bommey
Salmo 35
verso 1
[bomvam] qon DawID.
'o joH'a', muqaDbogh ghotpu' yIqaDneS; muSuvbogh ghotpu' yISuvneS!
verso 2
yoDwIj, may' SutwIj je tI'uchneS 'ej choQaHmeH yIHu'neS!
verso 3
tlha'wI'pu'wI' DaqaDmeH naQjej, chonnaQ je tIQIqneS! qa'wIjvaD yIjatlhneS: “toDlIj jIH!”
verso 4
tuHjaj yInwIj nejwI'pu' 'ej quvHa'jaj! QIHwIj nabwI'pu' luDoHmoHlu'jaj 'ej belHa'jaj!
verso 5
SuSDaq tIr yub lururjaj; chaH vujjaj joH'a' HoSDo'!
verso 6
Hurghjaj Hechaj 'ej 'Ichjaj; chaH tlha'jaj joH'a' HoSDo'!
verso 7
meq luHutlh, QemjIqDaq [mujonmeH] SIr'o' luSo'DI'; meq luHutlh, yInwIj [lutlhapmeH] tlhanDI'.
verso 8
Sovbe'DI' ghaH ghoSjaj QIH! ghaH jonjaj SIr'o' So'bogh! ghaH Qaw'meH 'oHDaq pumjaj!
verso 9
'ej joH'a'mo' Quch qa'wIj 'ej toDDaj lop.
verso 10
jatlh Hoch HomDu'wIj: “'o joH'a', Durur 'Iv? HoSwI'vo' mIpHa'wI' DatoD; HejwI'vo' mIpHa'wI', nguqHa’wI' je [DatoD].
verso 11
Hu' nguHwI'pu' Qaq; Dochmey vISovbe'bogh mughel.
verso 12
batlh jIvangDI' muQIH; Sot qa'wIj.
verso 13
'ach jIH'e'—ropDI' chaH—weSjech ghegh vItuQ 'ej 'jISopQo' 'ej pe'vIl Qun'a'vaD jIqoy'.
verso 14
jupwI', loDnI'wI' joq rur ghaH; ghu'vam vIDa. pe'vIl jI'eS'eghmoH; SoS HutlhchoHwI' vIDa.
verso 15
'ach jISotDI' Quchqu' chaH 'ej ghom; muqaDmeH ghom HIvwI'pu' 'ej vISovbe'. muvIrgh 'ej mevbe'.
verso 16
'uQ'a'Daq vaqwI'pu' HoQ rur; muyIvmeH Ho'Du'chaj lo'.
verso 17
'o joH'a'wI', qaStaHvIS poH 'ar bIlegh? QIHmeychajvo' HItoDneS; vIghro''a'meyvo' yInwIj yItoDneS.
verso 18
yej'a'Daq qatlho'; ghotpu' law' jojDaq qanaD.
verso 19
jIHmo' Quchqu'jaj jaghpu'wI'; meq luHutlhDI' mumuSchugh, wangbe'jaj.
verso 20
roj lujatlhbe'; puHDaq tamwI'pu' tojmeH nab chaH.
verso 21
nujDu'chaj poSqu'moH 'ej jatlh: “toH, toH, leghpu' mInDu'maj.”
verso 22
Daleghpu', 'o joH'a'; yItamtaHQo'; 'o joH'a', jIHvo' yIHopQo'.
verso 23
yIvem 'ej yojwIjmo' yIHu', qaDwIjmo', 'o Qun'a'wI', joH'a'wI' je.
verso 24
ruvlIjmo' HInoH, 'o joH'a', 'ej jIHmo' Quchqu'jaj chaH.
verso 25
jatlhbe'jaj tIqDu'chaj: “toH, wIneHchugh, vaj wIghaj.” jatlhbe'jaj: “ghaH wIghuppu'.”
verso 26
vIQIHlu'DI' Quchqu'chugh, vaj tuHjaj 'ej mISjaj. muqaDmeH pep'eghchugh, vaj tuQmoHjaj quvHa'ghach.
verso 27
ruvwIjmo' belchugh vay', vaj Quchqu'jaj vay'vetlh 'ej jachjaj. jatlhtaHjaj: “joH'a' quvmoHlu'jaj; chepmo' toy'wI'Daj, bel ghaH.”
verso 28
qaStaHvIS jaj Hoch, ruvlIj, naDlIj je jatlh jatwIj.
Libros
