De’ QaQ’e’ ghItlhbogh marqoS
capítulo 13
verso 1
chIrgh'a'vo' mejtaHvIS ghaH, ghaHvaD jatlh wa' ghojwI'Daj: ghojmoHwI', Doj naghmeyvam qachmeyvam je 'e' yIlegh.
verso 2
ghaHvaD jatlh yeSuS: qachmeyvam tIn Dalegh'a'? leS ratlhbe' DaH nagh DungDaq ratlhbogh nagh'e', Qaw'lu'be'bogh.
verso 3
Olive naH HuD Daq, chIrgh'a' latlh DopDaq ba'taHvIS, nIteb lughelmeH pe'tlhoS ya'qoboS je yo'a'neS je 'antlhe'aS je, jatlhtaH:
verso 4
ghoja': ghorgh qaS wanI'meyvam? tugh Hoch luvanglu', 'e' pIHmoH nuq?
verso 5
chaHvaD jatlhchoH yeSuS: lItojbe'meH vay' peyep.
verso 6
tugh ghoS ghot law', pongwIj lulo'taHvIS, jatlhtaHvIS: ghaH jIH. nuv law' toj chaH.
verso 7
veS, veS joS joq boQoyDI', peHajQo'. qaSnIS bIH, 'ach wej qaS rInmeH poH;
verso 8
qo'vaD Daw'mo' qo', 'ej wo'vaD Daw'mo' wo'. 'op DaqDaq Qomlu'. ghunglu'. boghwI'Hey 'oy'mey taghmoH bIH.
verso 9
'a tlhIHvaD peyep. tugh yejmeyvaD bojeghlu'. chIrghmeyDaq boqIplu'. chaHvaD Su'olmeH, qumwI'pu' ta'pu' je retlhDaq boQammoHlu'.
verso 10
qaSpa', Hoch novvaD De' QaQ maqnISlu'.
verso 11
lIDevDI' lIjeghtaHvIS, mu' bojatlhnISbogh yIqeqQo'. qaSDI' poHvetlh, tlhIHvaD vay' noblu'bogh yIjatlh; Sujatlhbe'mo' tlhIH; 'ach jatlh qa' quv.
verso 12
muHlu'meH tugh loDnI' jegh loDnI'. 'ej puq jegh vav. vavvaD SoSvaD je Daw' puqpu' 'ej chaH muH.
verso 13
pongwIjmo' lImuStaH Hoch. SIQtaHchugh vay', rInDI' ghu', vaj ghaH toDlu'.
verso 14
DaqDaq Danbe'nISbogh Dan chIrgh'a' chImmoHbogh ghIjmoHwI', 'e' boleghDI' (ghovjaj laDwI'), ngugh HuDmeyDaq Haw'jaj yuDay'a nganpu'.
verso 15
'elmeH ghIrbe'jaj bebDaq Qambogh ghot'e', 'ej juHDajvo' vay' lelmeH 'elbe'jaj.
verso 16
wepDaj lelmeH cheghqa'be'jaj Du'Daq Qambogh ghot'e'.
verso 17
Do'Ha' yatlhwI'pu', ghu je'wI'pu' je, qaStaHvIS jajmeyvetlh.
verso 18
qaStaHvIS bov bIr, qaSbe' wanI', 'e' yItlhob;
verso 19
jaj 'IQ bIHmo' jajmeyvetlh'e'. qaSbe' ghu'vam 'IQ rurubogh ghu''e', taghDI' 'u''e' chenmoHbogh Qun'a', qaSpa' DaHjaj. 'ej not qaSqa'.
verso 20
jajmey ngajmoHbe'pu'chugh Qun'a', vaj Hoch Ha'DIbaH toDHa'lu'. 'ach wIvghotpu'vaD wIvta'bogh ngajmoHta' Qun'a'.
verso 21
ngugh tlhIHvaD jatlhchugh vay': pelegh. naDev 'IHrIStoS tu'lu'. qoj, pelegh. pa' tu'lu'; vaj yIHarQo'.
verso 22
leS Hu' 'IHrIStoSpu' ngeb, nemSovwI'pu' ngeb je. wIvghotpu' tojmeH, tojlaHchugh, tobbogh ta', merbogh ta' je chav chaH.
verso 23
'a peyep. Hochmo' SaghuHmoHta'.
verso 24
'ach qaStaHvIS jajmeyvetlh, rInDI' ghu'vetlh 'IQ, HurghchoH pemHov, 'ej wovQo' maS.
verso 25
chalvo' pum Hovmey. Qom chalDaq HoSpu' tu'lu'bogh.
verso 26
ghIq 'engmeyDaq chol nuv'a', HoS Dun, quv je ghajtaHvIS, 'e' lulegh.
verso 27
ghIq QumwI'pu' ngeH. loS SuSvo', yuQ HeHvo', chal HeHvo' je wIvghotpu'Daj ghommoH.
verso 28
Fig Sorvo' lut yIghoj. tunchoHDI' SorDeSDaj, 'ej por lIngDI', Sum bov tuj 'e' boSov.
verso 29
qaStaH wanI'vam 'e' boleghDI', lojmItDaq Sum ghaH, 'e' boSov je tlhIH.
verso 30
teH; Sajatlh. lojbe' bovvam nganpu', qaSpa' Hoch wanI'meyvam.
verso 31
leS loj chal yuQ je. 'ach lojbe' mu'wIj.
verso 32
jajvetlh repvetlh joq De' Sov pagh. Sovbe' chalDaq QumwI'pu' tu'lu'bogh, Sovbe' je puqloD. Sov vav neH.
verso 33
peyep. peghuH; bovvetlh rep boSovbe'mo'.
verso 34
lengwI' rur. juHDajvo' mej, 'ej toy'wI''a'pu'vaD woQ nob. HochvaD Qu'Daj nob. ghuHmeH 'avwI' ra'.
verso 35
vaj peghuH; ghoSmeH juH joH, rep boSovbe'. qaStaHvIS choS, ramjep ghap, chicken chalHa'DIbaHloD ghum ghap, po ghap, ghoS.
verso 36
pay' ghoSDI', SuQongtaHvIS lItu'be'meH peghuH.
verso 37
tlhIHvaD mu''e' vIja'bogh, HochvaD vIja'. peghuH.
Libros
