De’ QaQ’e’ ghItlhbogh marqoS

Capitole:

… 11 12 13 14 15 16   ⇤ ← 13 → ⇥

versetul 1

chIrgh'a'vo' mejtaHvIS ghaH, ghaHvaD jatlh wa' ghojwI'Daj: ghojmoHwI', Doj naghmeyvam qachmeyvam je 'e' yIlegh.

versetul 2

ghaHvaD jatlh yeSuS: qachmeyvam tIn Dalegh'a'? leS ratlhbe' DaH nagh DungDaq ratlhbogh nagh'e', Qaw'lu'be'bogh.

versetul 3

Olive naH HuD Daq, chIrgh'a' latlh DopDaq ba'taHvIS, nIteb lughelmeH pe'tlhoS ya'qoboS je yo'a'neS je 'antlhe'aS je, jatlhtaH:

versetul 4

ghoja': ghorgh qaS wanI'meyvam? tugh Hoch luvanglu', 'e' pIHmoH nuq?

versetul 5

chaHvaD jatlhchoH yeSuS: lItojbe'meH vay' peyep.

versetul 6

tugh ghoS ghot law', pongwIj lulo'taHvIS, jatlhtaHvIS: ghaH jIH. nuv law' toj chaH.

versetul 7

veS, veS joS joq boQoyDI', peHajQo'. qaSnIS bIH, 'ach wej qaS rInmeH poH;

versetul 8

qo'vaD Daw'mo' qo', 'ej wo'vaD Daw'mo' wo'. 'op DaqDaq Qomlu'. ghunglu'. boghwI'Hey 'oy'mey taghmoH bIH.

versetul 9

'a tlhIHvaD peyep. tugh yejmeyvaD bojeghlu'. chIrghmeyDaq boqIplu'. chaHvaD Su'olmeH, qumwI'pu' ta'pu' je retlhDaq boQammoHlu'.

versetul 10

qaSpa', Hoch novvaD De' QaQ maqnISlu'.

versetul 11

lIDevDI' lIjeghtaHvIS, mu' bojatlhnISbogh yIqeqQo'. qaSDI' poHvetlh, tlhIHvaD vay' noblu'bogh yIjatlh; Sujatlhbe'mo' tlhIH; 'ach jatlh qa' quv.

versetul 12

muHlu'meH tugh loDnI' jegh loDnI'. 'ej puq jegh vav. vavvaD SoSvaD je Daw' puqpu' 'ej chaH muH.

versetul 13

pongwIjmo' lImuStaH Hoch. SIQtaHchugh vay', rInDI' ghu', vaj ghaH toDlu'.

versetul 14

DaqDaq Danbe'nISbogh Dan chIrgh'a' chImmoHbogh ghIjmoHwI', 'e' boleghDI' (ghovjaj laDwI'), ngugh HuDmeyDaq Haw'jaj yuDay'a nganpu'.

versetul 15

'elmeH ghIrbe'jaj bebDaq Qambogh ghot'e', 'ej juHDajvo' vay' lelmeH 'elbe'jaj.

versetul 16

wepDaj lelmeH cheghqa'be'jaj Du'Daq Qambogh ghot'e'.

versetul 17

Do'Ha' yatlhwI'pu', ghu je'wI'pu' je, qaStaHvIS jajmeyvetlh.

versetul 18

qaStaHvIS bov bIr, qaSbe' wanI', 'e' yItlhob;

versetul 19

jaj 'IQ bIHmo' jajmeyvetlh'e'. qaSbe' ghu'vam 'IQ rurubogh ghu''e', taghDI' 'u''e' chenmoHbogh Qun'a', qaSpa' DaHjaj. 'ej not qaSqa'.

versetul 20

jajmey ngajmoHbe'pu'chugh Qun'a', vaj Hoch Ha'DIbaH toDHa'lu'. 'ach wIvghotpu'vaD wIvta'bogh ngajmoHta' Qun'a'.

versetul 21

ngugh tlhIHvaD jatlhchugh vay': pelegh. naDev 'IHrIStoS tu'lu'. qoj, pelegh. pa' tu'lu'; vaj yIHarQo'.

versetul 22

leS Hu' 'IHrIStoSpu' ngeb, nemSovwI'pu' ngeb je. wIvghotpu' tojmeH, tojlaHchugh, tobbogh ta', merbogh ta' je chav chaH.

versetul 23

'a peyep. Hochmo' SaghuHmoHta'.

versetul 24

'ach qaStaHvIS jajmeyvetlh, rInDI' ghu'vetlh 'IQ, HurghchoH pemHov, 'ej wovQo' maS.

versetul 25

chalvo' pum Hovmey. Qom chalDaq HoSpu' tu'lu'bogh.

versetul 26

ghIq 'engmeyDaq chol nuv'a', HoS Dun, quv je ghajtaHvIS, 'e' lulegh.

versetul 27

ghIq QumwI'pu' ngeH. loS SuSvo', yuQ HeHvo', chal HeHvo' je wIvghotpu'Daj ghommoH.

versetul 28

Fig Sorvo' lut yIghoj. tunchoHDI' SorDeSDaj, 'ej por lIngDI', Sum bov tuj 'e' boSov.

versetul 29

qaStaH wanI'vam 'e' boleghDI', lojmItDaq Sum ghaH, 'e' boSov je tlhIH.

versetul 30

teH; Sajatlh. lojbe' bovvam nganpu', qaSpa' Hoch wanI'meyvam.

versetul 31

leS loj chal yuQ je. 'ach lojbe' mu'wIj.

versetul 32

jajvetlh repvetlh joq De' Sov pagh. Sovbe' chalDaq QumwI'pu' tu'lu'bogh, Sovbe' je puqloD. Sov vav neH.

versetul 33

peyep. peghuH; bovvetlh rep boSovbe'mo'.

versetul 34

lengwI' rur. juHDajvo' mej, 'ej toy'wI''a'pu'vaD woQ nob. HochvaD Qu'Daj nob. ghuHmeH 'avwI' ra'.

versetul 35

vaj peghuH; ghoSmeH juH joH, rep boSovbe'. qaStaHvIS choS, ramjep ghap, chicken chalHa'DIbaHloD ghum ghap, po ghap, ghoS.

versetul 36

pay' ghoSDI', SuQongtaHvIS lItu'be'meH peghuH.

versetul 37

tlhIHvaD mu''e' vIja'bogh, HochvaD vIja'. peghuH.

Capitole:

1 2 3 4 5 6 7 8 9 10 11 12 13 14 15 16