De’ QaQ’e’ ghItlhbogh marqoS

Capitole:

1 2 3 4 5 6 …   ⇤ ← 3 → ⇥

versetul 1

chIrgh 'elqa'. pa' ghop QaD ghajbogh ghot'e' tu'lu'.

versetul 2

qaStaHvIS Sabatlh chaq vor yeSuS; lupummeH 'e' lutu'.

versetul 3

ghop QaD ghajbogh ghotvaD jatlh: botlhDaq yIQam.

versetul 4

chaHvaD jatlh: ta' QaQ ta'lu', qaStaHvIS Sabatlh net chaw''a'? pagh, ta' qab ta'lu'? qa' toDlu' net chaw''a'? pagh, HoHlu'? tam chaH.

versetul 5

chaH bejtaHvIS 'ej QeHtaHvIS, qej tIqchaj 'e' vupmo', ghotvaD jatlh: ghoplIj yISIchmoH. SIchmoH ghaH 'ej SabHa' ghopDaj.

versetul 6

SIbI' mejpu'DI' parISay'oSpu', HeroyDeS juppu' je, luQaw'meH qep lutagh.

versetul 7

ngengDaq tlhej yeSuS ghojwI'Daj je. ghalIlay'avo' tlha' ghom'a' tIn. yuDay'avo' tlha' je.

versetul 8

yeruSalemvo', 'IDumay'avo' je, yorDa'neS retlhvo' je, tu'roS SIDon je retlhvo' je, ghaH chol ghom'a' tIn, ta'mey'e' vangbogh ghaH luQoymo'.

versetul 9

ghaH yuvbe'meH ghom'a', ghaH loS DujHom, ghojwI'pu'DajvaD 'e' ra'.

versetul 10

ghot law' vormo', vaj, luHotmeH luHIv rop Hoch SIQwI'.

versetul 11

luleghDI' qa'pu' Say'Ha', ghaH tlhop Daq pum chaH, 'ej jachtaHvIS jatlh: Qun'a' puq SoH.

versetul 12

lumaghbe'meH pe'vIl lura'.

versetul 13

HuD Sal ghaH. cholmeH ghotpu''e' neHbogh ghaH ra'. luchol.

versetul 14

lutlhejmeH wa'maHcha' Sugh. [chaHvaD Duy' pong.] SoQ luja'meH chaH ngeHmeH je ghaH,

versetul 15

'ej qa'pu' mIgh ghImmeH woQ lughajmeH je, chaH Sugh.

versetul 16

[wa'maHcha' Sugh.] SI'monvaD pe'tlhoS pong nob. pe'tlhoS je.>

versetul 17

ya'qoboS tlhebeDay'oS puqloD, yo'a'neS ya'qoboS loDnI' je Sugh. chaHvaD bowanergheS pong nob. mughlu'DI', nIb "'eng wab ghot", bowanergheS je.

versetul 18

'antlhe'aS pI'lIpoS je bartlholomay'oS je mattlhay'oS je tlhomaS je, ya'qoboS 'alpay'oS puqloD je tlhaDDay'oS je SI'mon qanangan je,

versetul 19

leS ghaH maghbogh yu'DaS qerIyotlhngan'e' je Sugh.

versetul 20

juH ghoS. ghomqa' ghom'a'. vaj, chab luSoplaHbe' je.

versetul 21

'e' lughojDI' qorDu'ghotDaj, lujonmeH ghoS chaH; jatlhmo' chaH: maw'law'.

versetul 22

jatlh yeruSalemvo' ghoSbogh HaDwI'pu': ghaH SeH be'eltlhebul. 'ej qa' mIgh DevwI' lo'mo', qa'pu' mIgh ghIm.

versetul 23

lucholmeH ra'pu'DI', lutmey lo'taHvIS, chaHvaD jatlh: chay' veqlargh ghImlaH veqlargh?

versetul 24

Suv'eghmeH wav'eghchugh wo', vaj taHlaHbe' wo'vetlh.

versetul 25

Suv'eghmeH wav'eghchugh tuq, vaj taHlaHbe' tuqvetlh.

versetul 26

Suv'eghmeH lotlhchugh veqlargh 'ej wav'eghchugh, vaj taHlaHbe', 'ej tugh HoS net mev.

versetul 27

'ach chaq HoSwI' juH 'elpu'DI', 'aHmeyDaj HejlaH pagh, HoSwI' baghbe'chugh, juHDaj Hejpa'.

versetul 28

teH; Sajatlh: yem 'ej tlhIv ghotpu', nem Hoch net noDHa'. ram tlhIvbogh mu' mI'.

versetul 29

'ach qa' quvvaD tlhIvbogh mu''e' jatlhchugh vay'. reH noDHa'lu'be'. jubbogh HeSmo' DIv ghaH.

versetul 30

"SeH qa' Say'Ha'" jatlhmo' chaH, SoQvam jatlh ghaH.

versetul 31

chol SoSDaj loDnI'pu'Daj je. HurDaq QamtaHvIS chaH, cholmeH ghaH lura'meH ghotpu' ngeH chaH.

versetul 32

ba' ghaH Dechbogh ghom'a''e'. jatlh chaH: Su', HurDaq nInej SoSlI' loDnI'pu'lI' je [be'nI'pu'lI' je].

versetul 33

jangtaHvIS, chaHvaD jatlh: SoSwI' loDnI'pu'wI' je 'Iv?

versetul 34

ghoDaq luDeghbogh ba'wI' bejtaHvIS, jatlh: yIlegh. naDev SoSwI' loDnI'pu'wI' je tu'lu'.

versetul 35

Qu''e' neHbogh Qun'a' ta'chugh vay', vaj loDnI'wI' be'nI'wI' je SoSwI' je ghaH.

Capitole:

1 2 3 4 5 6 7 8 9 10 11 12 13 14 15 16