De’ QaQ’e’ ghItlhbogh marqoS
8. fejezet
1. vers
qaStaHvIS jajmeyvetlh, ghom'a' tIn tu'qa'lu'mo', 'ej luSopmeH pagh lughajmo', lucholmeH ghojwI' ra', 'ej chaHvaD jatlh:
2. vers
ghom'a' vIvup, DaH jIHDaq ratlhmo' chaH, qaStaHvIS wej jaj, 'ej SopmeH pagh lughajmo'.
3. vers
juHchajDaq lughoS 'e' vIchaw'chugh, ghungtaHvIS chaH, vaj HeDaq vulchoH chaH. naDev Sep Hopvo' ghoSta' 'op.
4. vers
ghaHvaD jangmeH ghojwI'pu'Daj jatlh: naDev DebvamDaq ghotpu'vam yonmoHlaH vay', nuqvo' chab Suqmo'?
5. vers
'ej chaH ghelmeH jatlh: chab 'ar boghaj? jatlh chaH: Soch.
6. vers
yavDaq QotmeH ghom'a' ra'. Soch chab tlhappu'DI', tlho'DI', bIH ghor. bIH HIjmeH ghojwI'pu'DajvaD nob. ghom'a'vaD HIj chaH.
7. vers
'op bIQHa'DIbaHHom ghajlu'. bIH naDpu'DI', bIH HIjmeH je ra'.
8. vers
Sop 'ej yon chaH, Soch bal'a' DI chuvmey luwoHlu'.
9. vers
loS SanID ghot tu'lu'. mej chaH 'e' chaw'.
10. vers
SIbI' Duj tIjDI', ghojwI'pu' tlhejtaHvIS, Dalmanutlha Sep ghoS.
11. vers
chol parISay'oSpu'. ghaHvaD ngachchoH chaH. ghaHvaD chalvo' tobbogh ta' lutlhob, luDajtaHvIS.
12. vers
bepmeH tlhu'DI', jatlh: qatlh tobbogh ta' lutlhob bovvam ngan? teH; Sajatlh: bovvam nganvaD pagh ta' 'anglu'bej.
13. vers
chaHvo' mejtaHvIS, tIjqa'DI', latlh DopDaq ghoS.
14. vers
chab lutlhap 'e' lulIj. DujDaq chaHDaq wa' chab neH lughaj.
15. vers
chaH ghuHmoHtaHvIS, jatlh: peqIm. parISay'oS chab pepwI'mo', Heroy'DeS chab pepwI'mo' je peyep. 16 ja'chuq, chab lughajbe'mo'.
17. vers
tlhojDI', chaHvaD jatlh: "chab DIghajbe'", qatlh Suja'chuq? wej Sutu' 'ej wej Suyaj? tIq let boghaj'a'?
18. vers
mInDu' boghajtaHvIS, Suleghbe''a'? teSDu' boghajtaHvIS, SuQoybe''a'?
19. vers
vagh SanIDvaD vagh chab vIghorpu'DI', Soj DI tI Hap bal naQ mI' bowoHpu'bogh boqawbe''a'? ghaHvaD jatlh chaH: wa'maHcha'.
20. vers
loS SanIDvaD Soch vIghorpu'DI', Soj DI bal'a' 'ar bowoHpu'? [ghaHvaD] jatlh chaH: Soch.
21. vers
'ej chaHvaD jatlh: wej Suyaj'a'?
22. vers
betlhSayDaDaq lughoS. ghaHvaD leghlaHbe'wI' luqem. HotmeH ghaH lutlhob.
23. vers
leghlaHbe'wI' ghop tlhaptaHvIS, vengHom HurDaq ghaH Dev. mInDu'DajDaq tlhISDI', ghaHDaq ghopDu'Daj lanDI', ghaHvaD ghelmeH jatlh: vay' Dalegh'a'?
24. vers
bejqa'laHDI', jatlh: Sormey rur ghotpu', yIttaHvIS, 'e' vIlegh.
25. vers
ghIq mInDu'DajDaq ghopDu' lanqa'. leghchu' 'ej SabHa'. chuq HopDaq Hoch bejchu'taH.
26. vers
juHDajDaq ghaH ngeH 'ej jatlh: vengHom yI'elQo' je.
27. vers
pI'lIpoS qaySarI'ya vengHommeyDaq mej yeSuS ghojwI'pu'Daj je. HeDaq ghojwI'pu'Daj ghelmeH jatlh:
28. vers
'Iv jIH, 'e' lumaq? ghaHvaD jatlh: taymo' Say'moHbogh yo'a'neS SoH. "'elI'ya ghaH" jatlh latlh. "wa' nemSovwI'" jatlh latlh.
29. vers
chaHvaD ghelmeH jatlh: 'Iv jIH, 'e' bomaq? jangtaHvIS pe'tlhoS, ghaHvaD jatlh: 'IHrIStoS SoH. 30 paghvaD vuDvam luja'meH, chaHvaD ra'qu'.
31. vers
bechqu'nIS nuv'a', 'ej lunaDHa'nIS quppu' lalDanla'pu' je HaDwI'pu' je, 'ej muHlu'nIS, 'ej wejleS yInqa'nIS --- chaHvaD 'e' ghojchoHmoH.
32. vers
peghHa' ghaH, SoQvam maqtaHvIS. ghaH nge'pu'DI' pe'tlhoS, ghaH qunchoH.
33. vers
tlhe''eghDI' yeSuS, 'ej ghojwI'pu'Daj leghtaHvIS, pe'tlhoS qun 'ej jatlh: jIH 'emDaq yIjaH, veqlargh! Qun'a' qech DaQorghbe', 'ach ghot qech DaQorgh neH.
34. vers
cholmeH ghom'a' ghojwI'pu'Daj je ra'pu'DI', chaHvaD jatlh: mutlha' neHchugh vay', vaj SaH'eghQo'nIS, 'ej muHwI' naQDaj woHnIS, 'ej mutlha'nIS.
35. vers
qa'Daj toD neHchugh vay', vaj 'oH woD. 'ach [jIHvaD] De' QaQvaD [je] qa'Daj woDchugh vay', vaj 'oH toD.
36. vers
chay' ghotvaD lI' ghu', qo' naQ Suqchugh, 'ach qa'Daj QIHlu'chugh?
37. vers
qa'Daj tammeH, nuq noblaH ghot?
38. vers
vay' wItuHmoHchugh jIH SoQwIj je, qaStaHvIS quvHa'bogh 'ej yembogh bovvam, vaj nuv'a' tuHmoH je ghotvam, leS pawDI' nuv'a', vavDaj batlh ghajtaHvIS, lutlhejtaHvIS QumwI' quv.
Könyvek
