bommey
59. zsoltár
1. vers
QoQpInvaD mIqtamvam qon DawID, ghaH luHoHmeH ‘ej juHDaj lubejmeH loDpu’ ngeHDI’ Sa’ul; ‘al taSHet lo’lu’taHvIS [bomlu’].
jaghpu’wI’vo’ HItoDneS, ‘o Qun’a’wI’; muqaDmeH Hu’wI’pu’vo’ HIQanneS.
2. vers
ta’mey mIgh DIghbogh ghotpu’vo’ HIlupneS ‘ej ‘Iw lu’ojbogh loDpu’vo’ HItoDneS.
3. vers
yIqelneS: muHoHmeH ghach; muqaDmeH ghom loDpu’ HoS, ‘ach jIyempu’mo’be’ ‘ej jIwoghpu’mo’be’, ‘o joHo’a’.
4. vers
pIch vIghajbe’ ‘ach qet ‘ej ghuHchoH. yIvemneS, Ha’ HIHomneS, yIleghnes!
5. vers
yISra’el Qun’a’, mangghom joH’a’ Qun’a’ SoH. Hoch nughmey DabIjmeH yIvemneS. woghwI’pu’ mIghvaD pung yInobneSQo'. SelaH
6. vers
qaSDI’ Hoch ram chegh; ghughbogh targhmey rur ‘ej vengDaq ghachtaH.
7. vers
yIqelneS: ruqmeH nujDu’chaj lo’ ‘ej wuSDu’chajDaq bIHtaH yanmey’e’— “nuQoy ‘Iv?” [‘e’ luQub].
8. vers
‘ach chaHmo’ bIHagh SoH, ‘o joH’a’; Hoch nughmey Davaq.
9. vers
‘o HoSwI’, qanejmeH jIbej, lulIghwIj SoHmo’, ‘o Qun’a’.
10. vers
mughom tlhoqtlhal turbogh Qun’a’wI’’e’; jaghpu’wI’ lucharghlu’ ‘e’ vIlegh ‘e’ chaw’ Qun’a’.
11. vers
tIHoHneSQo', vaj lIjbe’ ghotpu’wI’; HoSlIjmo’ tIghomHa’neS ‘ej tIDejmoHneS, ‘o joH’a’, yoDmaj!
12. vers
yemmeH nuj lulo’mo’, wuSDu’chaj mu’meymo’, luvonlu’jaj nguqtaHvIS. mu’qaDmey jatlhmo’ ‘ej nepmo’,
13. vers
tInatlhneS bIQeHtaHvIS; tInatlhneS ‘ej SIbI’Ha’ tu’lu’be’; vaj tera’ HochDaq ya’qov che’ Qun’a’ ‘e’ luSov. SelaH
14. vers
qaSDI’ Hoch ram chegh; ghughbogh targhmey rur ‘ej vengDaq ghachtaH.
15. vers
Soj lunejmeH qor ‘ej yonbe’chugh, vaj ghughugh.
16. vers
‘ach HoSlIjmo’ jIbom; qaSDI’ po, pung’a’lIjmo’ jIbomqu’. jIHvaD jem’IH DaDapu’ ‘ej qaSDI’ Seng jaj lulIgh DaDapu’.
17. vers
‘o HoSwI’, SoHvaD naDmey vIbom, lulIghwIj SoHmo’, ‘o Qun’a’. pung’a’ mu‘angbogh Qun’a’’e’ SoH.
Könyvek
