bommey
22. zsoltár
1. vers
QoQpInvaD bomvam qon DawID. jajlo' Sarghbe' tIgh pab 'oH.
Qun'a'wI' Qun'a'wI' qatlh cholonpu'?
qatlh chotoDmeH jIjachDI' bIHopqu'?
2. vers
'o Qun'a'wI', qaStaHvIS pem jISaQ 'ach bIjangbe'. qaStaHvIS ram jIleSlaHbe'.
3. vers
'ach bIquv. yISra'el naDmeyDaq Daba'.
4. vers
nIvoqpu' no'ma'. nIvoqpu' 'ej DatoDpu'.
5. vers
SoHvaD jachpu' 'ej lutoDlu'pu'. nIvoqpu' 'ej tuHpu'be'.
6. vers
'ach qagh jIH 'ej loD jIHbe'. muvaq loDpu' 'ej mumuSqu' ghotpu'.
7. vers
munuS Hoch muleghchugh. mon wuSDu'chaj 'ej ron nachDu'chaj.
8. vers
“joH'a' voq! ghaH toDjaj! ghaH narghmoHjaj, belDaj ghaHmo'!”
9. vers
'ach chI'IDvo' cholel. SoSwI' ngob'atDu'Daq chovoqmoH.
10. vers
jIboghDI' SoHvaD mujaDlu' 'ej SoSwI' chI'IDvo' Qun'a'wI' SoH.
11. vers
jIHvo' yIHopQo', Summo' Seng 'ej muQaHmeH pagh tu'lu'.
12. vers
muDech tangqa'mey law'; muSev baSan tangqa''a'mey.
13. vers
jIHDaq nujDu'chaj poSmoH; vIrghbogh 'ej jachbogh vIghro''a' lurur.
14. vers
jIghIt; bIQ vIrur. Hoch HomDu'wIj luchevlu'. req rur tIqwIj. qoDwIjDaq tetlu'.
15. vers
QaD HoSwIj; DabqI' 'un rur. ghapqa'Du'wIjDaq ngam jatwIj. Hegh Say'qISDaq choQotmoH.
16. vers
muDech targhmey; muSev mIghwI'pu' wey; ghopDu'wIj qamDu'wIj je ghIDpu'.
17. vers
Hoch HomDu'wIj vItoghlaH; mubej chaH 'ej mulegh.
18. vers
chaHvaD SutmeywIj wav; yIvbeHwIjvaD naghmey SuD.
19. vers
'ach SoH, 'o joH'a', yIHopQo'! choQaHmeH yImoD, wuywI'wI'.
20. vers
yanvo' qa'wIj yItoD; targh HoSvo' yInwIj yItoD!
21. vers
vIghro''a' nujvi' yItoD! tangqa'mey tlhay'Ha' pu'Du'vo' chojangpu'.
22. vers
loDnI'pu'wI'vaD ponglIj vIrIch; yej jojDaq qanaD.
23. vers
tlhIH, joH'a' vuvwI'pu', yInaD! Hoch ya'qov nortlhampu', ngay' yInob! Hoch yISra'el nortlhampu', yIHaj!
24. vers
vay' QIHlu'chugh vaj vay'vetlh muSbe' 'ej parbe', 'ej vay'vetlhvo' qabDaj So'be', 'ach ghaHvaD SaQDI' Qoy ghaH.
25. vers
SoHvo' yej'a'Daq 'oHtaH naDwIj'e'. SaHDI' vuvwI'pu'Daj 'IpmeywIj vIpab.
26. vers
Sop nguqHa’wI'pu' 'ej yon; joH'a' naD nejwI'pu'Daj! reH yInjaj tIqDu'raj!
27. vers
joH'a' luqaw qo' HeHmey 'ej ghaHDaq tlhe' 'ej SoH tlhopDaq tor Hoch nughmey tuqmey.
28. vers
joH'a'vaD 'oH wo''e' 'ej nughmey che'.
29. vers
Sop Hoch qo' chepwI'pu' 'ej naD; Say'qISDaq ghIrchugh vay', qa'Daj yIn polbe'chugh vay', vaj ghaH tlhopDaq tor vay'vetlh.
30. vers
lutoy' nortlhampu'; puq poH vebvaD joH'a' rIchlu';
31. vers
ghoS chaH 'ej wej boghbogh ghotpu' ja' 'ej chaHvaD ruvDaj lumaq. jatlh: ta'ta'.
Könyvek
