bommey
Salmo 27
verso 1
[bomvam qon] DawID.
tamghaywIj toDwIj je ghaH joH'a''e'; mughIj 'Iv? yInwIj lulIgh ghaH joH'a''e'; muHaj 'Iv?
verso 2
'oynotwIj luSopmeH mughoSDI' mIghwI'pu', jaghpu'wI' gholpu'wI' je, tang chaH 'ej pum.
verso 3
muqaDmeH raQ cherchugh mangghom, vaj tIqwIj ghIjlu'be'; muqaDmeH Hu'chugh noH, vaj jIbaw'.
verso 4
joH'a' vItlhob; wa' Doch vInej: qaStaHvIS Hoch yInwIj jajmey, joH'a' juH qach vIDab; joH'a' 'IH vIbej 'ej chIrghDajDaq jIpaQ.
verso 5
qaSDI' Seng jaj, raywalDajDaq muSo'; jo'ley'Daj peghDaq muvel; naghDaq mupep.
verso 6
'ej DaH nachwIj peplu'; muDechbogh jaghpu'wI' DungDaq 'oHtaH; jo'ley'DajDaq jIQuchtaHvIS jIjach 'ej jI'anmoH. joH'a'vaD jIbom 'ej jInaD.
verso 7
'o joH'a', ghoghwIj bey yIQoyneS; jIHvaD tlhoqtlhal yIturneS 'ej HIjangneS!
verso 8
Dajatlh: “qabwIj yInej.” SoHvaD jatlh tIqwIj: “'o joH'a', qablIj vInej.”
verso 9
jIHvo' qablIj yISo'neSQo'. bIQeHDI' toy'wI'lI' yIwoDneSQo', QaHwI' SoHmo'. HIlonneSQo' 'ej HIchoSneSQo', toDwIj Qun'a'.
verso 10
pulonpu' vavwI' SoSwI' je, 'ach muHev joH'a'.
verso 11
tIghlIj HIghojmoHneS, 'o joH'a', 'ej taw beQDaq HIDevneS jaghpu'wI'mo'.
verso 12
gholpu'wI' ghopDu'vaD HInobneSQo'; muqaDmeH Hu'pu' nguHwI'pu' nepwI' 'ej ralmeH rech.
verso 13
yInwI'pu' puHDaq joH'a' QaQ vIlegh 'e' vIHar.
verso 14
joH'a' yIloS, yIHoS, 'ej tIqlIj Subjaj; joH'a' yIloS!
Libros
