De’ QaQ’e’ ghItlhbogh marqoS

Capitole:

… 11 12 13 14 15 16   ⇤ ← 16 → ⇥

versetul 1

qaSpu'DI' Sabatlh, lucholDI' ghaHDaq ngoHmeH noSvagh je' marI'ya maghDalangan, ya'qoboS marI'ya je Salo'me je.

versetul 2

qaStaHvIS po 'eq, qaStaHvIS Hogh jaj wa', molDaq lughoS chaH, Hu'taHvIS pemHov.

versetul 3

ja''egh: mol lojmItvo' maHvaD nagh'a' jIrmoH 'Iv?

versetul 4

bejDI' chaH, nagh'a' teqlu' 'e' lulegh; tInqu'mo' 'oH.

versetul 5

mol lu'elDI', nIHDaq ba' Sut chIS tuQbogh loDHom'e' 'e' lulegh. yay' chaH.

versetul 6

chaHvaD jatlh ghaH: peyay'Qo'. yeSuS natlharenoS muHlu'pu'bogh bonej. ghaH Hu'moHlu'pu'. naDev ghaH tu'lu'be'. DaqvamDaq lulanpu'. naDev Daq yIlegh.

versetul 7

'ach ghojwI'pu'DajvaD pe'tlhoSvaD je pejatlh peghoS: ghalIlay'aDaq lIDev. pa' ghaH bolegh. tlhIHvaD nab ja'pu'bogh pab.

versetul 8

mejtaHvIS, molvo' Haw'; Qommo' 'ej yay'mo' chaH. paghvaD vay' luja'; Hajmo' chaH.

versetul 9

[[po Hu'DI' qaStaHvIS Sabbatlh rep wa'DIch, ghotvaD narghmeH yeSuS, wa'DIch ghaH marI'ya maghDalangan'e'. ghaHvo' Soch qa' mIgh ghImpu'.

versetul 10

ghoSDI' marI'ya, yeSuS tlhejpu'bogh ghotpu'vaD maq ghaH, 'IQtaHvIS 'ej SaQtaHvIS.

versetul 11

yIn ghaH 'ej ghaH legh marI'ya 'e' luQoyDI', HarHa' ghotvetlh.

versetul 12

qaSDI' wanI'vam, cha' ghotpu'vetlhvaD nargh, latlh rurtaHvIS, yotlhDaq yIttaHvIS.

versetul 13

mejDI' chaH, Hoch latlhpu'vaD maq chaH. chaH HarHa' je.

versetul 14

ghIq SopmeH QottaHvIS wa'maHwa', nargh. HarQo' chaH 'ej let tIqchaj 'e' qun, Hu' leghbogh ghotpu' Harbe'mo' chaH.

versetul 15

'ej chaHvaD jatlh: peghoS 'ej qo' naQDaq De' QaQ yImaq. chenpu'bogh Hoch yImaq.

versetul 16

Harchugh 'ej taymo' Say'moHlu'chugh, toDlu'. 'ach HarQo'chugh, qIchlu'.

versetul 17

Harbogh ghotpu' tlha' 'angwI'meyvam: pongwIj lulo'taHvIS qa' mIgh ghIm. Hol chu' jatlh.

versetul 18

[ghopDu'Daq] ghargh lupep. HeghmoHbogh vay' lutlhutlhchugh, QIHbe'. ropwI'pu'Daq ghop lan 'ej vorchu'.

versetul 19

chaHvaD jatlhDI' [yeSuS,] joH'a', chalDaq ghaH peplu'. 'ej Qun'a' nIHDaq ba'choH.

versetul 20

'ej mejDI' chaH, Dat maq, jIjtaHvIS joH'a', 'ej SoQchaj 'olmeH tlha'bogh 'angwI' lo'taHvIS.]

Capitole:

1 2 3 4 5 6 7 8 9 10 11 12 13 14 15 16