bommey

Capitole:

… 64 65 66 67 68 …   ⇤ ← 66 → ⇥

versetul 1

QoqpInvaD ‘oH bomvam’e’.
Qun’a’vaD pejach ‘ej peQuchqu’, tera’ Hoch;

versetul 2

pongDaj quvvaD pebom; quvmoHmeH yInaD!

versetul 3

Qun’a’vaD yIjatlh: “Dunqu’ ta’meylIj! qu’ HoSlIj vaj SoHmo’ jel jaghpu’lI’.

versetul 4

SoHvaD tor tera’ Hoch ‘ej DunaDmeH bom; ponglIj lunaDmeH bom.” SelaH

versetul 5

Ha’ Qun’a’ ta’mey tIlegh: Humanpu’vaD Dunqu’ ta’meyDaj.

versetul 6

puH QaD moj bIQ’a’ ‘e’ qaSmoH ghaH; bIQtIq lutolmeH qamDu’chaj lo’. pa’ ghaHmo’ maQuchqu’;

versetul 7

reH che’ HoSDajmo’ ‘ej nughmey bej mInDu’Daj. nguqbe’jaj lotlhwI’pu’. SelaH

versetul 8

Qun’a’ma’ yIquvmoH, ‘o ghotpu’; naDDaj wab Qoylu’jaj.

versetul 9

qa’maj yInmoHtaH ‘ej tang qammaj ‘e’ bot.

versetul 10

‘o Qun’a’, junoHta’. juchovta’; SIrlIy wIrur.

versetul 11

vonmeH SIr’o’Daq juqemta’; DubDu’majDaq tapbogh ‘ughwI’ Dalanta’.

versetul 12

nachmajDaq lIgh loDpu’ ‘e’ Dachaw’; qul, bIQ je wItolpu’ ‘ach Daq mIpqu’Daq julupta’.

versetul 13

juH qachlIj vI’elDI’ meQmeH nobmey vIqem; SoHvaD ‘IpmeywIj vIpab.

versetul 14

jISotDI’ mu’ jatlhpu’ wuSwIj ‘ej ‘Ip jatlhpu’ nujwIj; DaH vIpab.

versetul 15

SoHvaD Ha’DIbaH tlhagh meQmeH nob, DI’raq loD ‘anmoHmeH tlhIch je vInob. tangqa’mey, gha’chermey je vI’anmoH. SelaH

versetul 16

Ha’ peQoy, ‘o Qun’a’ vuvwI’pu’, ‘ej qa’wIjvaD ta’meyDaj vIrIch.

versetul 17

ghaHvaD jIjachmeH nujwIj vIlo’pu’ ‘ej vInaDqu’meH jatwIj vIlo’pu’.

versetul 18

tIqwIjDaq ta’ mIgh vIQej net jalchugh, vaj ‘IjQo’ joH’a’.

versetul 19

‘ach ‘Ijbejpu’ Qun’a’; vItlhobDI’ ghoghwIj Qoypu’.

versetul 20

Qun’a’ quvmoHlu’jaj, mulajpu’mo’ vItlhobDI’ ‘ej jIHvo’ pung’a’Daj teqbe’pu’!

Capitole:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122