De’ QaQ’e’ ghItlhbogh marqoS
9. fejezet
1. vers
chaHvaD jatlh: teH; Sajatlh: naDev QamwI'pu'Daq vay' tu'lu'; chaH Hotbe' Hegh, HoStaHvIS chol Qun'a' wo' 'e' luleghpa'.
2. vers
javleS pe'tlhoS ya'qoboS yo'a'neS je tlha'moH yeSuS. nIteb HuD jenDaq chaH Dev. bejtaHvIS chaH, choH ghaH.
3. vers
chISqu'choH 'ej bochchoH SutDaj. bIH rurmoHmeH chISmoHlaHbe' qo'Daq Hoch chISmoHwI' tu'lu'bogh.
4. vers
'elI'ya'e' moySeS'e' je legh chaH. ja'chuq ghotpu'vam yeSuS je.
5. vers
jangmeH pe'tlhoS, yeSuSvaD jatlh: ghojmoHwI', naDev maHtaHmo', QaQ. wej juHHom DIchenmoH: SoHvaD wa', 'ej moySeSvaD wa', 'ej 'elI'yavaD wa' DIchenmoH.
6. vers
mu'vam jatlh, mu' jatlhnISbogh Sovbe'mo'; Hajqu'mo' chaH.
7. vers
chen chaHvaD QIb 'angbogh 'eng'e'. chen je 'engvo' ghoSbogh QIch: loDnI'wI' vIparHa'bogh ghaH ghotvam'e'. ghaHvaD pe'IjtaH.
8. vers
retlhmey bejtaHvIS chaH, pay' pagh luleghchoHlaH. chaH retlhDaq mobbogh yeSuS neH lulegh.
9. vers
HuDvo' ghIrtaHvIS chaH, paghvaD ghu' luleghbogh luja'meH ra'taH, lommeyvo' yInqa'pa' nuv'a'.
10. vers
chaHvaD ghu' lupegh, nuq 'oH "lommey'vo' yInqa'" mu'tlhegh'e' ja'chuqtaHvIS chaH.
11. vers
lugheltaHvIS jatlh chaH: qaSpa' Hoch latlh cholnIS 'elI'ya, qatlh jatlh HaDwI'pu'?
12. vers
chaHvaD jatlh: teH; cholta'DI' 'elI'ya, qaSpa' Hoch latlh, Hoch SabHa'moH. 'ach "nem bechqu' nuv'a', 'ej ghaH vuvHa'lu'", qatlh net ghItlh?
13. vers
'a Sajatlh: DaH cholta' 'elI'ya. ghaHvaD Hoch luneHbogh luta'. ghaH qellu'taHvIS, ghu'vam Dellu'pu', 'ej ghaH Delbogh ghItlh pablI' ghu'.
14. vers
ghojwI'pu' choltaHvIS chaH, ghojwI'pu' Dech ghom'a' tIn 'ej ngach ghojwI'pu' HaDwI'pu' je, 'e' lulegh.
15. vers
ghaH leghDI' ghom'a', SIbI' yay'. lucholmeH qetDI' chaH, luvan.
16. vers
chaH ghelmeH jatlh ghaH: qatlh Suja'chuq tlhIH ghotpu'vetlh je?
17. vers
jang ghom'a' wa' ghot: ghojmoHwI', SoHvaD puqloDwI' vIqemta'. ghaH SeHmo' jatlhQo'bogh qa'.
18. vers
voghDaq ghaH DanDI' qa', ghaH pummoH. ghIH nujbIQDaj 'ej Ho'Du'Daj paw'moH 'ej Qey porghDaj. qa' lughImmeH ghojwI'pu'lI'vaD jIjatlh, 'ach lughImlaHbe'.
19. vers
jangtaHvIS ghaH, chaHvaD jatlh: HarQo'bogh tuq! qaStaHvIS 'ar matay'? qaSpa' nuq Sachergh? jIHDaq ghaH yIqem.
20. vers
yeSuSDaq ghaH luqem. ghaH leghDI' qa', loDHom QommoH. yavDaq pumDI', tlhe''egtaH ghaH, ghIHtaHvIS nujbIQDaj.
21. vers
vavDaj ghelmeH jatlh: qaSDI' poH 'ar ghaHvaD qaSchoH ghu'vam? jatlh: puq ghaHDI'.
22. vers
rut ghaH Qaw'meH qulDaq ghaH woD qa' 'ej bIQDaq woD. 'a vay' Data'laHchugh, vaj ghoQaH, juvupmo'.
23. vers
ghaHvaD jatlh yeSuS: vay' Data'laHchugh, bIjatlh; HarwI'vaD DuH Hoch.
24. vers
SIbI' jachtaHvIS puq vav, jatlh: jIHar. jIHarQo'mo', HIQaH.
25. vers
ghommeH qet ghom'a' 'e' leghDI' yeSuS, qa' Say'Ha''e' quntaHvIS, ghaHvaD jatlh: jatlhQo'bogh 'ej QoyQo'bogh qa'! qara' jIH: ghaHvo' yImej. 'ej not ghaH yI'elqa'.
26. vers
jachpu'DI', 'ej Qomqu'pu'DI', mej. lom rurchoH. Heghpu' vaj 'e' luja' ghot law'.
27. vers
ghopDu'Daj woHtaHvIS yeSuS, ghaH Hu'moH. Qam.
28. vers
juH 'elpu'DI' ghaH, nIteb lughelmeH jatlh ghojwI'Daj: qatlh ghaH wIghImlaHbe'?
29. vers
chaHvaD jatlh: not Haw'laH mutvam, Qun'a' qoy'lu'be'chugh.
30. vers
pa'vo' mejtaHvIS chaH, ghalIlay'a lujuStaH. net Sov neHbe';
31. vers
ghojwI'pu'DajvaD ghojmoHtaHvIS jatlhmo' ghaH: leS ghot ghopDu'Daq nuv'a' jeghlu'. ghaH lumuH. lumuHpu'DI', wejleS yInqa' ghaH.
32. vers
mu'vam luyajbe' chaH, 'ej lughelvIp.
33. vers
qaparna'umDaq lughoS. juH 'elpu'DI', chaH ghelmeH jatlh ghaH: HeDaq nuq bongach?
34. vers
tam chaH; chaHvo' nIvwI' wuqmeH HeDaq ngachmo'.
35. vers
ba'pu'DI' ghaH, lucholmeH wa'maHcha' ra'. chaHvaD jatlh: potlh ghaH neHchugh vay', vaj HochvaD ramwI' moj, 'ej HochvaD toy'wI' moj.
36. vers
puq tlhappu'DI', botlhchajDaq ghaH QammoH. ghaH luDechDI' DeSDu'Daj, chaHvaD jatlh yeSuS:
37. vers
pongwIj vuvtaHvIS, puqvam rurbogh wa' puq'e' Hevchugh vay', vaj muHev. muHevchugh vay', vaj jIH'e' muHevbe', 'a ngeHwI'wI''e' Hev.
38. vers
ghaHvaD jatlh yo'a'neS: ghojmoHwI', ponglIj lo'taHvIS, qa'pu' mIgh ghImta' vay', 'e' wIlegh. wItuch 'e' wInID, nutlha'be'mo'.
39. vers
jatlh yeSuS: ghaH yItuchQo'. pongwIj lo'taHvIS HoS ta' 'ej tugh mupum pagh tu'lu'bogh.
40. vers
jaghma' ghaHbe'chugh vay''e', vaj boQma' ghaH.
41. vers
tlhIHvaD SutlhutlhmeH bIQ HIvje' nobchugh vay', 'IHrIStoS pong ghot tlhIHmo', vaj teH; Sajatlh: popDaj Hutlhbe' ghaH.
42. vers
[jIHvaD] Harbogh puqpu'vamvo' wa' puq yemmoHchugh vay', vaj qaq, ghaHvaD mongDaq Dechchugh Donkey Ha'DIbaH nagh'a', 'ej ngengDaq ghaH woDlu'chugh.
43. vers
DuyemmoHchugh ghoplIj, vaj 'oH yIpe' yIchev. yIn Da'elchugh, bIDuy'taHvIS, vaj qaq; cha' ghopDu' DaghajtaHvIS, ghe''or Da'elchugh, not meQHa'bogh qul Da'elchugh, vaj qaqbe'.
44. vers
[[pa' ghotvaD mevbe' ghargh, 'ej meQHa'be' qul.]]
45. vers
DuyemmoHchugh qamlIj, vaj 'oH yIpe' yIchev. yIn Da'elchugh, bIrIghtaHvIS, vaj qaq; cha' qamDu' DaghajtaHvIS, ghe''orDaq DawoDlu'chugh, vaj qaqbe'.
46. vers
[[pa' ghotvaD mevbe' ghargh, 'ej meQHa'be' qul.]]
47. vers
DuyemmoHchugh mInlIj, vaj 'oH yIteq yIchev. Qun'a' wo' Da'elchugh, wa' mIn DaghajtaHvIS, vaj qaq; cha' mInDu' DaghajtaHvIS, ghe''orDaq DawoDlu'chugh, vaj qaqbe'.
48. vers
pa' ghotvaD mevbe' ghargh, 'ej meQHa'be' qul.
50. vers
QaQ na'moHbogh qut. 'a na'Ha'chugh qut, vaj 'oH boSabHa'qa'moHmeH nuq bolo'? tlhIHDaq na'moHbogh qut yIleH, 'ej perojchuqtaH.
Könyvek
