bommey

Chapters:

… 40 41 42 43 44 …   ⇤ ← 42 → ⇥

verse #1

QoQpInvaD maSqIlvam luqon qo'raH puqloDpu'.
'o Qun'a', DuneHqu' qa'wIj; bIQtIqmey neHqu'bogh Sargh rur.

verse #2

yInbogh Qun'a' 'oj qa'wIj. ghorgh Qun'a' vIghoS?

verse #3

qaStaHvIS pem ram je, SojwIj bIH mIn 'onroSmeywIj'e'. qaStaHvIS jaj Hoch, mujatlh chaH: “nuqDaq ghaH Qun'a'lI''e'?”

verse #4

Dochmeyvam vIqaw, qa'wIj vIlIchDI': qev vItlhejpu'; Qun'a' juH qach wIghoSpu'; beymey Quch DIjachpu' 'ej naDmey DIbompu'; yupma' loppu' ghom'a'.

verse #5

qatlh bI'It, 'o qa'wIj? qatlh qoDwIjDaq bISot? Qun'a' yItul, mutoDbogh Qun'a'wI' vInaDqa'mo'.

verse #6

qoDwIjDaq 'It qa'wIj; meqvammo' yarDen puHvo', Hermon puHvo', mItlh'ar HuDvo' je qaqaw.

verse #7

jach bIQ'a'mey 'ej bIQ notronmeylIj wab vIQoy; mujuS Hoch yu'eghmeylIj.

verse #8

qaStaHvIS pem, pung'a'Daj ra' joH'a'; qaStaHvIS ram, mutlhej bomDaj. muyInmoHbogh Qun'a' vItlhobmeH bomvam vIbom.

verse #9

Qun'a'wI'vaD, naghwIjvaD vIjatlh: “qatlh cholIjpu'? qatlh jISaQtaH muQIHmo' jagh?”

verse #10

muvaq gholpu'wI'; HomDu'wIjDaq bep'a' lurur. qaStaHvIS jaj Hoch, mujatlh: “nuqDaq ghaH Qun'a'lI''e'?”

verse #11

qatlh bI'It, 'o qa'wIj? qatlh qoDwIjDaq bISot? Qun'a' yItul, mutoDbogh Qun'a'wI' vInaDqa'mo'.

Chapters:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122