bommey

Chapters:

… 72 73 74 75 76 …   ⇤ ← 74 → ⇥

verse #1

maSqIlvam qon ‘aSav.
‘o Qun’a’, qatlh reH juwoD? qatlh yotlhlIj DI’raqmey meQ QeHlIj?

verse #2

ghom’a’lIj yIqawneS; ben law’ Daje’. quHlIj tuq mojmeH DatoDpu’. tlhI’yon HuD yIqawneS; pa’ DaDabpu’.

verse #3

taHbogh pIghDaq yIyItneS; qach quvDaq Hoch Qaw’pu’ jagh!

verse #4

ghom’a’lIj qoDDaq yay bey jachpu’ ghollI’; pa’ Degh DameH joqwI’chaj lanpu’.

verse #5

ngemDaq ‘obmaQ Qachbogh nuv’e’ rur.

verse #6

DaH Hoch Sor Hap ghItlhlu’bogh lughorchu’meH jey’naSmey, mupwI’mey je lo’.

verse #7

qachlIj quv meQmeH qul lulo’; Daq’e’ Dabbogh ponglIj luwatlhHa’moH ‘ej luDejmoH.

verse #8

jatlh’egh: “DIQaw’chu’jaj!” puHDaq Hoch Qun’a’ ghom Daqmey meQ.

verse #9

maQmeymaj DIleghbe’; DaH ‘aqwI’’a’ tu’lu’be’. ghorgh Dor ghu’vam? maH jojDaq Sov pagh.

verse #10

qaStaHvIS puH ‘ar, ‘o Qun’a’, Hagh ghol? reH ponglIj vaq’a’ jagh?

verse #11

qatlh nIHlIj ghop Da’ot? buqlIjvo’ yIlelneS ‘ej tIQaw’neS!

verse #12

ben law’ voDleHwI’ ghaH Qun’a’’e’. puHDaq toD ta’taH.

verse #13

HoSlIjmo’ bIQ’a’ Dawav ‘ej bIQ’a’ tlhapraghmey nach Daghor.

verse #14

lIvyatan nach Datap; Deb Ha’DIbaHmeyvaD Soj DamojmoH.

verse #15

ghItmoHwI’, SoD je DarIv; bIQtIqmey HoS DaQaDmoH.

verse #16

SoHvaD ‘oH pem’e’. SoHvaD ‘oH je ram’e’. chal wovmoHwI’mey, jul je Dacherpu’.

verse #17

Hoch tera’ veHmey Dalanpu’; qImroq tuj, qImroq bIr je DachenmoHpu’.

verse #18

wanI’vam yIqawneS, ‘o joH’a’: Hagh jagh ‘ej ponglIj luvaq qoHpu’.

verse #19

Ha’DIbaHmeyvaD roj bo’DeghlIj qa’ yIlupneSQo'; reH mIpHa’wI’pu’lI’ yIn yIlIjneSQo'.

verse #20

mab yIqelneS. puHDaq Daqmey Hurgh buy’moH juHmey ral.

verse #21

DoHbe’jaj ‘ej tuHbe’jaj ghotpu’ luQIHlu’bogh. ponglIj lunaDjaj mIpHa’wI’, Do’Ha’wI’ je.

verse #22

yIHu’neS, ‘o Qun’a’, ‘ej DIblIj yIHubneS; qaStaHvIS jaj Hoch nIvaq qoHpu’ ‘e’ yIqawneS!

verse #23

jaghpu’lI’ ghogh yIlIjneSQo'. ghurtaH nIqaDbogh lotlhwI’pu’ wab!

Chapters:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122