bommey

Chapters:

… 57 58 59 60 61 …   ⇤ ← 59 → ⇥

verse #1

QoQpInvaD mIqtamvam qon DawID, ghaH luHoHmeH ‘ej juHDaj lubejmeH loDpu’ ngeHDI’ Sa’ul; ‘al taSHet lo’lu’taHvIS [bomlu’].
jaghpu’wI’vo’ HItoDneS, ‘o Qun’a’wI’; muqaDmeH Hu’wI’pu’vo’ HIQanneS.

verse #2

ta’mey mIgh DIghbogh ghotpu’vo’ HIlupneS ‘ej ‘Iw lu’ojbogh loDpu’vo’ HItoDneS.

verse #3

yIqelneS: muHoHmeH ghach; muqaDmeH ghom loDpu’ HoS, ‘ach jIyempu’mo’be’ ‘ej jIwoghpu’mo’be’, ‘o joHo’a’.

verse #4

pIch vIghajbe’ ‘ach qet ‘ej ghuHchoH. yIvemneS, Ha’ HIHomneS, yIleghnes!

verse #5

yISra’el Qun’a’, mangghom joH’a’ Qun’a’ SoH. Hoch nughmey DabIjmeH yIvemneS. woghwI’pu’ mIghvaD pung yInobneSQo'. SelaH

verse #6

qaSDI’ Hoch ram chegh; ghughbogh targhmey rur ‘ej vengDaq ghachtaH.

verse #7

yIqelneS: ruqmeH nujDu’chaj lo’ ‘ej wuSDu’chajDaq bIHtaH yanmey’e’— “nuQoy ‘Iv?” [‘e’ luQub].

verse #8

‘ach chaHmo’ bIHagh SoH, ‘o joH’a’; Hoch nughmey Davaq.

verse #9

‘o HoSwI’, qanejmeH jIbej, lulIghwIj SoHmo’, ‘o Qun’a’.

verse #10

mughom tlhoqtlhal turbogh Qun’a’wI’’e’; jaghpu’wI’ lucharghlu’ ‘e’ vIlegh ‘e’ chaw’ Qun’a’.

verse #11

tIHoHneSQo', vaj lIjbe’ ghotpu’wI’; HoSlIjmo’ tIghomHa’neS ‘ej tIDejmoHneS, ‘o joH’a’, yoDmaj!

verse #12

yemmeH nuj lulo’mo’, wuSDu’chaj mu’meymo’, luvonlu’jaj nguqtaHvIS. mu’qaDmey jatlhmo’ ‘ej nepmo’,

verse #13

tInatlhneS bIQeHtaHvIS; tInatlhneS ‘ej SIbI’Ha’ tu’lu’be’; vaj tera’ HochDaq ya’qov che’ Qun’a’ ‘e’ luSov. SelaH

verse #14

qaSDI’ Hoch ram chegh; ghughbogh targhmey rur ‘ej vengDaq ghachtaH.

verse #15

Soj lunejmeH qor ‘ej yonbe’chugh, vaj ghughugh.

verse #16

‘ach HoSlIjmo’ jIbom; qaSDI’ po, pung’a’lIjmo’ jIbomqu’. jIHvaD jem’IH DaDapu’ ‘ej qaSDI’ Seng jaj lulIgh DaDapu’.

verse #17

‘o HoSwI’, SoHvaD naDmey vIbom, lulIghwIj SoHmo’, ‘o Qun’a’. pung’a’ mu‘angbogh Qun’a’’e’ SoH.

Chapters:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122