bommey

Chapters:

… 25 26 27 28 29 …   ⇤ ← 27 → ⇥

verse #1

[bomvam qon] DawID.
tamghaywIj toDwIj je ghaH joH'a''e'; mughIj 'Iv? yInwIj lulIgh ghaH joH'a''e'; muHaj 'Iv?

verse #2

'oynotwIj luSopmeH mughoSDI' mIghwI'pu', jaghpu'wI' gholpu'wI' je, tang chaH 'ej pum.

verse #3

muqaDmeH raQ cherchugh mangghom, vaj tIqwIj ghIjlu'be'; muqaDmeH Hu'chugh noH, vaj jIbaw'.

verse #4

joH'a' vItlhob; wa' Doch vInej: qaStaHvIS Hoch yInwIj jajmey, joH'a' juH qach vIDab; joH'a' 'IH vIbej 'ej chIrghDajDaq jIpaQ.

verse #5

qaSDI' Seng jaj, raywalDajDaq muSo'; jo'ley'Daj peghDaq muvel; naghDaq mupep.

verse #6

'ej DaH nachwIj peplu'; muDechbogh jaghpu'wI' DungDaq 'oHtaH; jo'ley'DajDaq jIQuchtaHvIS jIjach 'ej jI'anmoH. joH'a'vaD jIbom 'ej jInaD.

verse #7

'o joH'a', ghoghwIj bey yIQoyneS; jIHvaD tlhoqtlhal yIturneS 'ej HIjangneS!

verse #8

Dajatlh: “qabwIj yInej.” SoHvaD jatlh tIqwIj: “'o joH'a', qablIj vInej.”

verse #9

jIHvo' qablIj yISo'neSQo'. bIQeHDI' toy'wI'lI' yIwoDneSQo', QaHwI' SoHmo'. HIlonneSQo' 'ej HIchoSneSQo', toDwIj Qun'a'.

verse #10

pulonpu' vavwI' SoSwI' je, 'ach muHev joH'a'.

verse #11

tIghlIj HIghojmoHneS, 'o joH'a', 'ej taw beQDaq HIDevneS jaghpu'wI'mo'.

verse #12

gholpu'wI' ghopDu'vaD HInobneSQo'; muqaDmeH Hu'pu' nguHwI'pu' nepwI' 'ej ralmeH rech.

verse #13

yInwI'pu' puHDaq joH'a' QaQ vIlegh 'e' vIHar.

verse #14

joH'a' yIloS, yIHoS, 'ej tIqlIj Subjaj; joH'a' yIloS!

Chapters:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122