bommey

Chapters:

… 88 89 90 91 92 …   ⇤ ← 90 → ⇥

verse #1

tlhobmeH QInvam qon moSe, Qun’a’ loD.
joH’a’, lulIghmaj SoH qaStaHvIS Hoch puq poHmey.

verse #2

chenpa’ HuDmey ‘ej tera’, qo’ je DachenmoHpa’, Hochlogh Qun’a’ SoH.

verse #3

Say’qISDaq loD DacheghmoH ‘ej Dajatlh: “pechegh, ‘o Humanpu’!”

verse #4

wa’SaD DIS rur wa’Hu’ ‘e’ DaDam; ram Qu’ poH rur.

verse #5

chaH DabI’chu’; Suchtuv lurur. po magh chu’ lurur.

verse #6

qaSDI’ po, baQ; qaSDI’ tlhom, QaD ‘ej Hegh.

verse #7

QeHlIjmo’ wInatlhlu’ ‘ej bIQay’DI’ maSot.

verse #8

wemmeymaj DanuDpu’; peghmeymaj DawovmoHpu’.

verse #9

Hoch jajmeymaj DISIQ bIQeHtaHvIS; DISmeymaj DIDormoH; tlhuH rur.

verse #10

SochmaH DIS DISIQ; maHoSchugh, vaj chorghmaH DIS DISIQ. ‘ach vumqu’taHghach, Seng je ‘oH qubbIDchaj’e’. tugh Dor ‘ej mapuv.

verse #11

QeHlIj HoS qel ‘Iv? Davuvlu’meH DIblIj nel QeH’a’lIj.

verse #12

jajmeymaj DItogh ‘e’ ghoghojmoHneS, vaj tIq val wISuq.

verse #13

yIcheghneS, ‘o joH’a’! qaStaHvIS poH ‘ar qaS ghu’vam? toy’wI’pu’lI’ tIvupneS!

verse #14

qaSDI’ po, juyonmoHmeH pung’a’lIj yIlo’neS, vaj malop ‘ej maQuch qaStaHvIS Hoch jajmeymaj.

verse #15

law’ jajmey wIQIHlu’taHvIS. law’ DISmey, Qugh wISIQtaHvIS. law’jaj je jajmey maQuchtaHvIS.

verse #16

toy’wI’pu’lI’vaD ta’meylIj luleghmoHlu’jaj; puqpu’chajvaD ngay’lIj leghmoHlu’jaj.

Chapters:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122