De’ QaQ’e’ ghItlhbogh marqoS

Capitole:

1 2 3 4 5 6 …   ⇤ ← 2 → ⇥

versetul 1

qaparna'um 'elqa'pu'DI', qaSpu'DI' leSmey, juHDaq ghaH tu'lu' net Qoy.

versetul 2

ghommo' ghot law', chaHvaD lojmIt retlhDaq yapbe' je Daq. chaHvaD SoQ maq.

versetul 3

ghaH lughoS vay', ghaHvaD roSHa'wI''e' luqengbogh loS luqemtaHvIS.

versetul 4

ghom'a'mo' ghaH luchollaHbe'mo', DaqDaj beb luteq. 'ej lulelpu'DI', roSHa'wI' QongDaq lupepHa'.

versetul 5

voqqu' 'e' leghDI' yeSuS, roSHa'wI'vaD jatlh: puq, bIyem net noDHa'.

versetul 6

pa' ba'bogh 'op HaDwI'pu' tu'lu'. tIqchajDaq QubtaHvIS ja''egh:

versetul 7

qatlh mu'vam jatlh ghotvam? lalDanvaD tlhIv. yemlu' 'e' noDHa'laH 'Iv, wa' Qun'a' ghaHbe'chugh?

versetul 8

qechvam QubtaHvIS ja''egh, qa'DajDaq SIbI' 'e' tlhojDI' yeSuS, chaHvaD jatlh: qatlh tIqrajDaq qechvam boQub?

versetul 9

nuq ngeD law' nuq ngeD puS? chaq roSHa'wI'vaD jIjatlh: bIyem net noDHa'; chaq jIjatlh: yIHu' 'ej QongDaqlIj yIqem 'ej yIyIt.

versetul 10

yemlu', qo'Daq 'e' noDHa'meH woQ ghaj nuv'a', 'e' boleghmeH jIvang. vaj roSHa'wI'vaD jatlh:

versetul 11

qajatlh. yIHu' 'ej QongDaqlIj yIqem 'ej juHlIjDaq yIjaH.

versetul 12

'ej Hu' 'ej SIbI' QongDaq qemtaHvIS mej, lubejtaHvIS Hoch. vaj, yay' Hoch 'ej Qun'a' lunaDtaHvIS jatlh: ghu'vam rurbogh ghu'e' not wIlegh.

versetul 13

ngeng retlhDaq mejqa' yeSuS. ghaHDaq ghoS ghom'a' naQ. chaH ghojmoHtaH.

versetul 14

juStaHvIS ghaH, rupwI' yaHDaq ba' lewI alpay'oS puqloD 'e' legh. ghaHvaD jatlh: HItlha'. Hu'DI' tlha'.

versetul 15

qaS: juHDajDaq, SopmeH Qot. SopmeH QotmeH, yemwI', rupwI' law' je tlhej yeSuS ghojwI'pu'Daj je; law'mo' chaH, 'ej lutlha'taH.

versetul 16

SopmeH ghaH, rupwI' yemwI' je tlhej, 'e' luleghDI' parISay'oS HaDwI'pu', ghojwI'pu'DajvaD jatlh chaH: qatlh, SopmeH, rupwI' yemwI' je tlhej?

versetul 17

QoyDI' yeSuS, chaHvaD jatlh: pIvwI'vaD 'utbe' Qel. 'ach ropwI'vaD 'ut. mutlha'meH quvwI'pu' vIra'meH jIghoSta'be'. 'ach yemwI'pu' vIra'meH jIghoSta'.

versetul 18

taymo' SopQo' yo'a'neS ghojwI'pu', parISay'oSpu' ghojwI'pu' je. lughoS 'ej ghaHvaD jatlh chaH: qatlh SopQo' yo'a'neS ghojwI'pu', parISay'oSpu' je, 'ach SopQo'be' ghojwI'pu'lI'?

versetul 19

chaHvaD jatlh yeSuS: SoplaHQo''a' tlhogh tay mebpu', chaHvaD tay'taHvIS SawwI'? tay'taHvIS SawwI', not SoplaHQo' chaH.

versetul 20

'ach leS chaHvo' SawwI' nge'lu'. qaSDI' jajvetlh, ngugh SopchoHQo'.

versetul 21

wep ngo'Daq, SachHa'bogh SutHap 'ay' lan pagh. lanchugh, vaj tugh ngo'wI'vo' chev'egh tI'bogh 'ay' chu', 'ej 'arghbogh Qargh moj.

versetul 22

ngaSbogh DIr ngo'Daq HIq chu' lan pagh. lanchugh, vaj tugh ngaSbogh DIr ghormoH HIq, 'ej loj HIq, DIr je. 'ach ngaSbogh DIr chu'Daq HIq chu' lannISlu'.

versetul 23

qaS: qaStaHvIS Sabatlh, yotlh pochlu'bogh juS. He lughoSchoH ghojwI'pu'Daj, tIr woHtaHvIS.

versetul 24

ghaHvaD jatlh parISay'oSpu': SuH, qaStaHvIS Sabatlh, qatlh ta' tuchlu'bogh luvang?

versetul 25

chaHvaD jatlh: ta''e' vangbogh DavID, ghaHvaD 'utDI' ghu', 'ej ghungDI' ghaH tlhejwI'pu'Daj je, not bolaD'a'?

versetul 26

Qun'a' juH 'el, lalDanla'quv ghaHtaHvIS 'abI'a'tlhar'e', 'ej much chab Sop. chabvam Sop vay' net tuch, lalDan yaS ghaHbe'chugh. tlhejwI'pu'DajvaD nob je, not 'e' bolaD'a'?

versetul 27

chaHvaD jatlh je: ghotvaD chen Sabatlh. 'ej SabatlhvaD chenbe' ghot.

versetul 28

vaj Sabatlh che' je nuv'a'.

Capitole:

1 2 3 4 5 6 7 8 9 10 11 12 13 14 15 16