bommey

Capítulos:

… 64 65 66 67 68 …   ⇤ ← 66 → ⇥

verso 1

QoqpInvaD ‘oH bomvam’e’.
Qun’a’vaD pejach ‘ej peQuchqu’, tera’ Hoch;

verso 2

pongDaj quvvaD pebom; quvmoHmeH yInaD!

verso 3

Qun’a’vaD yIjatlh: “Dunqu’ ta’meylIj! qu’ HoSlIj vaj SoHmo’ jel jaghpu’lI’.

verso 4

SoHvaD tor tera’ Hoch ‘ej DunaDmeH bom; ponglIj lunaDmeH bom.” SelaH

verso 5

Ha’ Qun’a’ ta’mey tIlegh: Humanpu’vaD Dunqu’ ta’meyDaj.

verso 6

puH QaD moj bIQ’a’ ‘e’ qaSmoH ghaH; bIQtIq lutolmeH qamDu’chaj lo’. pa’ ghaHmo’ maQuchqu’;

verso 7

reH che’ HoSDajmo’ ‘ej nughmey bej mInDu’Daj. nguqbe’jaj lotlhwI’pu’. SelaH

verso 8

Qun’a’ma’ yIquvmoH, ‘o ghotpu’; naDDaj wab Qoylu’jaj.

verso 9

qa’maj yInmoHtaH ‘ej tang qammaj ‘e’ bot.

verso 10

‘o Qun’a’, junoHta’. juchovta’; SIrlIy wIrur.

verso 11

vonmeH SIr’o’Daq juqemta’; DubDu’majDaq tapbogh ‘ughwI’ Dalanta’.

verso 12

nachmajDaq lIgh loDpu’ ‘e’ Dachaw’; qul, bIQ je wItolpu’ ‘ach Daq mIpqu’Daq julupta’.

verso 13

juH qachlIj vI’elDI’ meQmeH nobmey vIqem; SoHvaD ‘IpmeywIj vIpab.

verso 14

jISotDI’ mu’ jatlhpu’ wuSwIj ‘ej ‘Ip jatlhpu’ nujwIj; DaH vIpab.

verso 15

SoHvaD Ha’DIbaH tlhagh meQmeH nob, DI’raq loD ‘anmoHmeH tlhIch je vInob. tangqa’mey, gha’chermey je vI’anmoH. SelaH

verso 16

Ha’ peQoy, ‘o Qun’a’ vuvwI’pu’, ‘ej qa’wIjvaD ta’meyDaj vIrIch.

verso 17

ghaHvaD jIjachmeH nujwIj vIlo’pu’ ‘ej vInaDqu’meH jatwIj vIlo’pu’.

verso 18

tIqwIjDaq ta’ mIgh vIQej net jalchugh, vaj ‘IjQo’ joH’a’.

verso 19

‘ach ‘Ijbejpu’ Qun’a’; vItlhobDI’ ghoghwIj Qoypu’.

verso 20

Qun’a’ quvmoHlu’jaj, mulajpu’mo’ vItlhobDI’ ‘ej jIHvo’ pung’a’Daj teqbe’pu’!

Capítulos:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122