De’ QaQ’e’ ghItlhbogh marqoS

Capitole:

… 6 7 8 9 10 …   ⇤ ← 8 → ⇥

versetul 1

qaStaHvIS jajmeyvetlh, ghom'a' tIn tu'qa'lu'mo', 'ej luSopmeH pagh lughajmo', lucholmeH ghojwI' ra', 'ej chaHvaD jatlh:

versetul 2

ghom'a' vIvup, DaH jIHDaq ratlhmo' chaH, qaStaHvIS wej jaj, 'ej SopmeH pagh lughajmo'.

versetul 3

juHchajDaq lughoS 'e' vIchaw'chugh, ghungtaHvIS chaH, vaj HeDaq vulchoH chaH. naDev Sep Hopvo' ghoSta' 'op.

versetul 4

ghaHvaD jangmeH ghojwI'pu'Daj jatlh: naDev DebvamDaq ghotpu'vam yonmoHlaH vay', nuqvo' chab Suqmo'?

versetul 5

'ej chaH ghelmeH jatlh: chab 'ar boghaj? jatlh chaH: Soch.

versetul 6

yavDaq QotmeH ghom'a' ra'. Soch chab tlhappu'DI', tlho'DI', bIH ghor. bIH HIjmeH ghojwI'pu'DajvaD nob. ghom'a'vaD HIj chaH.

versetul 7

'op bIQHa'DIbaHHom ghajlu'. bIH naDpu'DI', bIH HIjmeH je ra'.

versetul 8

Sop 'ej yon chaH, Soch bal'a' DI chuvmey luwoHlu'.

versetul 9

loS SanID ghot tu'lu'. mej chaH 'e' chaw'.

versetul 10

SIbI' Duj tIjDI', ghojwI'pu' tlhejtaHvIS, Dalmanutlha Sep ghoS.

versetul 11

chol parISay'oSpu'. ghaHvaD ngachchoH chaH. ghaHvaD chalvo' tobbogh ta' lutlhob, luDajtaHvIS.

versetul 12

bepmeH tlhu'DI', jatlh: qatlh tobbogh ta' lutlhob bovvam ngan? teH; Sajatlh: bovvam nganvaD pagh ta' 'anglu'bej.

versetul 13

chaHvo' mejtaHvIS, tIjqa'DI', latlh DopDaq ghoS.

versetul 14

chab lutlhap 'e' lulIj. DujDaq chaHDaq wa' chab neH lughaj.

versetul 15

chaH ghuHmoHtaHvIS, jatlh: peqIm. parISay'oS chab pepwI'mo', Heroy'DeS chab pepwI'mo' je peyep. 16 ja'chuq, chab lughajbe'mo'.

versetul 17

tlhojDI', chaHvaD jatlh: "chab DIghajbe'", qatlh Suja'chuq? wej Sutu' 'ej wej Suyaj? tIq let boghaj'a'?

versetul 18

mInDu' boghajtaHvIS, Suleghbe''a'? teSDu' boghajtaHvIS, SuQoybe''a'?

versetul 19

vagh SanIDvaD vagh chab vIghorpu'DI', Soj DI tI Hap bal naQ mI' bowoHpu'bogh boqawbe''a'? ghaHvaD jatlh chaH: wa'maHcha'.

versetul 20

loS SanIDvaD Soch vIghorpu'DI', Soj DI bal'a' 'ar bowoHpu'? [ghaHvaD] jatlh chaH: Soch.

versetul 21

'ej chaHvaD jatlh: wej Suyaj'a'?

versetul 22

betlhSayDaDaq lughoS. ghaHvaD leghlaHbe'wI' luqem. HotmeH ghaH lutlhob.

versetul 23

leghlaHbe'wI' ghop tlhaptaHvIS, vengHom HurDaq ghaH Dev. mInDu'DajDaq tlhISDI', ghaHDaq ghopDu'Daj lanDI', ghaHvaD ghelmeH jatlh: vay' Dalegh'a'?

versetul 24

bejqa'laHDI', jatlh: Sormey rur ghotpu', yIttaHvIS, 'e' vIlegh.

versetul 25

ghIq mInDu'DajDaq ghopDu' lanqa'. leghchu' 'ej SabHa'. chuq HopDaq Hoch bejchu'taH.

versetul 26

juHDajDaq ghaH ngeH 'ej jatlh: vengHom yI'elQo' je.

versetul 27

pI'lIpoS qaySarI'ya vengHommeyDaq mej yeSuS ghojwI'pu'Daj je. HeDaq ghojwI'pu'Daj ghelmeH jatlh:

versetul 28

'Iv jIH, 'e' lumaq? ghaHvaD jatlh: taymo' Say'moHbogh yo'a'neS SoH. "'elI'ya ghaH" jatlh latlh. "wa' nemSovwI'" jatlh latlh.

versetul 29

chaHvaD ghelmeH jatlh: 'Iv jIH, 'e' bomaq? jangtaHvIS pe'tlhoS, ghaHvaD jatlh: 'IHrIStoS SoH. 30 paghvaD vuDvam luja'meH, chaHvaD ra'qu'.

versetul 31

bechqu'nIS nuv'a', 'ej lunaDHa'nIS quppu' lalDanla'pu' je HaDwI'pu' je, 'ej muHlu'nIS, 'ej wejleS yInqa'nIS --- chaHvaD 'e' ghojchoHmoH.

versetul 32

peghHa' ghaH, SoQvam maqtaHvIS. ghaH nge'pu'DI' pe'tlhoS, ghaH qunchoH.

versetul 33

tlhe''eghDI' yeSuS, 'ej ghojwI'pu'Daj leghtaHvIS, pe'tlhoS qun 'ej jatlh: jIH 'emDaq yIjaH, veqlargh! Qun'a' qech DaQorghbe', 'ach ghot qech DaQorgh neH.

versetul 34

cholmeH ghom'a' ghojwI'pu'Daj je ra'pu'DI', chaHvaD jatlh: mutlha' neHchugh vay', vaj SaH'eghQo'nIS, 'ej muHwI' naQDaj woHnIS, 'ej mutlha'nIS.

versetul 35

qa'Daj toD neHchugh vay', vaj 'oH woD. 'ach [jIHvaD] De' QaQvaD [je] qa'Daj woDchugh vay', vaj 'oH toD.

versetul 36

chay' ghotvaD lI' ghu', qo' naQ Suqchugh, 'ach qa'Daj QIHlu'chugh?

versetul 37

qa'Daj tammeH, nuq noblaH ghot?

versetul 38

vay' wItuHmoHchugh jIH SoQwIj je, qaStaHvIS quvHa'bogh 'ej yembogh bovvam, vaj nuv'a' tuHmoH je ghotvam, leS pawDI' nuv'a', vavDaj batlh ghajtaHvIS, lutlhejtaHvIS QumwI' quv.

Capitole:

1 2 3 4 5 6 7 8 9 10 11 12 13 14 15 16