De’ QaQ’e’ ghItlhbogh marqoS

chapter 16


Chapters:


verse #1

qaSpu'DI' Sabatlh, lucholDI' ghaHDaq ngoHmeH noSvagh je' marI'ya maghDalangan, ya'qoboS marI'ya je Salo'me je.


verse #2

qaStaHvIS po 'eq, qaStaHvIS Hogh jaj wa', molDaq lughoS chaH, Hu'taHvIS pemHov.


verse #3

ja''egh: mol lojmItvo' maHvaD nagh'a' jIrmoH 'Iv?


verse #4

bejDI' chaH, nagh'a' teqlu' 'e' lulegh; tInqu'mo' 'oH.


verse #5

mol lu'elDI', nIHDaq ba' Sut chIS tuQbogh loDHom'e' 'e' lulegh. yay' chaH.


verse #6

chaHvaD jatlh ghaH: peyay'Qo'. yeSuS natlharenoS muHlu'pu'bogh bonej. ghaH Hu'moHlu'pu'. naDev ghaH tu'lu'be'. DaqvamDaq lulanpu'. naDev Daq yIlegh.


verse #7

'ach ghojwI'pu'DajvaD pe'tlhoSvaD je pejatlh peghoS: ghalIlay'aDaq lIDev. pa' ghaH bolegh. tlhIHvaD nab ja'pu'bogh pab.


verse #8

mejtaHvIS, molvo' Haw'; Qommo' 'ej yay'mo' chaH. paghvaD vay' luja'; Hajmo' chaH.


verse #9

[[po Hu'DI' qaStaHvIS Sabbatlh rep wa'DIch, ghotvaD narghmeH yeSuS, wa'DIch ghaH marI'ya maghDalangan'e'. ghaHvo' Soch qa' mIgh ghImpu'.


verse #10

ghoSDI' marI'ya, yeSuS tlhejpu'bogh ghotpu'vaD maq ghaH, 'IQtaHvIS 'ej SaQtaHvIS.


verse #11

yIn ghaH 'ej ghaH legh marI'ya 'e' luQoyDI', HarHa' ghotvetlh.


verse #12

qaSDI' wanI'vam, cha' ghotpu'vetlhvaD nargh, latlh rurtaHvIS, yotlhDaq yIttaHvIS.


verse #13

mejDI' chaH, Hoch latlhpu'vaD maq chaH. chaH HarHa' je.


verse #14

ghIq SopmeH QottaHvIS wa'maHwa', nargh. HarQo' chaH 'ej let tIqchaj 'e' qun, Hu' leghbogh ghotpu' Harbe'mo' chaH.


verse #15

'ej chaHvaD jatlh: peghoS 'ej qo' naQDaq De' QaQ yImaq. chenpu'bogh Hoch yImaq.


verse #16

Harchugh 'ej taymo' Say'moHlu'chugh, toDlu'. 'ach HarQo'chugh, qIchlu'.


verse #17

Harbogh ghotpu' tlha' 'angwI'meyvam: pongwIj lulo'taHvIS qa' mIgh ghIm. Hol chu' jatlh.


verse #18

[ghopDu'Daq] ghargh lupep. HeghmoHbogh vay' lutlhutlhchugh, QIHbe'. ropwI'pu'Daq ghop lan 'ej vorchu'.


verse #19

chaHvaD jatlhDI' [yeSuS,] joH'a', chalDaq ghaH peplu'. 'ej Qun'a' nIHDaq ba'choH.


verse #20

'ej mejDI' chaH, Dat maq, jIjtaHvIS joH'a', 'ej SoQchaj 'olmeH tlha'bogh 'angwI' lo'taHvIS.]

Chapters:


Books