bommey

Fejezetek:

… 66 67 68 69 70 …   ⇤ ← 68 → ⇥

1. vers

QoQpInvaD bomvam qon DawID.
Hu’ Qun’a’ ‘ej ghomHa’ jaghpu’Daj; ghaHvo’ Haw’ muSwI’pu’Daj!

2. vers

chaH DaghomHa’; tlhIch lurur. jIvvo’pu’ luQaw’lu tu’taHvIS Qun’a’; qulDaq req tetlu’bogh lurur!

3. vers

‘ach Quch quvwI’pu’; lop chaH tu’taHvIS Qun’a’; Quchqu’mo’ bom.

4. vers

Qun’a’vaD pebom, pongDajvaD naDmey tIbom; chalDaq lIghbogh Qun’a’ boQejmeH, pongDaj “yaH” yIlo’. peQuchqu’ tu’taHvIS ghaH!

5. vers

vav Do’Ha’wI’pu’vaD vav Da; loDnal weSpu’bogh be’pu’vaD QanwI’ Da; Daq quvDajDaq ghaH Qun’a’’e’.

6. vers

‘ubwI’vaD juH DabmoH Qun’a’; chepmeH qama’pu’ Dev, ‘ach puH QaD luDab lotlhwI’pu’.

7. vers

‘o Qun’a’, ghotpu’lIj DaDevDI’, DebDaq bItlhajDI’, SelaH

8. vers

Qom puH ‘ej SIS chal; ghu’vam tu’ Qun’a’, SIynay Qun’a’, yISra’el Qun’a’.

9. vers

‘o Qun’a’, bISISqu’moHpu’; quHlaj DarIHqa’pu’ Doy’qu’DI’.

10. vers

pa’ luDabpu’ ghotpu’lIj; bIQaQmo’, ‘o Qun’a’, Do’Ha’wI’vaD bIpeSpu’.

11. vers

mu’ nob joH’a’; mangghom’a’ chaH De’ QaQ lumaqbogh be’pu’’e’.

12. vers

“Haw’; Haw’ mangghommey ta’pu’!” qengHoD luwav ratlhbogh be’pu’;

13. vers

DI’raq pa’meyDaq SuQotchugh, SIrlIy luyugh roj bo’Degh telDu’ ‘ej qol’om luyugh bo.

14. vers

pa’ ta’pu’ ghomHa’moHDI’ HoSjajwI’’a’, SalmonDaq peDjaj.

15. vers

‘o Qun’a’ HuD, ‘o baSan HuD, ‘o yormey law’ ghajbogh HuD, ‘o baSan HuD!

16. vers

qatlh bIghal, ‘o yormey law’ ghajbogh HuD, Qun’a’ HuD DabejDI’? HuDvam Dab neH ghaH; HISlaH, reH pa’ Dab joH’a’.

17. vers

cha’logh boq’egh wa’netlh; chen Qun’a’ Sargh Dujmey. SaDmey, SaDmey je bIH. pa’ SaH joH’a’. DaH qach quvDaq ‘oHtaH SIynay’e’.

18. vers

Daq jen DaSalDI', qama'pu' law' Daqemta'; loDpu’vo’ nobmey law' DaHevpu’. vabDot mulwI’pu’vo’ nobmey DaHevpu’. ‘ej vaj chaH tlhejlaH Qun’a’, joH’a’.

19. vers

quvjaj joH’a’; Hoch jaj nuqeng; toDmaj ghaH Qun’a’’e’. SelaH

20. vers

toD Qun’a’ ghaH Qun’a’ma’’e’; Heghvo’ toD Qun’a’, joH’a’.

21. vers

‘ach jaghpu’Daj nachDu’ mup Qun’a’; DIvtaHwI’ DughrI’ mup.

22. vers

jatlh joH’a’: “baSanvo’ chaH vIqemqa’; bIQ’a’ jaQvo’ vIqemqa’.

23. vers

vaj jaghpu’ ‘IwDaq qamlIj Dalan ‘ej lulIn targhmey jat.

24. vers

bIyItDI’ luleghpu’, ‘o Qun’a’, qach quvDaq yItDI’ Qun’a’wI’, voDleHwI’.

25. vers

tlhopDaq chaH bomwI’pu’’e’ ‘ej ‘emDaq chaH muchwI’pu’’e’ ‘ej jojDaq chaH DIr’ InHommey weq’bogh be’pu’ Qup’e’.

26. vers

“yej’a’Daq yISra’el bIQ ghItmoHwI’vo’ Qun’a’, joH’a’ yIquvmoH!”

27. vers

pa’ Dev bInyamIn tuq mach; ghom’a’chajDaq chaH yeHu’Da tuq che’wI’pu’, Sebu’lun tuq che’wI’pu’, navtalIy tuq che’wI’pu’ je.

28. vers

HoSlIj yIrItneS, ‘o Qun’a’; maHvaD bIta’meH HoSvam Dalo’pu’.

29. vers

yeru’Sala’yImDaq chIrghlIjmo’ SoHvaD nobmey qem ta’pu’.

30. vers

jagh nugh tIqunneS; SIyechmeyDaq ghachbogh Ha’DIbaH’a’mey rur; tanqa’Hommey jojDaq tangqa’’a’mey law’ rur. tInguqHa’moHneS ‘ej vanmeH SIrlIy ngoghmey qemjaj; veS lutIvbogh ghotpu’’e’ yIghomHa’neS.

31. vers

mItlhra’yImvo’ ghoS chuQun; tugh Qun’a’vaD ghopDu’Daj pep quS nugh. 32 ‘o tera’ wo’mey, Qun’a’vaD pebom; joH’a’vaD naDmey tIbom; SelaH

33. vers

chal’a’Daq, chal’a’ tIQDaq lIgh; yIqel: ghogh HoSghajDaj ngeH.

34. vers

Qun’a’ HoS yImaq; yIsra’elDaq ngay’Daj tu’lu’; chalDaq HoSDaj tu’lu’.

35. vers

qach quvDajDaq Dun Qun’a’; ghotpu’DajvaD HoS nob yISra’el Qun’a’. Qun’a’ quvmoHlu’jaj!

Fejezetek:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122