bommey
55. zsoltár
1. vers
QoQpInvaD maSqIlvam qon DawID. HurDaghmey lulo’lu’taHvIS [bomlu’].
qaqoy’DI’ teSlIj yInobneS, ‘o Qun’a’, ‘ej pung vItlhobDI’ yISo’’eghneSQo'.
2. vers
HIqImneS ‘ej HIjangneS; jIleSlaHbe’ jIbepDI’ ‘ej jIghugh
3. vers
jagh wabmo’, jIvvo’ QIHmo’ je. Seng muqem ‘ej muqeHmo’ mumuS.
4. vers
jIH qoDDaq ‘oy’qu’ tIqwIj; muHajmoHpu’ Hegh.
5. vers
vIghIjchoHlu’pu’ ‘ej jIjelchoHpu’ ‘ej munatlh Hajqu’ghach.
6. vers
vIjatlh: “roj bo’Degh telDu’ vIghaj ‘e’ vIjIn! jIpuvlaH ‘ej jIleSlaH ‘e’ vIjIn;
7. vers
HISlaH, chuq’a’Daq jIlenglaH ‘ej Deb vIDablaH ‘e’ vIjIn; SelaH
8. vers
jImoDlaH ‘ej jevbogh SuSvo’ jInarghlaH ‘e’ vIjIn.”
9. vers
tIQaw’neS, ‘o joH’a’, ‘ej jatDu’chaj tIwavneS; vengDaq rallu’ ‘ej ghoHlu’ ‘e’vIlegh.
10. vers
qaStaHvIS pem, ram je reDmeyDaj bav; ‘oH qoDDaq mIghlu’ ‘ej Senglu’.
11. vers
‘oH qoDDaq lot tu’lu’; ngevmeH yaHDaq QIHlu’taH ‘ej tojlu’taH.
12. vers
jagh ghaHbe’ muvaqbogh ghot’e’; jagh vIcherghlaH. ghol ghaHbe’ mutIchbogh ghot’e’; gholvo’ jISo’’eghlaH.
13. vers
‘ach ghaH SoH’e’. loD, qochwI’, vInDa’wI’, jup’a’wI’ je SoH.
14. vers
nItebHa’ naHHa’ghach wItIvpu’; Qun’a’ juH qach mayIttaHvIS matlhejchuqpu’.
15. vers
chaH jonjaj Hegh; Se’ol lughoSjaj yIntaHvIS; juHchajDaq, tIqchajDaq je mIgh chaH.
16. vers
‘ach Qun’a’ vIrIt ‘ej mutoD joH’a’.
17. vers
qaStaHvIS tlhom, po, DungluQ je jIbep ‘ej jIghugh ‘ej ghoghwIj Qoy.
18. vers
jIghobDI’ qa’wIj toD ‘ej Qan, muqaDmo’ ghotpu’ law’.
19. vers
‘Ij Qun’a’ ‘ej chaH nguqHa’moH—ben law’ DaH qubbID quS’a’ ba’—SelaH
choHbe’mo’ ‘ej Qun’a’ luvuvbe’mo’.
20. vers
vInDa’wI’’e’, juppu’Daj maghmeH ghopDaj pep; mabDaj bIv.
21. vers
Hab QIchDaj; nIm tlhagh rur, ‘ach tIqDajDaq Qoj. mu’meyDaj tun law’ watrIn tun puS, ‘ach yanmey luQIqlu’bogh rur.
23. vers
joH’a’vaD ‘ughwI’lIj Danobchugh, vaj DutaHmoH; quvwI’pu’ luvIHmoHlu’ not ‘e’ chaw’.
24. vers
‘ach SoH’e’, ‘o Qun’a’, QIH QemjIqDaq chaH DajaD. jajmeychaj bID luSIQbe’ ‘Iw lu’ojbogh tojwI’pu’’e’. ‘ach qavoq jIH.
Könyvek
