlh: yItlhap. porghwIj 'oH Dochvam'e'.

versetul 23

HIvje' tlhappu'DI', Qun'a'vaD tlhobDI', chaHvaD nob. 'oHvo' tlhutlh Hoch.

versetul 24

chaHvaD jatlh: mab'a' 'IwwIj 'oH Dochvam'e'. ghot law'vaD qanglu'.

versetul 25

teH; Sajatlh: not HIqSor naHvo' jItlhutlh, qaSpa' Qun'a' wo'Daq chu'bogh HIq vItlhutlhmeH jaj.

versetul 26

bomDI' chaH, Olive naH HuDDaq tlheD chaH.

versetul 27

chaHvaD jatlh yeSuS: tugh jIHvo' Hoch tlhIH botlhu'moHlu'; ghItlhlu'mo': leS Ha'DIbaH QorghwI' vIqIp. vaj ghomHa' Sheep Ha'DIbaHmey.

versetul 28

'ach jIHu'pu'DI', ghalIlay'aDaq SaDev.

versetul 29

ghaHvaD jatlh pe'tlhoS: chaq latlh Hoch lutlhu'moHlu'. 'ach jIH vItlhu'moHlu'be'.

versetul 30

ghaHvaD jatlh yeSuS: teH; qajatlh: DaHjaj, qaStaHvIS ramvam, cha'logh jachpa' Chicken chalHa'DIbaHloD, wejlogh chotem SoH.

versetul 31

qaptaHvIS jatlh: jIHeghmeH qatlhejnISchugh je, vaj not qatem. mu' rap jatlh je Hoch.

versetul 32

yotlh lu'el. yotlh pong 'oH ghetlhSemani''e'. ghojwI'pu'DajvaD jatlh: naDev peba', Qun'a'vaD jItlhobtaHvIS.

versetul 33

pe'tlhoS ya'qoboS je yo'a'neS je tlha'moH. yay'choH 'ej 'ItchoH ghaH.

versetul 34

chaHvaD jatlh: 'IQmo' qa'wIj, jIHeghrup. naDev peratlh 'ej peghuH.

versetul 35

loQ ghoSDI', yavDaq pum. juSlaHchugh, vaj ghaHvo' juSmeH poH, tlhob.

versetul 36

jatlh: 'abba', vav, SoHvaD qaSlaH Hoch. jIHvo' HIvje'vam yIteq. 'ach qaSbe'jaj ghu' vIneHbogh. qaSjaj ghu' DaneHbogh.

versetul 37

ghoS. Qong chaH 'e' tu'. pe'tlhoSvaD jatlh: SI'mon, bIQong'a'? qaStaHvIS wa' rep bIghuHlaHbe''a'?

versetul 38

peghuH 'ej Sutlhu'be'meH petlhob. neHtaH qa', 'ach puj Ha'DIbaH.

versetul 39

tlheDqa'DI', tlhob, mu' rap jatlhtaHvIS.

versetul 40

ghoSqa'DI', Qong chaH 'e' tu'; 'ughmo' mInDu'chaj. ghaHvaD jangmeH chaH mu' luSovbe'.

versetul 41

wejlogh ghoS. chaHvaD jatlh: toH, SuQong 'ej SuleS. yap. cholpu' poH. SuH, yemwI'pu' ghopDu'vaD nuv'a' jeghlu'lI'.

versetul 42

Ha' peHu'. SuH, Sum mumaghbogh ghot.

versetul 43

SIbI', jatlh 'e' mevpa', chol wa'maHcha' jeSbogh yu'DaS'e'. lalDanla'pu'vo' HaDwI'pu'vo' je quppu'vo' je, ghaH tlhej taj naQ je qengbogh ghom'a''e'.

versetul 44

chaHvaD ghuH nobta' maghwI'. jatlh: vay' vanchugh wuSDu'wIj, vaj potlh ghaH'e'. yIqop 'ej yIteq, Qob boSIQbe'taHvIS.

versetul 45

ghoSDI', SIbI' ghaH cholDI', jatlh: ghojmoHwI' ghaH luvan wuSDu'Daj.

versetul 46

ghaHDaq ghopDu'chaj lan chaH 'ej luqop.

versetul 47

taj lelDI' pa' Qambogh wa', lalDanla' toy'wI''a' qIp. qoghDaj nge'.

versetul 48

jangtaHvIS yeSuS, chaHvaD jatlh: nIHwI' boqopmeH mIw bopab'a', tuqopmeH Sumejmo', taj naQ je bo'uchtaHvIS?

versetul 49

Hoch jaj, chIrgh'a'Daq tlhIH retlhDaq jIHtaH, jIghojmoHtaHvIS. 'ej tuqopta'be'. 'ach ghItlhmey toblu'meH qaS.

versetul 50

ghaH lulonDI' Haw' Hoch.

versetul 51

ghaH tlha'taH wa' QupwI'. Sut Hutlhbogh porghDajDaq lInen qatwI' tuQ. luqop.

versetul 52

'ach Linen qatwI' lonDI', Haw', Sut HutlhtaHvIS.

versetul 53

lalDanla'Daq yeSuS luDev. ghom Hoch lalDanla' qup je HaDwI' je.

versetul 54

chuq'a'Daq ghaH tlha' pe'tlhoS. tlha' 'e' mev, lalDanla' juHyotlh SIchDI'. toy'wI'pu' tlhejtaHvIS ba'taH. qul retlhDaq tuj'eghmoH.

versetul 55

lumuHmeH, yeSuS pumbogh De''e' nej lalDanla'pu', yejquv naQ je. 'ach lutu'be'.

versetul 56

lupummeH nepmo' ghot law'. 'ej Qoch pumchaj.

versetul 57

Hu'DI' vay', lupummeH neptaHvIS, jatlh:

versetul 58

jatlh ghaH 'e' wIQoy: tugh chIrgh'a'vam'e' chenmoHbogh ghopDu' vIQaw'. wejleS latlh'e' chenmoHbe'bogh ghopDu' vIchenmoH.

versetul 59

'ach ghu'vam luqeltaHvIS je, Qoch pumchaj.

versetul 60

botlhDaq Hu'DI' lalDanla', yeSuS yu'taHvIS jatlh: pagh Dajang'a'? qatlh nIpum ghotpu'vam?

versetul 61

tam ghaH. pagh jang. ghaH yu'qa' lalDanla'. ghaHvaD jatlh: 'IHrIStoS, Dol'a', naDlu'bogh, puqloD SoH'a'?

versetul 62

jatlh yeSuS: ghaH jIH. tugh nuv'a' bolegh, HoS nIHDaq ba'taHvIS 'ej chal 'engmey retlhDaq choltaHvIS.

versetul 63

SutDaj ghortaHvIS lalDanla', jatlh: qatlh DaH maHvaD 'ut pumwI'pu'?

versetul 64

lalDanvaD tlhIv 'e' boQoy. chay' ghu' boyaj? HeghnISmeH DIvmo' luqIch Hoch.

versetul 65

ghaHDaq tlhISchoH vay'. qabDaj lu'So'choH. luqIp 'ej ghaHvaD jatlh chaH: nemSovwI' yIDa. lutlhap toy'wI'pu' 'ej luqIp.

versetul 66

bIngDaq, juHyotlhDaq ghaHtaHvIS pe'tlhoS'e', chol lalDanla' wa' toy'wI'be'.

versetul 67

tuj'eghmoH pe'tlhoS 'e' leghDI', ghaH bejtaHvIS jatlh: yeSuS natlharenoSvetlh Datlhejpu' je SoH.

versetul 68

temtaHvIS ghaH, jatlh: ghu' Daja'bogh vISovbe' 'ej vIyajbe'. He yotlhDaq ghoS. ['ej jach Chicken chalHa'DIbaHloD.]

versetul 69

ghaH leghDI' toy'wI'be', retlh QamwI'pu'vaD jatlhqa': Sarvetlh ghot ghaH.

versetul 70

tamqa'taH. qaSpu'DI' poH ngaj, pe'tlhoSvaD jatlh retlh QamwI'pu': teH. Sarvetlh ghot SoH; ghalIlay'a ngan SoHmo' je.

versetul 71

mu'qaD jatlhchoH 'ej 'IpchoH: ghotvam bobuSbogh vISovbe'.

versetul 72

SIbI' qaS, jachmeH Chicken chalHa'DIbaHloD, poH cha'DIch. ghaHvaD mu''e' ja'bogh yeSuS qaw pe'tlhoS: cha'logh jachpa' Chicken chalHa'DIbaHloD, wejlogh chotem. qeltaHvIS SaQ.

Capitole:

1 2 3 4 5 6 7 8 9 10 11 12 13 14 15 16