De’ QaQ’e’ ghItlhbogh marqoS
capítulo 7
verso 1
ghaHDaq ghom yeruSalemvo' cholbogh parISay'oSpu', 'op HaDwI' je.
verso 2
ghopDu' quvHa' (vaj Say'moHbe'bogh) lo'taHvIS, chabmey Sop 'op ghojwI'pu'Daj 'e' lulegh HaDwI'.
verso 3
SopQo' parISay'oSpu' Hoch yuDay'angan je, ghopDu'chaj Say'moHpa'. DeSqIv bIng naQ Say'moHnIS. vaj qup tIghmey leH.
verso 4
'ej ngevwI' yotlhvo' SopQo', chaHDaq bIQ ghomHa'pa' chaH. leHmeH latlh law''e' Hevbogh chaH, tu'lu'. HIvje', bal je, 'un je, [QongDaq je] Say'moH chaH.
verso 5
ghaH lughel parISay'oSpu' HaDwI'pu' je: qatlh vang ghojwI'pu'lI', qup tIghmey lobHa'taHvIS, 'ach ghopDu' quvHa' lo'taHvIS chab luSop?
verso 6
chaHvaD jatlh: vIttaHvIS nemSov SoQ maq yeSay'a. tojwI'pu' tlhIHbogh qeltaHvIS, ghItlh: wuSchaj lo'taHvIS muquvmoH ghotghomvam. 'ach jIHvo' Hopqu'bej tIqchaj.
verso 7
muvuvtaHvIS, chavHa', paQDI'norgh ghojmoHbogh bIH SoQ'e' ra'pu'bog neH yoq.
verso 8
chut'e' ra'pu'bogh Qun'a' bolonDI', yoq tIgh boleH.
verso 9
'ej chaHvaD jatlh: wejpuH, tIghraj bochoqmeH, chut'e' ra'pu'bogh Qun'a' boqIl.
verso 10
jatlh moySeS: vavlI' SoSlI' je tIquvmoH. jatlh je: SIbI' HeghDaq mevjaj vav SoS joq naDHa'bogh ghot'e'.
verso 11
'a Sujatlh tlhIH: vavvaD SoSvaD joq jatlhchugh ghot: "qorban", vaj, "Qun'a'vaD nob" neH 'oH SoHvaD boQ'e' vIta'pu'bogh ---
verso 12
vaj vavvaD SoSvaD je chav QaQ ta'lu' not 'e' bochaw'.
verso 13
tIghrajmo' boleHbogh, Qun'a' QIn boqIl, 'ej rurbogh ta' law' bovang.
verso 14
cholmeH ghom'a' ra'qa'pu'DI', chaHvaD jatlh: jIHvaD pe'Ij Hoch 'ej peyaj.
verso 15
ghot Hurvo' ghot'e' 'elDI', ghaH quvHa'moHlaH pagh tu'lu'bogh. 'ach ghot quvHa'moH ghotvo' tlheDbogh Dochmey'e'.
verso 16
[['IjmeH teSDu' ghajchugh vay', 'Ijjaj. ]]
verso 17
ghom'a'vo' juH 'elDI', lut luqelmo', ghaH lughel ghojwI'Daj.
verso 18
chaHvaD jatlh: vaj SuyajlaHbe'qu''a' je tlhIH? Hurvo' ghot quvHa'moHlaHbe' ghaH 'elbogh Hoch'e',
verso 19
tIqDaq ghaH 'elbe'mo' 'oH, 'ach chorDaq 'el neH 'ej puchDaq 'oH teqlu' (Hoch Soj Say'moHlu'taHvIS) 'e' boyajbe''a'?
verso 20
'ej jatlh: ghot quvHa'moH ghotvo' tlheDbogh Doch'e',
verso 21
porgh qoDvo', ghot tIqvo', tlheDmo' qech mIgh: ngaghHa'meH, nIHmeH, chotmeH,
verso 22
tlhogh webmeH, qurmeH, mIghmeH, tojmeH, nga'chuqmo' tlhIvmeH, mIn mIgh lo'meH, lalDan tIchmeH, Hemqu'meH, ghobvaD DoghmeH je qech.
verso 23
porgh qoDvo' tlheD Hochvam mIgh, 'ej ghot luquvHa'moH.
verso 24
pa'vo' Hu'DI', tu'roS SepDaq tlheD. juH 'elpu'DI', 'el 'e' Sov pagh neHtaH, 'ach So''eghlaHbe'taH.
verso 25
ghaH buSbogh De''e' Qoy be'. puqbe''e' SeHbogh qa' Say'Ha' ghaj. SIbI' cholDI', qamDu'DajDaq pum.
verso 26
yuDa'ya lalDan pabbe' be'. boghmo' SurI'ya poynI'qIyangan ghaH. puqbe'Dajvo' qa' mIgh ghImmeH yeSuS tlhob.
verso 27
ghaHvaD jatlh: yon lalDan puqpu' net chaw'nIS. wa'DIch 'oHnIS wanI'vam'e', QaQbe'mo', puqpu' chab nge'lu'chugh 'ej SajmeyvaD woDlu'chugh.
verso 28
jang 'ej jatlh: lu', joH. puqpu' chab DI Sop raS bIng Sajmey.
verso 29
'ej ghaHvaD jatlh: mu'lIjmo' yIjaH. puqbe'lI'vo' DoHpu' qa' mIgh.
verso 30
juHDajDaq mejpu'DI', QongDaqDaq Qot puq 'ej DoH qa' mIgh 'e' tu'.
verso 31
tu'roS Sepvo' mejqa'pu'DI', SIDon juS 'ej ghalIlay'a ngeng, wa'maH veng Sep botlh je ghoS.
verso 32
ghaHvaD jatlhbe'taHbogh QoylaHbe'wI' luqem. ghaHDaq ghopDaj lanmeH, lutlhob.
verso 33
ghom'a'vo' nIteb nge'pu'DI', ghot qoghDu'Daq nItlhDu'Daj lan yeSuS. 'ej tlhISDI', jatDaj Hot.
verso 34
chal bejtaHvIS, tlhuHqu' 'ej ghaHvaD jatlh:
verso 35
'eppatlha vaj "yIpoSchu'". [SIbI'] poSchoH qoghDu'Daj. 'ej jatDaj baghlu'pu'bogh baghHa'choHlu' 'ej jatlhchoHchu'.
verso 36
paghvaD luja'meH ra'. chaHvaD ra'taHvIS, ghur lumaqmeH QIchchaj.
verso 37
yay'qu'chu' chaH. 'ej jatlh chaH: QaQ Hoch ta'Daj. QoylaHbe'wI' QoymoH je 'ej jatlhlaHbe'wI' jatlhmoH je.
Libros
