De’ QaQ’e’ ghItlhbogh marqoS

Chapters:

… 8 9 10 11 12 …   ⇤ ← 10 → ⇥

verse #1

pa'vo' Hu'pu'DI', yuDay'a SepDaq, yorDa'neS latlh DopDaq [je] ghoS. ghaH tlha'qa' ghom'a'mey. mIw motlh pabtaHvIS, chaH ghojqa'moH.

verse #2

[cholDI' parISay'oSpu',] lughelmeH jatlh, luDajtaHvIS: be'nal SawHa' loDnal net chaw''a'?

verse #3

jangtaHvIS, chaHvaD jatlh: tlhIHvaD nuq ra'ta' moySeS?

verse #4

jatlh chaH: SawHa'meH nav ghItlhlu' 'ej SawHa'lu' 'e' chaw'ta' moySeS.

verse #5

chaHvaD jatlh yeSuS: tIqDu' let boghajmo', tlhIHvaD chutvam ghItlh.

verse #6

'ach chenDI' 'u', loD be' je chenmoH ghaH.

verse #7

vaj vavDaj SoS je lonnIS loD. ['ej be'nal muvnIS.]

verse #8

'ej wa' Ha'DIbaH lumoj cha'. vaj cha' chaHbe'choH, 'a wa' Ha'DIbaH chaHchoH.

verse #9

vaj Dol'e' muvmoHta'bogh Qun'a' wavbe'jaj yoq.

verse #10

juHDaq ghu'vam luqeltaHvIS, lughelqa' ghojwI'.

verse #11

chaHvaD jatlh: be'nalDaj SawHa'chugh vay', 'ej latlh Sawchugh, vaj be'vaD tlhogh quvHa'moH.

verse #12

'ej loDnal nayHa'pu'DI', latlh naychugh ghaH, vaj tlhogh quvHa'moH.

verse #13

HotmeH ghaH, ghaHvaD puqpu' much chaH. 'ach chaH qun ghojwI'pu'.

verse #14

leghDI' yeSuS, puQ. chaHvaD jatlh: muchol puqpu' 'e' yIchaw'. tIbotQo'; Qun'a' wo' Dabmo' mutchaj.

verse #15

teH; Sajatlh: Qun'a' wo' lajchugh vay', puq DataHQo'vIS, vaj 'oH 'elbe'bej.

verse #16

chaH DechtaHvIS DeSDu'Daj, chaH naDchu'taH ghaH, chaHDaq ghopDu'Daj lantaHvIS.

verse #17

HeDaq ghoSchoHtaHvIS ghaH, cholmeH qetpu'DI' wa', 'ej ghaHDaq torpu'DI', ghaH ghelmeH jatlh: ghojmoHwI' QaQ, yIn jub vIcho'meH, nuq vIta'nIS?

verse #18

ghaHvaD jatlh yeSuS: qatlh jIHvaD "QaQ" Dapong? QaQ wa' Qun'a', pagh latlh je.

verse #19

chutmey DaSov: yIchotQo'. tlhogh yIquvHa'moHQo'. yInIHQo'. bo'DIjDaq bI'IptaHvIS, yInepQo'. bInge'meH yItojQo'. vavlI' SoSlI' je yIquvmoH.

verse #20

yeSuSvaD jatlh ghaH: ghojmoHwI', Hochvam vIpabchoH, puq jIHtaHvIS, 'ej reH vIpab.

verse #21

ghaH bejtaHvIS yeSuS, ghaH parHa' 'ej ghaHvaD jatlh: SoHvaD 'ut wa'. yIghoS; Hoch Daghajbogh yIngev 'ej mIpbe'wI'pu'vaD yInob; vaj chalDaq mIp DaSuq. ghIq Ha', HItlha'.

verse #22

mu'mo' 'IQmo' ghaH, mej 'IttaHvIS; jo law' ghajmo'.

verse #23

retlh bejDI', ghojwI'pu'DajvaD jatlh yeSuS: Qatlhqu', Qun'a' wo' 'el 'e' lunIDchugh Huch ghajwI'pu'.

verse #24

mu'Dajmo' yay' ghojwI'pu'. jangtaHvIS chaHvaD jatlhqa' yeSuS: puqpu', Qatlh, Qun'a' wo' 'el 'e' nIDchugh vay'.

verse #25

chaq Qun'a' wo' 'el mIpwI'; chaq tlhegh tajHom lojmItHom vegh camel; ta'vam ngeD law' ta'vetlh ngeD puS.

verse #26

chaH merqu'taHvIS, ja''egh chaH: vaj toDlu' 'e' chav 'Iv?

verse #27

chaH bejchu'taHvIS yeSuS, jatlh: yoqpu'vaD qItbe'. 'ach Qun'a'vaD qIt; Qun'a'vaD qItmo' Hoch.

verse #28

ghaHvaD jatlhchoH pe'tlhoS: Su', Hoch wIlonta' 'ej pItlha'.

verse #29

jatlh yeSuS: teH; Sajatlh: jIHmo' De' QaQmo' je, juH loDnI'pu' je, be'nI'pu' je, SoS je, vav je, puqpu' je, Du'mey je lonchugh vay',

verse #30

vaj DaH, qaStaHvIS bovvam, wa'maHlogh juHmey loDnI'pu' je, be'nI'pu' je, SoSpu' je, puqpu' je, Du'mey je Suq; naDHa'ghachmey Suq je, 'ej qaSDI' bov veb, yIn juq Suq.

verse #31

leS Qav potlhwI' law', 'ej potlh QavwI'.

verse #32

HeDaq lutu'lu', yeruSalemDaq SaltaHvIS. chaH DevtaH yeSuS. yay' chaH, 'ej Haj tlha'wI'pu'. lucholmeH wa'maHcha' ra'DI' ghaH, leS ghaHvaD qaSbogh ghu' ja'choH ghaH:

verse #33

SuH yeruSalemDaq maSal. lalDanla'pu'vaD HaDwI'pu'vaD je nuv'a' jeghlu'. HeghmeH luqIch. novpu'vaD lujegh.

verse #34

luvaq. ghaHDaq tlhIS. luqIp. luHoH. wejleS yInqa' ghaH.

verse #35

lucholDI' ya'qoboS'e' yo'a'neS'e' je tlhebeDay'oS puqloDpu', ghaHvaD jatlh: ghojmoHwI', maHvaD Hoch Qu' pItlhobbogh Data' wIneH.

verse #36

chaHvaD jatlh: tlhIHvaD nuq vIta' boneH?

verse #37

ghaHvaD jatlh chaH: bIquvDI', nIHlIjDaq ba' maH wa' 'ej poSlIjDaq ba' latlh, maHvaD 'e' yIchaw'.

verse #38

chaHvaD jatlh yeSuS: Qu' botlhobbogh boSovbe'. HIvje' vItlhutlhbogh botlhutlhrup'a'? SoD vISIQbogh boSIQrup'a'?

verse #39

ghaHvaD jatlh: maSIQrup. chaHvaD jatlh yeSuS: tugh HIvje' vItlhutlhbogh botlhutlh. tugh SoD vISIQbogh boSIQ.

verse #40

nIHwIjDaq poSwIjDaq joq ba'lu', 'e' vIchaw'meH DIb vIHutlh jIH. 'ach vay'pu'vaD 'oH qeqlu'. ghotpu'vamvaD 'oH qaSmoHlu'.

verse #41

QoyDI' wa'maH, ya'qoboSmo' yo'a'neSmo' je puQchoH.

verse #42

cholmeH chaH ra'pu'DI' yeSuS, chaHvaD jatlh: novpu' che'chu'taH DevwI'qoqchaj. chaHvaD ghatlhchu'taH potlhchaj.

verse #43

tlhIHvaD ghu'vam rurbe' ghu'raj. tlhIHvaD potlh moj neHchugh vay', vaj tlhIHvaD toy'wI' moj.

verse #44

tlhIHvaD wa'DIch moj neHchugh vay', vaj HochvaD toy'wI''a' moj;

verse #45

ghaH toy'lu'meH cholta'be'bejmo' nuv'a'. 'a toy'meH ghaH cholta'. 'ej ghot law' voHDajbo'vaD qa'Daj nobmeH cholta'.

verse #46

yerIHo'Daq lughoS. yerIHo'vo' mejtaHvIS ghaH ghojwI'pu'Daj je ghom'a' tIn je, He retlhDaq ba' leghlaHbe'bogh bartImay'oS tImay'oS puqloD, Huch qoy'taHvIS.

verse #47

yeSuS natlharenoS ghaH 'e' QoyDI', jachchoH 'ej jatlhchoH: DavID puqloD, yeSuS, HIvup.

verse #48

tammeH luqun ghot law'. 'ach ghoghDaj HoSqu'moHtaHvIS, jachtaHvIS jatlh: DavID puqloD, HIvup.

verse #49

yevDI' yeSuS, jatlh: cholmeH ghaH pejach. cholmeH leghlaHbe'wI' jachtaHvIS chaH, jatlh chaH: yIyoH. yIHu'. DacholmeH jach ghaH.

verse #50

wepDaj woDDI', 'ej QammeH SupDI', yeSuSDaq ghoS.

verse #51

ghaHvaD jangtaHvIS yeSuS, jatlh: SoHvaD nuq vIta' DaneH? yeSuSvaD jatlh leghlaHbe'wI': ghojmoHwI' quv, jIleghqa'laHjaj.

verse #52

ghaHvaD jatlh yeSuS: yIghoS. DutoD voqtaHghachlIj. SIbI' leghqa', 'ej HeDaq ghaH tlha'.

Chapters:

1 2 3 4 5 6 7 8 9 10 11 12 13 14 15 16