De’ QaQ’e’ ghItlhbogh marqoS
capítulo 9
verso 1
chaHvaD jatlh: teH; Sajatlh: naDev QamwI'pu'Daq vay' tu'lu'; chaH Hotbe' Hegh, HoStaHvIS chol Qun'a' wo' 'e' luleghpa'.
verso 2
javleS pe'tlhoS ya'qoboS yo'a'neS je tlha'moH yeSuS. nIteb HuD jenDaq chaH Dev. bejtaHvIS chaH, choH ghaH.
verso 3
chISqu'choH 'ej bochchoH SutDaj. bIH rurmoHmeH chISmoHlaHbe' qo'Daq Hoch chISmoHwI' tu'lu'bogh.
verso 4
'elI'ya'e' moySeS'e' je legh chaH. ja'chuq ghotpu'vam yeSuS je.
verso 5
jangmeH pe'tlhoS, yeSuSvaD jatlh: ghojmoHwI', naDev maHtaHmo', QaQ. wej juHHom DIchenmoH: SoHvaD wa', 'ej moySeSvaD wa', 'ej 'elI'yavaD wa' DIchenmoH.
verso 6
mu'vam jatlh, mu' jatlhnISbogh Sovbe'mo'; Hajqu'mo' chaH.
verso 7
chen chaHvaD QIb 'angbogh 'eng'e'. chen je 'engvo' ghoSbogh QIch: loDnI'wI' vIparHa'bogh ghaH ghotvam'e'. ghaHvaD pe'IjtaH.
verso 8
retlhmey bejtaHvIS chaH, pay' pagh luleghchoHlaH. chaH retlhDaq mobbogh yeSuS neH lulegh.
verso 9
HuDvo' ghIrtaHvIS chaH, paghvaD ghu' luleghbogh luja'meH ra'taH, lommeyvo' yInqa'pa' nuv'a'.
verso 10
chaHvaD ghu' lupegh, nuq 'oH "lommey'vo' yInqa'" mu'tlhegh'e' ja'chuqtaHvIS chaH.
verso 11
lugheltaHvIS jatlh chaH: qaSpa' Hoch latlh cholnIS 'elI'ya, qatlh jatlh HaDwI'pu'?
verso 12
chaHvaD jatlh: teH; cholta'DI' 'elI'ya, qaSpa' Hoch latlh, Hoch SabHa'moH. 'ach "nem bechqu' nuv'a', 'ej ghaH vuvHa'lu'", qatlh net ghItlh?
verso 13
'a Sajatlh: DaH cholta' 'elI'ya. ghaHvaD Hoch luneHbogh luta'. ghaH qellu'taHvIS, ghu'vam Dellu'pu', 'ej ghaH Delbogh ghItlh pablI' ghu'.
verso 14
ghojwI'pu' choltaHvIS chaH, ghojwI'pu' Dech ghom'a' tIn 'ej ngach ghojwI'pu' HaDwI'pu' je, 'e' lulegh.
verso 15
ghaH leghDI' ghom'a', SIbI' yay'. lucholmeH qetDI' chaH, luvan.
verso 16
chaH ghelmeH jatlh ghaH: qatlh Suja'chuq tlhIH ghotpu'vetlh je?
verso 17
jang ghom'a' wa' ghot: ghojmoHwI', SoHvaD puqloDwI' vIqemta'. ghaH SeHmo' jatlhQo'bogh qa'.
verso 18
voghDaq ghaH DanDI' qa', ghaH pummoH. ghIH nujbIQDaj 'ej Ho'Du'Daj paw'moH 'ej Qey porghDaj. qa' lughImmeH ghojwI'pu'lI'vaD jIjatlh, 'ach lughImlaHbe'.
verso 19
jangtaHvIS ghaH, chaHvaD jatlh: HarQo'bogh tuq! qaStaHvIS 'ar matay'? qaSpa' nuq Sachergh? jIHDaq ghaH yIqem.
verso 20
yeSuSDaq ghaH luqem. ghaH leghDI' qa', loDHom QommoH. yavDaq pumDI', tlhe''egtaH ghaH, ghIHtaHvIS nujbIQDaj.
verso 21
vavDaj ghelmeH jatlh: qaSDI' poH 'ar ghaHvaD qaSchoH ghu'vam? jatlh: puq ghaHDI'.
verso 22
rut ghaH Qaw'meH qulDaq ghaH woD qa' 'ej bIQDaq woD. 'a vay' Data'laHchugh, vaj ghoQaH, juvupmo'.
verso 23
ghaHvaD jatlh yeSuS: vay' Data'laHchugh, bIjatlh; HarwI'vaD DuH Hoch.
verso 24
SIbI' jachtaHvIS puq vav, jatlh: jIHar. jIHarQo'mo', HIQaH.
verso 25
ghommeH qet ghom'a' 'e' leghDI' yeSuS, qa' Say'Ha''e' quntaHvIS, ghaHvaD jatlh: jatlhQo'bogh 'ej QoyQo'bogh qa'! qara' jIH: ghaHvo' yImej. 'ej not ghaH yI'elqa'.
verso 26
jachpu'DI', 'ej Qomqu'pu'DI', mej. lom rurchoH. Heghpu' vaj 'e' luja' ghot law'.
verso 27
ghopDu'Daj woHtaHvIS yeSuS, ghaH Hu'moH. Qam.
verso 28
juH 'elpu'DI' ghaH, nIteb lughelmeH jatlh ghojwI'Daj: qatlh ghaH wIghImlaHbe'?
verso 29
chaHvaD jatlh: not Haw'laH mutvam, Qun'a' qoy'lu'be'chugh.
verso 30
pa'vo' mejtaHvIS chaH, ghalIlay'a lujuStaH. net Sov neHbe';
verso 31
ghojwI'pu'DajvaD ghojmoHtaHvIS jatlhmo' ghaH: leS ghot ghopDu'Daq nuv'a' jeghlu'. ghaH lumuH. lumuHpu'DI', wejleS yInqa' ghaH.
verso 32
mu'vam luyajbe' chaH, 'ej lughelvIp.
verso 33
qaparna'umDaq lughoS. juH 'elpu'DI', chaH ghelmeH jatlh ghaH: HeDaq nuq bongach?
verso 34
tam chaH; chaHvo' nIvwI' wuqmeH HeDaq ngachmo'.
verso 35
ba'pu'DI' ghaH, lucholmeH wa'maHcha' ra'. chaHvaD jatlh: potlh ghaH neHchugh vay', vaj HochvaD ramwI' moj, 'ej HochvaD toy'wI' moj.
verso 36
puq tlhappu'DI', botlhchajDaq ghaH QammoH. ghaH luDechDI' DeSDu'Daj, chaHvaD jatlh yeSuS:
verso 37
pongwIj vuvtaHvIS, puqvam rurbogh wa' puq'e' Hevchugh vay', vaj muHev. muHevchugh vay', vaj jIH'e' muHevbe', 'a ngeHwI'wI''e' Hev.
verso 38
ghaHvaD jatlh yo'a'neS: ghojmoHwI', ponglIj lo'taHvIS, qa'pu' mIgh ghImta' vay', 'e' wIlegh. wItuch 'e' wInID, nutlha'be'mo'.
verso 39
jatlh yeSuS: ghaH yItuchQo'. pongwIj lo'taHvIS HoS ta' 'ej tugh mupum pagh tu'lu'bogh.
verso 40
jaghma' ghaHbe'chugh vay''e', vaj boQma' ghaH.
verso 41
tlhIHvaD SutlhutlhmeH bIQ HIvje' nobchugh vay', 'IHrIStoS pong ghot tlhIHmo', vaj teH; Sajatlh: popDaj Hutlhbe' ghaH.
verso 42
[jIHvaD] Harbogh puqpu'vamvo' wa' puq yemmoHchugh vay', vaj qaq, ghaHvaD mongDaq Dechchugh Donkey Ha'DIbaH nagh'a', 'ej ngengDaq ghaH woDlu'chugh.
verso 43
DuyemmoHchugh ghoplIj, vaj 'oH yIpe' yIchev. yIn Da'elchugh, bIDuy'taHvIS, vaj qaq; cha' ghopDu' DaghajtaHvIS, ghe''or Da'elchugh, not meQHa'bogh qul Da'elchugh, vaj qaqbe'.
verso 44
[[pa' ghotvaD mevbe' ghargh, 'ej meQHa'be' qul.]]
verso 45
DuyemmoHchugh qamlIj, vaj 'oH yIpe' yIchev. yIn Da'elchugh, bIrIghtaHvIS, vaj qaq; cha' qamDu' DaghajtaHvIS, ghe''orDaq DawoDlu'chugh, vaj qaqbe'.
verso 46
[[pa' ghotvaD mevbe' ghargh, 'ej meQHa'be' qul.]]
verso 47
DuyemmoHchugh mInlIj, vaj 'oH yIteq yIchev. Qun'a' wo' Da'elchugh, wa' mIn DaghajtaHvIS, vaj qaq; cha' mInDu' DaghajtaHvIS, ghe''orDaq DawoDlu'chugh, vaj qaqbe'.
verso 48
pa' ghotvaD mevbe' ghargh, 'ej meQHa'be' qul.
verso 50
QaQ na'moHbogh qut. 'a na'Ha'chugh qut, vaj 'oH boSabHa'qa'moHmeH nuq bolo'? tlhIHDaq na'moHbogh qut yIleH, 'ej perojchuqtaH.
Libros
