bommey

Chapters:

… 77 78 79 80 81 …   ⇤ ← 79 → ⇥

verse #1

bomvam qon ‘aSav.
‘o Qun’a’, quHlIj lu’elpu’ nughmey; chIrghlIj quv luwatlhHa’moHpu’. yeru’Sala’yImvaD pIgh lumojmoHpu’.

verse #2

SopmeH chal bo’DeghmeyvaD toy’wI’pu’lI’ lommey nobpu’; puH Ha’DIbaHmeyvaD matlhwI’pu’lI’ ‘oynot lunobpu’.

verse #3

yeru’Sala’yIm HochDaq ‘Iwchaj ghItmoHpu’; bIQ rur. molbogh pagh tu’lu’.

verse #4

nunuSchoH jIlpu’ma’; nuvaq ‘ej nutIch nuDechbogh ghotpu’.

verse #5

qaStaHvIS poH ‘ar qaS ghu’vam, ‘o joH’a’? Hochlogh bIQeH? bIghal; meQ’a’? qul rur’a’?

verse #6

nISovbe’bogh nughmeyDaq, ponglIj lurItbe’bogh wo’meyDaq je QeHlIj yIlIchneS!

verse #7

ya’qov luSoppu’; DabmeH DaqDaj lupejpu’.

verse #8

yem puq poHmey Deq; ghopIchneSQo’. nom maHvaD punglIj yIturneS, wItuHmoHqu’lu’mo’.

verse #9

ghoQaHneS, ‘o toDmaj Qun’a’, ponglIj ngay’mo’. gholupneS ‘ej ghoyemHa’moHneS, ponglIj quvmo’.

verse #10

qatlh lujatlhnIS nughmey: “nuqDaq ghaH Qun’a’chaj’e’?” nughmeyDaq toy’wI’pu’lI’ ‘Iwmo’ bortaSlIj net Sovjaj; ghu’vam wItu’jaj.

verse #11

ghughDI’ qama’pu’, DughoSjaj wanI’vam. HoS’a’lIjmo’, ghotpu’ luqIchlu’bogh tIchoqneS.

verse #12

nInuSDI’ jIlpu’ma’, Sochlogh tInuSqa’neS, ‘o joH’a’!

verse #13

‘ach reH pItlho’, maH, ghotpu’lI’, yotlhlIj DI’raqmey. Hoch puq poHvaD naDlIj wImaq ‘ej wImaqqa’.

Chapters:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122