bommey

Capitole:

… 66 67 68 69 70 …   ⇤ ← 68 → ⇥

versetul 1

QoQpInvaD bomvam qon DawID.
Hu’ Qun’a’ ‘ej ghomHa’ jaghpu’Daj; ghaHvo’ Haw’ muSwI’pu’Daj!

versetul 2

chaH DaghomHa’; tlhIch lurur. jIvvo’pu’ luQaw’lu tu’taHvIS Qun’a’; qulDaq req tetlu’bogh lurur!

versetul 3

‘ach Quch quvwI’pu’; lop chaH tu’taHvIS Qun’a’; Quchqu’mo’ bom.

versetul 4

Qun’a’vaD pebom, pongDajvaD naDmey tIbom; chalDaq lIghbogh Qun’a’ boQejmeH, pongDaj “yaH” yIlo’. peQuchqu’ tu’taHvIS ghaH!

versetul 5

vav Do’Ha’wI’pu’vaD vav Da; loDnal weSpu’bogh be’pu’vaD QanwI’ Da; Daq quvDajDaq ghaH Qun’a’’e’.

versetul 6

‘ubwI’vaD juH DabmoH Qun’a’; chepmeH qama’pu’ Dev, ‘ach puH QaD luDab lotlhwI’pu’.

versetul 7

‘o Qun’a’, ghotpu’lIj DaDevDI’, DebDaq bItlhajDI’, SelaH

versetul 8

Qom puH ‘ej SIS chal; ghu’vam tu’ Qun’a’, SIynay Qun’a’, yISra’el Qun’a’.

versetul 9

‘o Qun’a’, bISISqu’moHpu’; quHlaj DarIHqa’pu’ Doy’qu’DI’.

versetul 10

pa’ luDabpu’ ghotpu’lIj; bIQaQmo’, ‘o Qun’a’, Do’Ha’wI’vaD bIpeSpu’.

versetul 11

mu’ nob joH’a’; mangghom’a’ chaH De’ QaQ lumaqbogh be’pu’’e’.

versetul 12

“Haw’; Haw’ mangghommey ta’pu’!” qengHoD luwav ratlhbogh be’pu’;

versetul 13

DI’raq pa’meyDaq SuQotchugh, SIrlIy luyugh roj bo’Degh telDu’ ‘ej qol’om luyugh bo.

versetul 14

pa’ ta’pu’ ghomHa’moHDI’ HoSjajwI’’a’, SalmonDaq peDjaj.

versetul 15

‘o Qun’a’ HuD, ‘o baSan HuD, ‘o yormey law’ ghajbogh HuD, ‘o baSan HuD!

versetul 16

qatlh bIghal, ‘o yormey law’ ghajbogh HuD, Qun’a’ HuD DabejDI’? HuDvam Dab neH ghaH; HISlaH, reH pa’ Dab joH’a’.

versetul 17

cha’logh boq’egh wa’netlh; chen Qun’a’ Sargh Dujmey. SaDmey, SaDmey je bIH. pa’ SaH joH’a’. DaH qach quvDaq ‘oHtaH SIynay’e’.

versetul 18

Daq jen DaSalDI', qama'pu' law' Daqemta'; loDpu’vo’ nobmey law' DaHevpu’. vabDot mulwI’pu’vo’ nobmey DaHevpu’. ‘ej vaj chaH tlhejlaH Qun’a’, joH’a’.

versetul 19

quvjaj joH’a’; Hoch jaj nuqeng; toDmaj ghaH Qun’a’’e’. SelaH

versetul 20

toD Qun’a’ ghaH Qun’a’ma’’e’; Heghvo’ toD Qun’a’, joH’a’.

versetul 21

‘ach jaghpu’Daj nachDu’ mup Qun’a’; DIvtaHwI’ DughrI’ mup.

versetul 22

jatlh joH’a’: “baSanvo’ chaH vIqemqa’; bIQ’a’ jaQvo’ vIqemqa’.

versetul 23

vaj jaghpu’ ‘IwDaq qamlIj Dalan ‘ej lulIn targhmey jat.

versetul 24

bIyItDI’ luleghpu’, ‘o Qun’a’, qach quvDaq yItDI’ Qun’a’wI’, voDleHwI’.

versetul 25

tlhopDaq chaH bomwI’pu’’e’ ‘ej ‘emDaq chaH muchwI’pu’’e’ ‘ej jojDaq chaH DIr’ InHommey weq’bogh be’pu’ Qup’e’.

versetul 26

“yej’a’Daq yISra’el bIQ ghItmoHwI’vo’ Qun’a’, joH’a’ yIquvmoH!”

versetul 27

pa’ Dev bInyamIn tuq mach; ghom’a’chajDaq chaH yeHu’Da tuq che’wI’pu’, Sebu’lun tuq che’wI’pu’, navtalIy tuq che’wI’pu’ je.

versetul 28

HoSlIj yIrItneS, ‘o Qun’a’; maHvaD bIta’meH HoSvam Dalo’pu’.

versetul 29

yeru’Sala’yImDaq chIrghlIjmo’ SoHvaD nobmey qem ta’pu’.

versetul 30

jagh nugh tIqunneS; SIyechmeyDaq ghachbogh Ha’DIbaH’a’mey rur; tanqa’Hommey jojDaq tangqa’’a’mey law’ rur. tInguqHa’moHneS ‘ej vanmeH SIrlIy ngoghmey qemjaj; veS lutIvbogh ghotpu’’e’ yIghomHa’neS.

versetul 31

mItlhra’yImvo’ ghoS chuQun; tugh Qun’a’vaD ghopDu’Daj pep quS nugh. 32 ‘o tera’ wo’mey, Qun’a’vaD pebom; joH’a’vaD naDmey tIbom; SelaH

versetul 33

chal’a’Daq, chal’a’ tIQDaq lIgh; yIqel: ghogh HoSghajDaj ngeH.

versetul 34

Qun’a’ HoS yImaq; yIsra’elDaq ngay’Daj tu’lu’; chalDaq HoSDaj tu’lu’.

versetul 35

qach quvDajDaq Dun Qun’a’; ghotpu’DajvaD HoS nob yISra’el Qun’a’. Qun’a’ quvmoHlu’jaj!

Capitole:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122