De’ QaQ’e’ ghItlhbogh marqoS
11. fejezet
1. vers
betlhpaghe'Daq betlhanI'yaDaq je, Olive naH HuD retlhDaq, yeruSalemDaq SumDI' chaH, cha' ghojwI'pu'Daj ngeH ghaH.
2. vers
chaHvaD jatlh: latlh Dopraj vengHomDaq yIghoS. bo'elDI', SIbI' Donkey Ha'DIbaH puq baghlu'bogh boSam. not 'oHDaq ba'pu' yoq. yIbaghHa' 'ej yIqem.
3. vers
tlhIvaD jatlhchugh vay', qatlh Suta'? vaj pejatlh: joHDajvaD 'ut 'oH. 'ej SIbI' naDev 'oH ngeHqa'.
4. vers
tlheD chaH. lojmIt HurDaq, HeDaq Donkey puq baghlu'bogh luSam. lubaghHa'.
5. vers
chaHvaD jatlh pa' Qambogh 'op ghot: nuq bota', Donkey bobaghHa'taHvIS?
6. vers
ghotpu'vaD mu''e' ra'bogh yeSuS luja'. chaH chaw' ghotpu'.
7. vers
yeSuSDaq Donkey puq luqem. 'oHDaq Sutchaj lulan. 'oHDaq ba' ghaH.
8. vers
HeDaq Sutchaj lan ghot law'. yotlhmeyvo' tImey pe'pu'bogh lan latlhpu'.
9. vers
jachtaHvIS nungwI'pu' tlha'wI'pu' je jatlh: DaH ghotoD. ghoSwI' naDlu', Qun'a' pong lo'lu'taHvIS.
10. vers
tugh qaSbogh DavID vavma' wo' naDlu'jaj. Daq jenqu'Daq SoH Datu'lu'bogh, DaH ghotoD.
11. vers
yeruSalemDaq chIrgh'a' 'el ghaH. Hoch bejpu'DI' ghaH, DaH qaSmo' choS, betlhanI'yaDaq mej ghaH, tlhejtaHvIS wa'maHcha'.
12. vers
wa'leS betlhanI'yavo' mejDI' chaH, ghung ghaH.
13. vers
chuq'a'vo' por ghajbogh Fig Sor'e' leghDI', 'oHDaq vay' tu'meH chol ghaH. cholDI', 'oHDaq por neH tu'; qaSbe'mo' Fig naH bov.
14. vers
jangtaHvIS 'oHvaD jatlh: qaStaHvIS Hoch bov, not SoHvo' naH Sopjaj vay'. 'IjtaH ghojwI'pu'Daj.
15. vers
yeruSalemDaq lughoS. chIrgh'a' 'elDI ghaH, chIrgh'a'Daq ngevwI'pu' je'wI'pu' tu'lu'bogh DoHchoHmoH. Huch tamwI' yaHmey, pigeon chalHa'DIbaH ngevwI'pu' quSmey je Qaw' ghaH.
16. vers
chIrgh'a'vo' bal HIj je vay' 'e' chaw'Qo' ghaH.
17. vers
ghojmoH 'ej chaHvaD jatlh ghaH: juHwIjvaD "Qun'a' tlhobmeH juH" lupong Hoch nov, net ghItlh qar'a'? 'a nIHwI'pu' DISHey moj 'e' boqaSmoH.
18. vers
Qoy lalDanla'pu' HaDwI'pu' je. ghaH luQaw'meH mIw luQul; luHaj, paQDI'norghDajmo' yay'mo' ghotghom naQ.
19. vers
qaSDI' choS, veng Hurvo' tlheD chaH.
20. vers
juStaHvIS chaH, qaStaHvIS po, bIngvo' QaD Fig Sor 'e' lulegh.
21. vers
qawtaHvIS pe'tlhoS, ghaHvaD jatlh: Su', ghojmoHwI'. QaD Fig Sor DanaDHa'bogh.
22. vers
jangtaHvIS yeSuS, chaHvaD jatlh: Qun'a' bovoqchugh,
23. vers
vaj teH; Sajatlh: HuDvamvaD jatlhchugh vay': DuHu'moHlu'jaj 'ej ngengDaq DuwoDlu'jaj, 'ej tIqDajDaq Honbe'chugh, 'a qaS Hoch ja'bogh 'e' Harchugh, vaj ghaHvaD qaS.
24. vers
ghu'vammo' tlhIHvaD jIjatlh: Hoch boqoy'bogh 'ej botlhobbogh boSuq 'e' yIHar. vaj tlhIHvaD qaS.
25. vers
Qun'a'vaD SutlhobmeH SuQamDI', vaj tlhIHvaD HeSmeyraj noDQo'meH chalDaq vavra''e' tu'lu'bogh, vay' bonoDmeH meq boghajchugh, ghaH yInoDQo' je.
26. vers
[['ej SunoDHa'Qo'chugh, vaj tlhIHvaD HeSmeyraj noDHa'Qo' je chalDaq vavra''e' tu'lubogh.]]
27. vers
yeruSalemDaq lughoSqa'. chIrgh'a'Daq yIttaHvIS ghaH, luchol lalDanla'pu' HaDwI'pu' je quppu' je.
28. vers
ghaHvaD jatlh chaH: ta'meyvam Data'meH nuq 'oH woQlIj'e'? qoj ta'meyvam Data'meH, SoHvaD woQvam nobpu' 'Iv?
29. vers
chaHvaD jatlh yeSuS: SaghelmeH wa' mu'tlhegh vIjatlh. HIjang. vaj ta'meyvam vIta'meH woQwIj'e' tlhIHvaD vIngu'.
30. vers
chalvo' mung ghaj'a' Say'moHmeH yo'a'neS tay'e'? yoqpu'vo' mung ghaj'a'? HIjang.
31. vers
chaHvaD ja'chuqtaHvIS jatlh chaH: "chalvo'" majatlhchugh, vaj maHvaD jatlh: [vaj] qatlh ghaH boHarpu'Qo'?
32. vers
'ach "yoqpu'vo'" majatlhchugh? ghom'a' luHaj; nemSovwI' ghaH yo'a'neS'e' 'e' luHarbejmo' Hoch.
33. vers
yeSuSvaD jangtaHvIS, jatlh chaH: 'e' wISovbe'. chaHvaD jatlh yeSuS: vaj ta'meyvam vIta'meH woQwIj'e', tlhIHvaD vIngu'Qo' je.
Könyvek
