De’ QaQ’e’ ghItlhbogh marqoS

Capitole:

… 9 10 11 12 13 …   ⇤ ← 11 → ⇥

versetul 1

betlhpaghe'Daq betlhanI'yaDaq je, Olive naH HuD retlhDaq, yeruSalemDaq SumDI' chaH, cha' ghojwI'pu'Daj ngeH ghaH.

versetul 2

chaHvaD jatlh: latlh Dopraj vengHomDaq yIghoS. bo'elDI', SIbI' Donkey Ha'DIbaH puq baghlu'bogh boSam. not 'oHDaq ba'pu' yoq. yIbaghHa' 'ej yIqem.

versetul 3

tlhIvaD jatlhchugh vay', qatlh Suta'? vaj pejatlh: joHDajvaD 'ut 'oH. 'ej SIbI' naDev 'oH ngeHqa'.

versetul 4

tlheD chaH. lojmIt HurDaq, HeDaq Donkey puq baghlu'bogh luSam. lubaghHa'.

versetul 5

chaHvaD jatlh pa' Qambogh 'op ghot: nuq bota', Donkey bobaghHa'taHvIS?

versetul 6

ghotpu'vaD mu''e' ra'bogh yeSuS luja'. chaH chaw' ghotpu'.

versetul 7

yeSuSDaq Donkey puq luqem. 'oHDaq Sutchaj lulan. 'oHDaq ba' ghaH.

versetul 8

HeDaq Sutchaj lan ghot law'. yotlhmeyvo' tImey pe'pu'bogh lan latlhpu'.

versetul 9

jachtaHvIS nungwI'pu' tlha'wI'pu' je jatlh: DaH ghotoD. ghoSwI' naDlu', Qun'a' pong lo'lu'taHvIS.

versetul 10

tugh qaSbogh DavID vavma' wo' naDlu'jaj. Daq jenqu'Daq SoH Datu'lu'bogh, DaH ghotoD.

versetul 11

yeruSalemDaq chIrgh'a' 'el ghaH. Hoch bejpu'DI' ghaH, DaH qaSmo' choS, betlhanI'yaDaq mej ghaH, tlhejtaHvIS wa'maHcha'.

versetul 12

wa'leS betlhanI'yavo' mejDI' chaH, ghung ghaH.

versetul 13

chuq'a'vo' por ghajbogh Fig Sor'e' leghDI', 'oHDaq vay' tu'meH chol ghaH. cholDI', 'oHDaq por neH tu'; qaSbe'mo' Fig naH bov.

versetul 14

jangtaHvIS 'oHvaD jatlh: qaStaHvIS Hoch bov, not SoHvo' naH Sopjaj vay'. 'IjtaH ghojwI'pu'Daj.

versetul 15

yeruSalemDaq lughoS. chIrgh'a' 'elDI ghaH, chIrgh'a'Daq ngevwI'pu' je'wI'pu' tu'lu'bogh DoHchoHmoH. Huch tamwI' yaHmey, pigeon chalHa'DIbaH ngevwI'pu' quSmey je Qaw' ghaH.

versetul 16

chIrgh'a'vo' bal HIj je vay' 'e' chaw'Qo' ghaH.

versetul 17

ghojmoH 'ej chaHvaD jatlh ghaH: juHwIjvaD "Qun'a' tlhobmeH juH" lupong Hoch nov, net ghItlh qar'a'? 'a nIHwI'pu' DISHey moj 'e' boqaSmoH.

versetul 18

Qoy lalDanla'pu' HaDwI'pu' je. ghaH luQaw'meH mIw luQul; luHaj, paQDI'norghDajmo' yay'mo' ghotghom naQ.

versetul 19

qaSDI' choS, veng Hurvo' tlheD chaH.

versetul 20

juStaHvIS chaH, qaStaHvIS po, bIngvo' QaD Fig Sor 'e' lulegh.

versetul 21

qawtaHvIS pe'tlhoS, ghaHvaD jatlh: Su', ghojmoHwI'. QaD Fig Sor DanaDHa'bogh.

versetul 22

jangtaHvIS yeSuS, chaHvaD jatlh: Qun'a' bovoqchugh,

versetul 23

vaj teH; Sajatlh: HuDvamvaD jatlhchugh vay': DuHu'moHlu'jaj 'ej ngengDaq DuwoDlu'jaj, 'ej tIqDajDaq Honbe'chugh, 'a qaS Hoch ja'bogh 'e' Harchugh, vaj ghaHvaD qaS.

versetul 24

ghu'vammo' tlhIHvaD jIjatlh: Hoch boqoy'bogh 'ej botlhobbogh boSuq 'e' yIHar. vaj tlhIHvaD qaS.

versetul 25

Qun'a'vaD SutlhobmeH SuQamDI', vaj tlhIHvaD HeSmeyraj noDQo'meH chalDaq vavra''e' tu'lu'bogh, vay' bonoDmeH meq boghajchugh, ghaH yInoDQo' je.

versetul 26

[['ej SunoDHa'Qo'chugh, vaj tlhIHvaD HeSmeyraj noDHa'Qo' je chalDaq vavra''e' tu'lubogh.]]

versetul 27

yeruSalemDaq lughoSqa'. chIrgh'a'Daq yIttaHvIS ghaH, luchol lalDanla'pu' HaDwI'pu' je quppu' je.

versetul 28

ghaHvaD jatlh chaH: ta'meyvam Data'meH nuq 'oH woQlIj'e'? qoj ta'meyvam Data'meH, SoHvaD woQvam nobpu' 'Iv?

versetul 29

chaHvaD jatlh yeSuS: SaghelmeH wa' mu'tlhegh vIjatlh. HIjang. vaj ta'meyvam vIta'meH woQwIj'e' tlhIHvaD vIngu'.

versetul 30

chalvo' mung ghaj'a' Say'moHmeH yo'a'neS tay'e'? yoqpu'vo' mung ghaj'a'? HIjang.

versetul 31

chaHvaD ja'chuqtaHvIS jatlh chaH: "chalvo'" majatlhchugh, vaj maHvaD jatlh: [vaj] qatlh ghaH boHarpu'Qo'?

versetul 32

'ach "yoqpu'vo'" majatlhchugh? ghom'a' luHaj; nemSovwI' ghaH yo'a'neS'e' 'e' luHarbejmo' Hoch.

versetul 33

yeSuSvaD jangtaHvIS, jatlh chaH: 'e' wISovbe'. chaHvaD jatlh yeSuS: vaj ta'meyvam vIta'meH woQwIj'e', tlhIHvaD vIngu'Qo' je.

Capitole:

1 2 3 4 5 6 7 8 9 10 11 12 13 14 15 16