bommey
Salmo 55
verso 1
QoQpInvaD maSqIlvam qon DawID. HurDaghmey lulo’lu’taHvIS [bomlu’].
qaqoy’DI’ teSlIj yInobneS, ‘o Qun’a’, ‘ej pung vItlhobDI’ yISo’’eghneSQo'.
verso 2
HIqImneS ‘ej HIjangneS; jIleSlaHbe’ jIbepDI’ ‘ej jIghugh
verso 3
jagh wabmo’, jIvvo’ QIHmo’ je. Seng muqem ‘ej muqeHmo’ mumuS.
verso 4
jIH qoDDaq ‘oy’qu’ tIqwIj; muHajmoHpu’ Hegh.
verso 5
vIghIjchoHlu’pu’ ‘ej jIjelchoHpu’ ‘ej munatlh Hajqu’ghach.
verso 6
vIjatlh: “roj bo’Degh telDu’ vIghaj ‘e’ vIjIn! jIpuvlaH ‘ej jIleSlaH ‘e’ vIjIn;
verso 7
HISlaH, chuq’a’Daq jIlenglaH ‘ej Deb vIDablaH ‘e’ vIjIn; SelaH
verso 8
jImoDlaH ‘ej jevbogh SuSvo’ jInarghlaH ‘e’ vIjIn.”
verso 9
tIQaw’neS, ‘o joH’a’, ‘ej jatDu’chaj tIwavneS; vengDaq rallu’ ‘ej ghoHlu’ ‘e’vIlegh.
verso 10
qaStaHvIS pem, ram je reDmeyDaj bav; ‘oH qoDDaq mIghlu’ ‘ej Senglu’.
verso 11
‘oH qoDDaq lot tu’lu’; ngevmeH yaHDaq QIHlu’taH ‘ej tojlu’taH.
verso 12
jagh ghaHbe’ muvaqbogh ghot’e’; jagh vIcherghlaH. ghol ghaHbe’ mutIchbogh ghot’e’; gholvo’ jISo’’eghlaH.
verso 13
‘ach ghaH SoH’e’. loD, qochwI’, vInDa’wI’, jup’a’wI’ je SoH.
verso 14
nItebHa’ naHHa’ghach wItIvpu’; Qun’a’ juH qach mayIttaHvIS matlhejchuqpu’.
verso 15
chaH jonjaj Hegh; Se’ol lughoSjaj yIntaHvIS; juHchajDaq, tIqchajDaq je mIgh chaH.
verso 16
‘ach Qun’a’ vIrIt ‘ej mutoD joH’a’.
verso 17
qaStaHvIS tlhom, po, DungluQ je jIbep ‘ej jIghugh ‘ej ghoghwIj Qoy.
verso 18
jIghobDI’ qa’wIj toD ‘ej Qan, muqaDmo’ ghotpu’ law’.
verso 19
‘Ij Qun’a’ ‘ej chaH nguqHa’moH—ben law’ DaH qubbID quS’a’ ba’—SelaH
choHbe’mo’ ‘ej Qun’a’ luvuvbe’mo’.
verso 20
vInDa’wI’’e’, juppu’Daj maghmeH ghopDaj pep; mabDaj bIv.
verso 21
Hab QIchDaj; nIm tlhagh rur, ‘ach tIqDajDaq Qoj. mu’meyDaj tun law’ watrIn tun puS, ‘ach yanmey luQIqlu’bogh rur.
verso 23
joH’a’vaD ‘ughwI’lIj Danobchugh, vaj DutaHmoH; quvwI’pu’ luvIHmoHlu’ not ‘e’ chaw’.
verso 24
‘ach SoH’e’, ‘o Qun’a’, QIH QemjIqDaq chaH DajaD. jajmeychaj bID luSIQbe’ ‘Iw lu’ojbogh tojwI’pu’’e’. ‘ach qavoq jIH.
Libros
