bommey
Salmo 74
verso 1
maSqIlvam qon ‘aSav.
‘o Qun’a’, qatlh reH juwoD? qatlh yotlhlIj DI’raqmey meQ QeHlIj?
verso 2
ghom’a’lIj yIqawneS; ben law’ Daje’. quHlIj tuq mojmeH DatoDpu’. tlhI’yon HuD yIqawneS; pa’ DaDabpu’.
verso 3
taHbogh pIghDaq yIyItneS; qach quvDaq Hoch Qaw’pu’ jagh!
verso 4
ghom’a’lIj qoDDaq yay bey jachpu’ ghollI’; pa’ Degh DameH joqwI’chaj lanpu’.
verso 5
ngemDaq ‘obmaQ Qachbogh nuv’e’ rur.
verso 6
DaH Hoch Sor Hap ghItlhlu’bogh lughorchu’meH jey’naSmey, mupwI’mey je lo’.
verso 7
qachlIj quv meQmeH qul lulo’; Daq’e’ Dabbogh ponglIj luwatlhHa’moH ‘ej luDejmoH.
verso 8
jatlh’egh: “DIQaw’chu’jaj!” puHDaq Hoch Qun’a’ ghom Daqmey meQ.
verso 9
maQmeymaj DIleghbe’; DaH ‘aqwI’’a’ tu’lu’be’. ghorgh Dor ghu’vam? maH jojDaq Sov pagh.
verso 10
qaStaHvIS puH ‘ar, ‘o Qun’a’, Hagh ghol? reH ponglIj vaq’a’ jagh?
verso 11
qatlh nIHlIj ghop Da’ot? buqlIjvo’ yIlelneS ‘ej tIQaw’neS!
verso 12
ben law’ voDleHwI’ ghaH Qun’a’’e’. puHDaq toD ta’taH.
verso 13
HoSlIjmo’ bIQ’a’ Dawav ‘ej bIQ’a’ tlhapraghmey nach Daghor.
verso 14
lIvyatan nach Datap; Deb Ha’DIbaHmeyvaD Soj DamojmoH.
verso 15
ghItmoHwI’, SoD je DarIv; bIQtIqmey HoS DaQaDmoH.
verso 16
SoHvaD ‘oH pem’e’. SoHvaD ‘oH je ram’e’. chal wovmoHwI’mey, jul je Dacherpu’.
verso 17
Hoch tera’ veHmey Dalanpu’; qImroq tuj, qImroq bIr je DachenmoHpu’.
verso 18
wanI’vam yIqawneS, ‘o joH’a’: Hagh jagh ‘ej ponglIj luvaq qoHpu’.
verso 19
Ha’DIbaHmeyvaD roj bo’DeghlIj qa’ yIlupneSQo'; reH mIpHa’wI’pu’lI’ yIn yIlIjneSQo'.
verso 20
mab yIqelneS. puHDaq Daqmey Hurgh buy’moH juHmey ral.
verso 21
DoHbe’jaj ‘ej tuHbe’jaj ghotpu’ luQIHlu’bogh. ponglIj lunaDjaj mIpHa’wI’, Do’Ha’wI’ je.
verso 22
yIHu’neS, ‘o Qun’a’, ‘ej DIblIj yIHubneS; qaStaHvIS jaj Hoch nIvaq qoHpu’ ‘e’ yIqawneS!
verso 23
jaghpu’lI’ ghogh yIlIjneSQo'. ghurtaH nIqaDbogh lotlhwI’pu’ wab!
Libros
