De’ QaQ’e’ ghItlhbogh marqoS

chapter 9


Chapters:


verse #1

chaHvaD jatlh: teH; Sajatlh: naDev QamwI'pu'Daq vay' tu'lu'; chaH Hotbe' Hegh, HoStaHvIS chol Qun'a' wo' 'e' luleghpa'.


verse #2

javleS pe'tlhoS ya'qoboS yo'a'neS je tlha'moH yeSuS. nIteb HuD jenDaq chaH Dev. bejtaHvIS chaH, choH ghaH.


verse #3

chISqu'choH 'ej bochchoH SutDaj. bIH rurmoHmeH chISmoHlaHbe' qo'Daq Hoch chISmoHwI' tu'lu'bogh.


verse #4

'elI'ya'e' moySeS'e' je legh chaH. ja'chuq ghotpu'vam yeSuS je.


verse #5

jangmeH pe'tlhoS, yeSuSvaD jatlh: ghojmoHwI', naDev maHtaHmo', QaQ. wej juHHom DIchenmoH: SoHvaD wa', 'ej moySeSvaD wa', 'ej 'elI'yavaD wa' DIchenmoH.


verse #6

mu'vam jatlh, mu' jatlhnISbogh Sovbe'mo'; Hajqu'mo' chaH.


verse #7

chen chaHvaD QIb 'angbogh 'eng'e'. chen je 'engvo' ghoSbogh QIch: loDnI'wI' vIparHa'bogh ghaH ghotvam'e'. ghaHvaD pe'IjtaH.


verse #8

retlhmey bejtaHvIS chaH, pay' pagh luleghchoHlaH. chaH retlhDaq mobbogh yeSuS neH lulegh.


verse #9

HuDvo' ghIrtaHvIS chaH, paghvaD ghu' luleghbogh luja'meH ra'taH, lommeyvo' yInqa'pa' nuv'a'.


verse #10

chaHvaD ghu' lupegh, nuq 'oH "lommey'vo' yInqa'" mu'tlhegh'e' ja'chuqtaHvIS chaH.


verse #11

lugheltaHvIS jatlh chaH: qaSpa' Hoch latlh cholnIS 'elI'ya, qatlh jatlh HaDwI'pu'?


verse #12

chaHvaD jatlh: teH; cholta'DI' 'elI'ya, qaSpa' Hoch latlh, Hoch SabHa'moH. 'ach "nem bechqu' nuv'a', 'ej ghaH vuvHa'lu'", qatlh net ghItlh?


verse #13

'a Sajatlh: DaH cholta' 'elI'ya. ghaHvaD Hoch luneHbogh luta'. ghaH qellu'taHvIS, ghu'vam Dellu'pu', 'ej ghaH Delbogh ghItlh pablI' ghu'.


verse #14

ghojwI'pu' choltaHvIS chaH, ghojwI'pu' Dech ghom'a' tIn 'ej ngach ghojwI'pu' HaDwI'pu' je, 'e' lulegh.


verse #15

ghaH leghDI' ghom'a', SIbI' yay'. lucholmeH qetDI' chaH, luvan.


verse #16

chaH ghelmeH jatlh ghaH: qatlh Suja'chuq tlhIH ghotpu'vetlh je?


verse #17

jang ghom'a' wa' ghot: ghojmoHwI', SoHvaD puqloDwI' vIqemta'. ghaH SeHmo' jatlhQo'bogh qa'.


verse #18

voghDaq ghaH DanDI' qa', ghaH pummoH. ghIH nujbIQDaj 'ej Ho'Du'Daj paw'moH 'ej Qey porghDaj. qa' lughImmeH ghojwI'pu'lI'vaD jIjatlh, 'ach lughImlaHbe'.


verse #19

jangtaHvIS ghaH, chaHvaD jatlh: HarQo'bogh tuq! qaStaHvIS 'ar matay'? qaSpa' nuq Sachergh? jIHDaq ghaH yIqem.


verse #20

yeSuSDaq ghaH luqem. ghaH leghDI' qa', loDHom QommoH. yavDaq pumDI', tlhe''egtaH ghaH, ghIHtaHvIS nujbIQDaj.


verse #21

vavDaj ghelmeH jatlh: qaSDI' poH 'ar ghaHvaD qaSchoH ghu'vam? jatlh: puq ghaHDI'.


verse #22

rut ghaH Qaw'meH qulDaq ghaH woD qa' 'ej bIQDaq woD. 'a vay' Data'laHchugh, vaj ghoQaH, juvupmo'.


verse #23

ghaHvaD jatlh yeSuS: vay' Data'laHchugh, bIjatlh; HarwI'vaD DuH Hoch.


verse #24

SIbI' jachtaHvIS puq vav, jatlh: jIHar. jIHarQo'mo', HIQaH.


verse #25

ghommeH qet ghom'a' 'e' leghDI' yeSuS, qa' Say'Ha''e' quntaHvIS, ghaHvaD jatlh: jatlhQo'bogh 'ej QoyQo'bogh qa'! qara' jIH: ghaHvo' yImej. 'ej not ghaH yI'elqa'.


verse #26

jachpu'DI', 'ej Qomqu'pu'DI', mej. lom rurchoH. Heghpu' vaj 'e' luja' ghot law'.


verse #27

ghopDu'Daj woHtaHvIS yeSuS, ghaH Hu'moH. Qam.


verse #28

juH 'elpu'DI' ghaH, nIteb lughelmeH jatlh ghojwI'Daj: qatlh ghaH wIghImlaHbe'?


verse #29

chaHvaD jatlh: not Haw'laH mutvam, Qun'a' qoy'lu'be'chugh.


verse #30

pa'vo' mejtaHvIS chaH, ghalIlay'a lujuStaH. net Sov neHbe';


verse #31

ghojwI'pu'DajvaD ghojmoHtaHvIS jatlhmo' ghaH: leS ghot ghopDu'Daq nuv'a' jeghlu'. ghaH lumuH. lumuHpu'DI', wejleS yInqa' ghaH.


verse #32

mu'vam luyajbe' chaH, 'ej lughelvIp.


verse #33

qaparna'umDaq lughoS. juH 'elpu'DI', chaH ghelmeH jatlh ghaH: HeDaq nuq bongach?


verse #34

tam chaH; chaHvo' nIvwI' wuqmeH HeDaq ngachmo'.


verse #35

ba'pu'DI' ghaH, lucholmeH wa'maHcha' ra'. chaHvaD jatlh: potlh ghaH neHchugh vay', vaj HochvaD ramwI' moj, 'ej HochvaD toy'wI' moj.


verse #36

puq tlhappu'DI', botlhchajDaq ghaH QammoH. ghaH luDechDI' DeSDu'Daj, chaHvaD jatlh yeSuS:


verse #37

pongwIj vuvtaHvIS, puqvam rurbogh wa' puq'e' Hevchugh vay', vaj muHev. muHevchugh vay', vaj jIH'e' muHevbe', 'a ngeHwI'wI''e' Hev.


verse #38

ghaHvaD jatlh yo'a'neS: ghojmoHwI', ponglIj lo'taHvIS, qa'pu' mIgh ghImta' vay', 'e' wIlegh. wItuch 'e' wInID, nutlha'be'mo'.


verse #39

jatlh yeSuS: ghaH yItuchQo'. pongwIj lo'taHvIS HoS ta' 'ej tugh mupum pagh tu'lu'bogh.


verse #40

jaghma' ghaHbe'chugh vay''e', vaj boQma' ghaH.


verse #41

tlhIHvaD SutlhutlhmeH bIQ HIvje' nobchugh vay', 'IHrIStoS pong ghot tlhIHmo', vaj teH; Sajatlh: popDaj Hutlhbe' ghaH.


verse #42

[jIHvaD] Harbogh puqpu'vamvo' wa' puq yemmoHchugh vay', vaj qaq, ghaHvaD mongDaq Dechchugh Donkey Ha'DIbaH nagh'a', 'ej ngengDaq ghaH woDlu'chugh.


verse #43

DuyemmoHchugh ghoplIj, vaj 'oH yIpe' yIchev. yIn Da'elchugh, bIDuy'taHvIS, vaj qaq; cha' ghopDu' DaghajtaHvIS, ghe''or Da'elchugh, not meQHa'bogh qul Da'elchugh, vaj qaqbe'.


verse #44

[[pa' ghotvaD mevbe' ghargh, 'ej meQHa'be' qul.]]


verse #45

DuyemmoHchugh qamlIj, vaj 'oH yIpe' yIchev. yIn Da'elchugh, bIrIghtaHvIS, vaj qaq; cha' qamDu' DaghajtaHvIS, ghe''orDaq DawoDlu'chugh, vaj qaqbe'.


verse #46

[[pa' ghotvaD mevbe' ghargh, 'ej meQHa'be' qul.]]


verse #47

DuyemmoHchugh mInlIj, vaj 'oH yIteq yIchev. Qun'a' wo' Da'elchugh, wa' mIn DaghajtaHvIS, vaj qaq; cha' mInDu' DaghajtaHvIS, ghe''orDaq DawoDlu'chugh, vaj qaqbe'.


verse #48

pa' ghotvaD mevbe' ghargh, 'ej meQHa'be' qul.


verse #49

Hoch na'moH qul.


verse #50

QaQ na'moHbogh qut. 'a na'Ha'chugh qut, vaj 'oH boSabHa'qa'moHmeH nuq bolo'? tlhIHDaq na'moHbogh qut yIleH, 'ej perojchuqtaH.

Chapters:


Books