bommey

Chapters:

… 66 67 68 69 70 …   ⇤ ← 68 → ⇥

verse #1

QoQpInvaD bomvam qon DawID.
Hu’ Qun’a’ ‘ej ghomHa’ jaghpu’Daj; ghaHvo’ Haw’ muSwI’pu’Daj!

verse #2

chaH DaghomHa’; tlhIch lurur. jIvvo’pu’ luQaw’lu tu’taHvIS Qun’a’; qulDaq req tetlu’bogh lurur!

verse #3

‘ach Quch quvwI’pu’; lop chaH tu’taHvIS Qun’a’; Quchqu’mo’ bom.

verse #4

Qun’a’vaD pebom, pongDajvaD naDmey tIbom; chalDaq lIghbogh Qun’a’ boQejmeH, pongDaj “yaH” yIlo’. peQuchqu’ tu’taHvIS ghaH!

verse #5

vav Do’Ha’wI’pu’vaD vav Da; loDnal weSpu’bogh be’pu’vaD QanwI’ Da; Daq quvDajDaq ghaH Qun’a’’e’.

verse #6

‘ubwI’vaD juH DabmoH Qun’a’; chepmeH qama’pu’ Dev, ‘ach puH QaD luDab lotlhwI’pu’.

verse #7

‘o Qun’a’, ghotpu’lIj DaDevDI’, DebDaq bItlhajDI’, SelaH

verse #8

Qom puH ‘ej SIS chal; ghu’vam tu’ Qun’a’, SIynay Qun’a’, yISra’el Qun’a’.

verse #9

‘o Qun’a’, bISISqu’moHpu’; quHlaj DarIHqa’pu’ Doy’qu’DI’.

verse #10

pa’ luDabpu’ ghotpu’lIj; bIQaQmo’, ‘o Qun’a’, Do’Ha’wI’vaD bIpeSpu’.

verse #11

mu’ nob joH’a’; mangghom’a’ chaH De’ QaQ lumaqbogh be’pu’’e’.

verse #12

“Haw’; Haw’ mangghommey ta’pu’!” qengHoD luwav ratlhbogh be’pu’;

verse #13

DI’raq pa’meyDaq SuQotchugh, SIrlIy luyugh roj bo’Degh telDu’ ‘ej qol’om luyugh bo.

verse #14

pa’ ta’pu’ ghomHa’moHDI’ HoSjajwI’’a’, SalmonDaq peDjaj.

verse #15

‘o Qun’a’ HuD, ‘o baSan HuD, ‘o yormey law’ ghajbogh HuD, ‘o baSan HuD!

verse #16

qatlh bIghal, ‘o yormey law’ ghajbogh HuD, Qun’a’ HuD DabejDI’? HuDvam Dab neH ghaH; HISlaH, reH pa’ Dab joH’a’.

verse #17

cha’logh boq’egh wa’netlh; chen Qun’a’ Sargh Dujmey. SaDmey, SaDmey je bIH. pa’ SaH joH’a’. DaH qach quvDaq ‘oHtaH SIynay’e’.

verse #18

Daq jen DaSalDI', qama'pu' law' Daqemta'; loDpu’vo’ nobmey law' DaHevpu’. vabDot mulwI’pu’vo’ nobmey DaHevpu’. ‘ej vaj chaH tlhejlaH Qun’a’, joH’a’.

verse #19

quvjaj joH’a’; Hoch jaj nuqeng; toDmaj ghaH Qun’a’’e’. SelaH

verse #20

toD Qun’a’ ghaH Qun’a’ma’’e’; Heghvo’ toD Qun’a’, joH’a’.

verse #21

‘ach jaghpu’Daj nachDu’ mup Qun’a’; DIvtaHwI’ DughrI’ mup.

verse #22

jatlh joH’a’: “baSanvo’ chaH vIqemqa’; bIQ’a’ jaQvo’ vIqemqa’.

verse #23

vaj jaghpu’ ‘IwDaq qamlIj Dalan ‘ej lulIn targhmey jat.

verse #24

bIyItDI’ luleghpu’, ‘o Qun’a’, qach quvDaq yItDI’ Qun’a’wI’, voDleHwI’.

verse #25

tlhopDaq chaH bomwI’pu’’e’ ‘ej ‘emDaq chaH muchwI’pu’’e’ ‘ej jojDaq chaH DIr’ InHommey weq’bogh be’pu’ Qup’e’.

verse #26

“yej’a’Daq yISra’el bIQ ghItmoHwI’vo’ Qun’a’, joH’a’ yIquvmoH!”

verse #27

pa’ Dev bInyamIn tuq mach; ghom’a’chajDaq chaH yeHu’Da tuq che’wI’pu’, Sebu’lun tuq che’wI’pu’, navtalIy tuq che’wI’pu’ je.

verse #28

HoSlIj yIrItneS, ‘o Qun’a’; maHvaD bIta’meH HoSvam Dalo’pu’.

verse #29

yeru’Sala’yImDaq chIrghlIjmo’ SoHvaD nobmey qem ta’pu’.

verse #30

jagh nugh tIqunneS; SIyechmeyDaq ghachbogh Ha’DIbaH’a’mey rur; tanqa’Hommey jojDaq tangqa’’a’mey law’ rur. tInguqHa’moHneS ‘ej vanmeH SIrlIy ngoghmey qemjaj; veS lutIvbogh ghotpu’’e’ yIghomHa’neS.

verse #31

mItlhra’yImvo’ ghoS chuQun; tugh Qun’a’vaD ghopDu’Daj pep quS nugh. 32 ‘o tera’ wo’mey, Qun’a’vaD pebom; joH’a’vaD naDmey tIbom; SelaH

verse #33

chal’a’Daq, chal’a’ tIQDaq lIgh; yIqel: ghogh HoSghajDaj ngeH.

verse #34

Qun’a’ HoS yImaq; yIsra’elDaq ngay’Daj tu’lu’; chalDaq HoSDaj tu’lu’.

verse #35

qach quvDajDaq Dun Qun’a’; ghotpu’DajvaD HoS nob yISra’el Qun’a’. Qun’a’ quvmoHlu’jaj!

Chapters:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122